膠戰S4｜Edan零防護搏命摘榴槤 驚險盲盒摸蟲嚇到全身震曬

榴蓮高空墜落 Edan爺爺無頭盔上陣

今次6膠遠赴檳城拍外景，點少得當地名物「榴槤」。Edan同爺爺就被安排到榴槤園體驗摘榴蓮，不過園內情況相當驚險，榴槤時不時從高空直墜而下，果園負責人更大爆自己曾經中招，被榴槤砸中膊頭，當場血流滿身，嚇到Edan同爺爺非常緊張、全程心驚膽跳。

盲盒挑戰同估昆蟲 Edan驚到成個人震曬

6膠大啖榴槤之後，即刻迎來「克服恐懼」環節——挑戰盲盒遊戲！每個箱子內都藏有不同昆蟲，6膠要各自伸手摸索，並猜出是哪一款。雖然大部分成員都表現得相對鎮定，但Edan伸手擺入箱子就已經開始面容扭曲、喊曬口面。

直到製作組宣布，只要成功將「馬陸」放上手便算過關，Edan終於硬著頭皮上陣。不過即使其餘5膠幫手捉實，他依然嚇到全身發抖，場面驚險又爆笑！