膠戰S3｜幕後團隊親解揀選「6膠」原因 Edan珈其係鐵膽有位是人夫監製要求

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jul 3 2023

《膠戰S3》緊接《全民造星5》今晚（3日）九點半首播，「6膠」呂爵安（Edan）、魏浚笙（Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）繼續派膠喪玩。從預告片中可見，每集主題、嘉賓及場地亦有不少驚喜，陳蕾和許廷鏗（Alfred）都是嘉賓之一。《膠戰》成功令「6膠」入屋兼人氣急升，第三季的首集播出前，率先重溫幕後團隊親解挑選「6膠」的原因，有一位更加是人夫監製要求加入的！

膠戰s3 呂爵安《膠戰》成功令「6膠」入屋兼人氣急升。 — 《膠戰》成功令「6膠」入屋兼人氣急升。（圖片來源：ViuTV截圖）

膠戰s3 呂爵安幕後團隊親解揀選「6膠」原因。 — 幕後團隊親解揀選「6膠」原因。（圖片來源：ViuTV截圖）

幕後團隊親揭湊夠「6膠」原因

早在《膠戰S2》播出前，《膠戰》繼承者團隊曾現身《今世做電視》揭開湊夠「6膠」的原因。編審文靜（林文靜）表示《膠戰》選角是經過精心安排：「一開頭人選係Edan同珈其，佢兩個一定係膽嚟，期間我哋覺得點都要有個肥仔喺度，肥腸加入堪稱喜感鐵三角﹗」

膠戰s3 呂爵安 Edan、岑珈其加埋肥腸湊成喜感鐵三角﹗ — Edan、岑珈其加埋肥腸湊成喜感鐵三角﹗（圖片來源：ViuTV影片截圖）

人夫監製自肥揀女神Hillary加入

她更大爆是監製要求有女主持，監製阿宏（李宏達）笑笑口說：「如果六個都係仔，得佢（文靜）開心，都要其他觀眾都開心先得﹗」文靜搶答：「明明係佢自己想開心，Hillary係監製自己揀嘅﹗」阿宏轉移視線指有阿正的加入會令大家睇得好開心。

膠戰s3 呂爵安編審文靜大爆加入女神Hillary是監製阿宏的意思﹗ — 編審文靜大爆加入女神Hillary是監製阿宏的意思﹗（圖片來源：ViuTV影片截圖）

膠戰s3 呂爵安監製阿宏曾為Hillary安排生日驚喜，合照時卻被工作人員取笑他笑容僵硬﹗ — 監製阿宏曾為Hillary安排生日驚喜，合照時卻被工作人員取笑他笑容僵硬﹗（圖片來源：ViuTV影片截圖）

Jeffrey靚仔夠膠

Jeffrey原來是最後加入的成員，文靜話：「我哋覺得一定要個靚仔，但一定要夠膠嘅，如果唔係會唔好睇，試鏡時發覺Jeffrey真係好膠，同埋佢有種天然呆﹗佢試玩啲無聊遊戲嗰時都好認真，係好想贏好認真去玩，夠晒膠﹗」

膠戰s3 呂爵安 Jeffery原來是最後加入的成員。 — Jeffery原來是最後加入的成員。（圖片來源：IG@plastic_family6）

Edan諗計突出個性

團隊又大讚「6膠」為節目花了不少心機，又點名讚Edan有諗法，阿宏話：「鏡頭後，佢哋都會商量點去玩個game，又會好投入去玩，會好用心去度點樣將自己個性格突出啲，好似Edan成日對Hillary好變態，珈其好似爺爺咁，一嘢被辣㷫﹗」又讚因為6膠都認真對待製作組安排的無聊小遊戲，出來效果先咁好。

膠戰s3 呂爵安「6膠」齊Po黑圖宣傳《膠戰S3》。 — 「6膠」齊Po黑圖宣傳《膠戰S3》。（圖片來源：IG@plastic_family6）

膠戰s3 呂爵安 Edan自己Po黑圖宣傳《膠戰S3》。 — Edan自己Po黑圖宣傳《膠戰S3》。（圖片來源：IG@plastic_family6）

率先劇透首集內容Edan及Jeffrey被神秘大佬擄走

第一集6膠就已經面對重重難關，Edan及Jeffrey被神秘大佬擄走，阿正、珈其、Hillary和肥腸為了營救兩位膠人，兵分兩路在限時內挑戰各項指定任務，以獲取藏參地點的線索。6膠之後成功集合，神秘大佬的真正身份亦被揭曉，他隨即邀請6膠大玩遊戲「無賴大戰真心膠」，當中飾演「無賴」及「真心膠」的人需根據題目輪流解說，而只有一人擔任的「高手」則要從眾人的解說中，選出知道真正答案的「真心膠」。

甫一開局阿正便抽中「高手」牌，眾人不斷說服阿正相信自己，Edan更落足嘴頭，七情上面地解說。雖然阿正曾在《膠戰S2》被Edan欺騙後，揚言以後不再相信他，但今次面對Edan看似誠懇的樣子，阿正會否動搖呢？

膠戰s3 呂爵安膠戰呂爵安 4位膠人兵分兩路營救Edan及Jeffrey，珈其右)、Hillary左)組成一隊。 — 4位膠人兵分兩路營救Edan及Jeffrey，珈其(右)、Hillary(左)組成一隊。（圖片來源：ViuTV提供）

膠戰s3 呂爵安膠戰呂爵安 4位膠人兵分兩路營救Edan及Jeffrey，阿正右)、肥腸左)則組成另一隊。 — 4位膠人兵分兩路營救Edan及Jeffrey，阿正(右)、肥腸(左)則組成另一隊。（圖片來源：ViuTV提供）

膠戰s3 呂爵安膠戰呂爵安 6膠集合後大玩遊戲「無賴大戰真心膠」。 — 6膠集合後大玩遊戲「無賴大戰真心膠」。（圖片來源：ViuTV提供）

6膠煞科勁不捨

官方日前在YouTube上載「《膠戰S3》煞科日生態紀錄！」曝光更多拍攝細節，節目於今年2月26日煞科，6膠繼續賣力玩遊戲，Edan仲瞓身趴地食棉花糖。談到煞科的心情，他們直言不捨但又期待第四季，珈其大爆：「我哋啱啱都各自喺廁所喊咗幾次，（Jeffrey：隻眼都紅晒）因為一諗到完啦就喊囉。」阿正笑言：「但係我哋又會準備咗Season4，所以都唔需要太擔心嘅。」

膠戰s3 呂爵安膠戰呂爵安 6膠繼續賣力玩遊戲。 — 6膠繼續賣力玩遊戲。（圖片來源：YouTube@ViuTV）

膠戰s3 呂爵安膠戰呂爵安 Edan仲瞓身趴地食棉花糖。 — Edan仲瞓身趴地食棉花糖。（圖片來源：YouTube@ViuTV）

珈其爆Jeffrey唔記得帶身份證

被問到「今季有幾膠」時，珈其在不劇透的情況下指「都玩得好癲」，再補充拍攝趣事：「有一次要去機場拍，咁就要入禁區拍。劇組提我哋一定要記得帶身份證，嗰時我收到個訊息就覺得，『吓，身份證邊個要提呀…邊個會唔記得帶呀…』跟住去到拍嗰日準備入禁區時，Jeffrey就話『Sorry，我唔記得帶身份證』，呢個都幾得意。」

至於今季值得期待的地方，阿正大爆：「家姐（Hillary）打人」。Hillary立即反駁：「我俾人欺凌呀。（阿正：睇下真相囉。）」珈其續指：「Hillary開始動手動腳…而家鏡頭前就扮晒嘢，拍緊嘅時候佢係兜錘打埋嚟。我睇咗兩次醫生，睇咗骨科同內藏科，佢話我有兩條肋骨係有啲裂，我俾佢打到內傷…醫生話我個胃同肺有啲震盪、震擊過…我哋唔排除真係會告佢囉，講真，哈哈。」