肥美人 陳映同
肥美人 陳映同

肥美人|8號Lezlie陳映同超自信無懼狠批 小儀聽到眼濕濕狂爆金句

影視娛樂

廣告

ViuTV另類選美節目《肥美人》的29位大碼美人,全部BMI達25以上,而且每位各有不同才能和實力。初賽評判陣容鼎盛,主評審有何超儀、阮小儀、楊詩敏;以及14位來自不同界別的專業評審,按參賽者才華及潛能選出16強名單!其中,體重達270磅,BMI43.3 的8號參賽者陳映同(Lezlie)出場的一席話令評審們動容!

肥美人|一文睇清晉級16強潛力佳麗 最重、最高、最高人氣佳麗名單

BMI 43.3Lezlie自信滿滿:我覺得自己全身上下都靚

而8號陳映同(Lezlie)甫出場的一席話亦令人動容,Lezlie任職大碼模特兒,體重達270磅,BMI 43.3,係29位參賽者中最重磅的一位。Lezlie自我介紹:「我覺得自己係一個美肥人,全身上下都靚,《肥美人》呢個節目係俾我表演自己嘅音樂,同埋俾我哋呢班女仔去展示我哋嘅勇氣、智慧、美麗嘅舞台。」

被評審問到成為大碼模特兒的心路歷程,Lezlie答到:「經歷咗好多嘢,好多欺凌、好多排斥、好多謾罵。(欺凌從何來?)有好多無聊嘅網民,唔滿意我哋嘅身活,可能會比佢哋精彩。」何超儀聽後,以外國藝人Rihanna登上France Vogue雜誌封面一事鼓勵Lezlie,認為她不需要聽太多閒言閒語,做好自己本份就足夠。

陳映同 肥美人 Lezlie任職大碼模特兒。
Lezlie任職大碼模特兒。(圖片來源:ViuTV提供)
陳映同 肥美人 Lezlie自我介紹:「我覺得自己係一個美肥人,全身上下都靚。」
Lezlie自我介紹:「我覺得自己係一個美肥人,全身上下都靚。」(圖片來源:ViuTV提供)

Lezlie完美靚聲攞滿分

Lezlie在初賽帶來唱歌表演,一身粉紅色的她獻唱了一首原創歌曲《Lazy Hazy》 ,嫵媚的台風,燦爛的笑容,成功俘虜現場所有評審,當中大會音樂總監CMgroovy更大讚她好有力量、好有自信,聲線亦非常入咪,「唔係肥唔肥嘅問題,呢個表演本身已經係一個專業級數嘅表演。」最終Lezlie從評審當中獲得26分滿分,成為第三位以滿分姿態上座的佳麗。

肥美人 Lezlie 陳映同
(圖片來源:《肥美人》截圖)
肥美人 Lezlie 陳映同
(圖片來源:《肥美人》截圖)

Lezlie肺腑感言令小儀眼濕濕

在Lezlie表演完畢之後,她表示自己被拍攝,或在台上表演的時間才自覺最自在、最舒服、最開心的自己,此番說話打動了主評審小儀,眼濕濕點評:「頭先你哋廿幾個女仔企晒喺度,我有留意到你,我見到你唔開心。但你唱完歌之後,你嗰個享受,你嗰個笑容,其實你笑係好好睇!我而家都想喊,我係被你感動到,可能知道你嘅故事啦,知道好多唔識嘅人會憑表面去憎一個人,係冇原因,扼殺咗好多人嘅機會,人哋去話你乜嘢都唔得,你應該收埋自己嘅時候,你應該更加要將自己最好嘅嘢話畀佢知,係一巴一巴冚佢哋,邊個話我唔得,係你未睇清楚,你冇畀機會啫!」

肥美人 Lezlie 陳映同 小儀眼濕濕。
小儀眼濕濕。(圖片來源:《肥美人》截圖)
肥美人 Lezlie 陳映同 佢仲話,佢去著泳衣、內衣,係要話畀香港女性知,佢做到,大部分嘅香港女性都做到!
佢仲話,佢去著泳衣、內衣,係要話畀香港女性知,佢做到,大部分嘅香港女性都做到!(圖片來源:《肥美人》截圖)

全場拍掌!震憾式鋼管舞!大學講師芷茵忍痛表演!

另外今晚17號選手方芷茵(Chanhnez)的鋼管舞表演,亦震撼全場,現年32歲的Chanhnez 是大學講師,身高169cm,重236磅,表演鋼管舞要忍痛表演,去片!

評審陣容驚現雪姨!

今次《肥美人》的評判陣容強勁,除了有主評審有何超儀、阮小儀、蝦頭楊詩敏之外,另外亦設評審團,他們分別來自14位不同界別的專業人士!當中包括:香港著名星級化妝師 Annie G. Chan、Chris、Ruby Law(人像及時尚攝影師)、CMgroovy、Rock sir 、Gloria(大碼女裝店創辦人)、Stella(造美人冠軍)、浩南、余逸思、雪姨、Kyle王啟豪 (KOL)、Tsar Pang(娛樂辣評人)、肥腸(徐浩昌)、Asha(徐㴓喬)。

Lezlie 陳映同 肥美人 評審團包括有肥腸、徐㴓喬Asha等等。
評審團包括有肥腸、徐㴓喬Asha、著名星級化妝師 Annie G. Chan、Gloria(大碼女裝店創辦人)等等。(圖片來源:ViuTV提供)
Lezlie 陳映同 肥美人 雪姨
除了雪姨,還有肥腸、Asha 徐㴓喬。(圖片來源:ViuTV)
Lezlie 陳映同 肥美人 何超儀作為主評審,為參賽者斷打氣!
何超儀作為主評審,為參賽者斷打氣!(圖片來源:VIU TV)
Lezlie 陳映同 肥美人 主評審有何超儀、阮小儀、蝦頭楊詩敏
主評審有何超儀、阮小儀、蝦頭楊詩敏(圖片來源:ViuTV提供)

《肥美人》參賽者入圍條件其中BMI需達幾多以上?

8號參賽者陳映同Lezlie為全部參賽者之中最重,而所有參賽者BMI均達25以上⋯⋯即睇BMI計算方法

《肥美人》有那位直入16強?

《肥美人》早前舉行的網上票選結果已得知頭幾位最高票數的參賽者是⋯⋯詳情請看

圖片來源:ViuTV提供資料或影片來源:原文刊於東方新地