聲夢傳奇2
聲夢傳奇2

聲夢傳奇2|Sabrina趙紫諾聲帶發炎團戰中慘敗+XiX四打一拋贏對手

影視娛樂

廣告

《聲夢傳奇2》首輪團戰上周已展開,紅隊先贏兩仗。第7集繼續團戰,焦點女團XiX大比數獲勝,而「大魔王」13歲Sabrina趙紫諾脫腳慘敗。

XiX六成員完整資料公開 TVB新晉女團全部都來頭猛料履歷厚

XiX《聲夢傳奇2》第7集 四打一大比數勝出

TVB焦點女團XiX今集分拆成兩隊作戰,「跳舞小隊」有Aster、Vici、Crystal和Charlotte跳唱《超能力》,四人在舞蹈總監Sunny Wong指導下大有進步、成功炸爆舞台,最終大比數20比5撼低Duncan。泳兒大讚她們年紀輕輕唱出女人味及帶出少少性感,而Eric Kwok則解釋拆隊用意:「係幫佢地早啲成長,因為跳錯、唱錯少少就會好出。」

聲夢傳奇2 XiX四打一大比數獲勝。
XiX四打一大比數獲勝。(圖片來源:TVB截圖)
聲夢傳奇2 Eric Kwok話想XiX成長所以拆開兩隊作賽。
Eric Kwok話想XiX成長所以拆開兩隊作賽。(圖片來源:TVB截圖)

Maggie綵排時淚崩爆冷獲勝

Maggie趙頌宜一向是節目中的黑馬,雖然聲線獨特但內向欠自信賽前不獲看好。Maggie綵排《我不好愛》時唱到喊,因為她想憑歌寄意送給家姐,而家姐在眾多兄弟姊妹中最擔心是她,她自己笑言:「明明係黎學唱歌,點知一開口就喊。」最後Maggie以17分獲勝,到後台與家姐相擁,家姐感動說:「佢為我哋付出左好多,呢首歌個故事好似直接同我講咁。」事後Maggice亦有對鏡頭向家姐說我愛你。而對手Jason唱《如果可以》練到失聲,每日唱5、6個鐘,rehaersal前一日失聲,表現失準慘敗。不過Eric Kwok大讚他:「學下佢嘅態度,佢練到冇咗聲喎,發揮唔到100%佢仲可以企係度咁淡定唱俾大家聽,就算你輸我都當你贏咗,滿分!」

聲夢傳奇2 Maggie冇諗過一返後台見到家姐,眼都凸埋。
Maggie冇諗過一返後台見到家姐,眼都凸埋。(圖片來源:TVB截圖)
聲夢傳奇2 Maggie同家姐攬攬。
Maggie同家姐攬攬。(圖片來源:TVB截圖)

13歲大魔王Sabrina慘敗

13歲大魔王Sbrina趙紫諾自上一集爆seed唱《說散就散》聲帶發炎,加上不停練習沒有時間休息,她亦苦笑說:「只能靠運氣,看看好多少。」Sabrin出賽前擔心到喊,林奕匡在旁安慰。Timothy唱《垃圾》,練歌時激嬲JW,被罵:「你唔識都要盡量唱俾我聽!你次次都係用我最多時間,你唔好嘥我時間!你同我唱好佢呀!《垃圾》!」最後Jason爭返口氣,以17分打低大魔王。

聲夢傳奇2 13歲大魔王Sabrina聲帶發炎慘敗。
13歲大魔王Sabrina聲帶發炎慘敗。(圖片來源:節目截圖)

陳奐仁健康警告

陳奐仁與Eric Kwok打對台,他在節目後段發出健康警告:「唔係練到失聲先叫你好努力,你(Eric Kwok)嗰隊未比賽就已經bye bye咗兩件!」的確Eric Kwok隊伍中本來有多位實力唱將,可是全敗給傷患,即使同情分亦無法挽回劣勢。

聲夢傳奇2 陳奐仁發出健康警告,提醒參賽者唔係唱到失聲先叫努力。
陳奐仁發出健康警告,提醒參賽者唔係唱到失聲先叫努力。(圖片來源:TVB截圖)

蕭呈謙諗住隻蟹唱Sweet歌

蕭呈謙演唱林志美原唱嘅《 偶遇 》,林二汶特意找來Chantel姚焯菲教路如何唱出甜密感覺,Chantel話要諗住一啲甜密嘅畫面或者人。不過蕭呈謙話自己暫時冇心上人,所以諗住隻蟹去演繹,事關佢最鍾意食蟹!

聲夢傳奇2 蕭呈謙諗住隻蟹嚟唱sweet歌。
蕭呈謙諗住隻蟹嚟唱sweet歌。(圖片來源:TVB截圖)

陳奐仁為何發出健康警告?

陳奐仁與Eric Kwok打對台,他在節目後段發出健康警告⋯⋯詳情請看

13歲Sabrina趙紫諾被譽「音樂神童」?

趙紫諾係23位學員中履歷最強的一個,是位音樂神童,從小學習鋼琴,兼考獲多個專業演奏文憑⋯⋯詳見:Sabrina趙紫諾猛料背景起底!

撰文:東方新地圖片來源:TVB截圖、TVB提供資料或影片來源:原文刊於東方新地