膠戰S3｜6膠大爆拍攝趣事 Hillary郁手郁腳Edan仲講粗口：好多嘢出唔到街

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jun 30 2023

《膠戰S3》下星期一（3日）將緊接《全民造星5》播出，繼續有6膠成員呂爵安（Edan）、魏浚笙（Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）喪玩遊戲派膠之外，每集的主題、嘉賓以及場地亦有不少驚喜。同大家率先劇透首集內容外，6膠仲喺製作花絮互相爆料，Hillary郁手郁腳打到珈其內傷？Edan仲話好多嘢唔出得街！

膠戰呂爵安 Edan被神秘大佬擄走。 — Edan被神秘大佬擄走。（圖片來源：ViuTV提供）

膠戰呂爵安 Jeffrey同樣被神秘大佬擄走。 — Jeffrey同樣被神秘大佬擄走。（圖片來源：ViuTV提供）

率先劇透首集內容Edan及Jeffrey被神秘大佬擄走

第一集6膠就已經面對重重難關，Edan及Jeffrey被神秘大佬擄走，阿正、珈其、Hillary和肥腸為了營救兩位膠人，兵分兩路在限時內挑戰各項指定任務，以獲取藏參地點的線索。6膠之後成功集合，神秘大佬的真正身份亦被揭曉，他隨即邀請6膠大玩遊戲「無賴大戰真心膠」，當中飾演「無賴」及「真心膠」的人需根據題目輪流解說，而只有一人擔任的「高手」則要從眾人的解說中，選出知道真正答案的「真心膠」。

甫一開局阿正便抽中「高手」牌，眾人不斷說服阿正相信自己，Edan更落足嘴頭，七情上面地解說。雖然阿正曾在《膠戰S2》被Edan欺騙後，揚言以後不再相信他，但今次面對Edan看似誠懇的樣子，阿正會否動搖呢？

膠戰呂爵安 4位膠人兵分兩路營救Edan及Jeffrey，珈其右)、Hillary左)組成一隊。 — 4位膠人兵分兩路營救Edan及Jeffrey，珈其(右)、Hillary(左)組成一隊。（圖片來源：ViuTV提供）

膠戰呂爵安 4位膠人兵分兩路營救Edan及Jeffrey，阿正右)、肥腸左)則組成另一隊。 — 4位膠人兵分兩路營救Edan及Jeffrey，阿正(右)、肥腸(左)則組成另一隊。（圖片來源：ViuTV提供）

膠戰呂爵安 6膠集合後大玩遊戲「無賴大戰真心膠」。 — 6膠集合後大玩遊戲「無賴大戰真心膠」。（圖片來源：ViuTV提供）

6膠煞科勁不捨

官方日前在YouTube上載「《膠戰S3》煞科日生態紀錄！」曝光更多拍攝細節，節目於今年2月26日煞科，6膠繼續賣力玩遊戲，Edan仲瞓身趴地食棉花糖。談到煞科的心情，他們直言不捨但又期待第四季，珈其大爆：「我哋啱啱都各自喺廁所喊咗幾次，（Jeffrey：隻眼都紅晒）因為一諗到完啦就喊囉。」阿正笑言：「但係我哋又會準備咗Season4，所以都唔需要太擔心嘅。」

膠戰呂爵安 6膠繼續賣力玩遊戲。 — 6膠繼續賣力玩遊戲。（圖片來源：YouTube@ViuTV）

膠戰呂爵安 Edan仲瞓身趴地食棉花糖。 — Edan仲瞓身趴地食棉花糖。（圖片來源：YouTube@ViuTV）

珈其爆Jeffrey唔記得帶身份證

被問到「今季有幾膠」時，珈其在不劇透的情況下指「都玩得好癲」，再補充拍攝趣事：「有一次要去機場拍，咁就要入禁區拍。劇組提我哋一定要記得帶身份證，嗰時我收到個訊息就覺得，『吓，身份證邊個要提呀…邊個會唔記得帶呀…』跟住去到拍嗰日準備入禁區時，Jeffrey就話『Sorry，我唔記得帶身份證』，呢個都幾得意。」

至於今季值得期待的地方，阿正大爆：「家姐（Hillary）打人」。Hillary立即反駁：「我俾人欺凌呀。（阿正：睇下真相囉。）」珈其續指：「Hillary開始動手動腳…而家鏡頭前就扮晒嘢，拍緊嘅時候佢係兜錘打埋嚟。我睇咗兩次醫生，睇咗骨科同內藏科，佢話我有兩條肋骨係有啲裂，我俾佢打到內傷…醫生話我個胃同肺有啲震盪、震擊過…我哋唔排除真係會告佢囉，講真，哈哈。」