聲夢傳奇2
聲夢傳奇2

聲夢傳奇2|Eric Kwok與XiX大跳少女舞姿 練到大呻:點解我要出嚟?

影視娛樂

廣告

《聲夢傳奇2》在中秋節晚上播放的第12集,繼續上演「導師X學員」合唱的環節,焦點絕對是兩大總監落場對戰,Eric Kwok搏老命同XiX一齊跳舞兼挑戰高難度動作,仲話唔敢再對XiX咁嚴厲!

聲夢傳奇2|第三輪團戰Eric Kwok搏老命陪跳舞

Eric Kwok為了配合愛將 XiX,搏老命陪跳舞兼挑戰高難度動作,對他來說更是前所未有的「反地心吸力」嘗試!在紅隊排練花絮片中,自稱 8 年冇涉足舞壇的 Eric 全程勁焦慮,不斷向鏡頭「放負」:「好擔心學唔切」、「死喇,好驚呀」、「點解我要出嚟?總監唔應該咁辛苦架喎」,練到飆晒汗的他更「懺悔」指下次不應對 XiX 這麼嚴厲。

聲夢傳奇2 陳奐仁跪地氹Eric,但其實甚有挑戰意味。
今集陳奐仁跪地氹Eric,但其實甚有挑戰意味。(圖片來源:TVB提供《聲夢傳奇2》節目截圖)
聲夢傳奇2 Eric Kwok:「點解我要出嚟?總監唔應該咁辛苦架喎」
Eric Kwok:「點解我要出嚟?總監唔應該咁辛苦架喎」(圖片來源:TVB提供《聲夢傳奇2》節目截圖)
聲夢傳奇2 Eric Kwok為了配合愛將 XiX,搏老命陪跳舞兼挑戰高難度動作
Eric Kwok為了配合愛將 XiX,搏老命陪跳舞兼挑戰高難度動作(圖片來源:TVB提供《聲夢傳奇2》節目截圖)

聲夢傳奇2|Eric Kwok「我超越我」苦練後空翻終落敗!

日夜苦練一個月後,Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping,配以 XiX 成員先後做出側手翻等吸睛動作,成功炒熱氣氛,Eric 跳畢更眼眶通紅。同為資深音樂製作人的譚國政和舒文分別說:「Eric 睇落好有郭富城感覺」、「呢個表演精彩、Entertaining 係大家依家好需要嘅嘢」,不過在預告中亦有評判狠批這場演出沒有驚豔的感覺,可能因為總監與未成年女團的年齡差距實在太大⋯⋯

聲夢傳奇2 Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping
Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping(圖片來源:TVB提供《聲夢傳奇2》節目截圖)
聲夢傳奇2 Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping
Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping(圖片來源:TVB提供《聲夢傳奇2》節目截圖)
聲夢傳奇2 評判給「Eric Sir」 的意見一語中的!
評判給「Eric Sir」 的意見一語中的!(圖片來源:TVB提供《聲夢傳奇2》節目截圖)
聲夢傳奇2 有觀眾認為Eric Kwok 沒必要用自己生疏的舞技向學員示範「努力學習的必要」,而是應該傳授自己最有把握的演出心得。
有觀眾認為Eric Kwok 沒必要用自己生疏的舞技向學員示範「努力學習的必要」,而是應該傳授自己最有把握的演出心得。(圖片來源: 聲夢傳奇 觀眾評判區 FB 社群截圖)

第三輪團戰Janees黃洛妍與陳奐仁合唱《閉目入神》大比數勝出

這回合以18:7擊敗Eric Kwok的團隊,是總監Hanjin(陳奐仁)與Janees(黃洛妍)合唱《閉目入神》,除聲線與Hanjin完美融合,後段鬥飆高音部分更是聽到令人毛管戙!二人還挑戰帶點Trap風格的情歌Mash Up,雖然事前Janees大呻要Chill住清晰Rap出侵略性歌詞難度極高,但經過每日逐句歌詞反覆練習後,Janees最終成功與Hanjin上演Cool爆「情侶罵戰」,還展現Girl Power魅力,與Hanjin「拗」至面貼面,甚有火花。

聲夢傳奇2 另一方面陳奐仁與唱得之人Janees合唱鄭中基《閉目入神》,設計了新的演繹,另見文章獨立報導。
另一方面陳奐仁與唱得之人Janees合唱鄭中基《閉目入神》,設計了新的演繹,另見文章獨立報導。(圖片來源:TVB提供《聲夢傳奇2》節目截圖)
聲夢傳奇2 上集與Pamela趙小婷)完美合唱《依然》大獲好評
上集與Pamela(趙小婷)完美合唱《依然》大獲好評(圖片來源:[email protected]_official)
聲夢傳奇2 Janees最終成功與Hanjin上演Cool爆「情侶罵戰」,還展現Girl Power魅力
Janees最終成功與Hanjin上演Cool爆「情侶罵戰」,還展現Girl Power魅力(圖片來源:TVB提供《聲夢傳奇2》節目截圖)
聲夢傳奇2 Janees與Hanjin「拗」至面貼面,甚有火花
Janees與Hanjin「拗」至面貼面,甚有火花(圖片來源:TVB提供《聲夢傳奇2》節目截圖)

陳奐仁大讚Janees黃洛妍「明日之高手」

唱片監製周錫漢大嗌好「正」,譚國政認為二人夾到「可以出歌」,作詞人黃敬佩則大讚 Janees 真正超越了自己:「我冇見過你咁嘅唱法,今次係啱啱喺中間恰到好處,唱得好好。」Hanjin亦盛讚 Janees:「我哋需要高手去救呢個行業(樂壇),呢個(指 Janees)好可能就係明日之高手。」

聲夢傳奇2 唱片監製周錫漢大嗌好「正」,譚國政認為二人夾到「可以出歌」
唱片監製周錫漢大嗌好「正」,譚國政認為二人夾到「可以出歌」(圖片來源:TVB提供《聲夢傳奇2》節目截圖)

相關文章:聲夢傳奇2|Janees黃洛妍被讚「真正超越自己」與陳奐仁唱到面貼面

聲夢傳奇2|第三輪團戰:上周回顧

Maggie趙頌宜對戰大魔王Sabrina

上周播出的第 11 集,由郭偉亮(Eric)率領的紅隊及陳奐仁(Hanjin)率領的藍隊將進入第三輪團戰—合唱對戰。合唱對戰共分6個回合進行,包括4個回合的導師合唱對戰、1個回合的學員合唱對戰及1個回合的兩隊代表合唱對戰,最終落敗一隊需淘汰兩個單位學員。

聲夢傳奇2 大魔王Sabrina趙紫諾對戰Maggie趙頌宜
大魔王Sabrina趙紫諾對戰Maggie趙頌宜(圖片來源:TVB提供《聲夢傳奇2》節目截圖)

Maggie趙頌宜衝破「一碌木」台風

在二汶的超吸睛開場下,Maggie 終擺脫「一碌木」台風,一邊扭腰一邊唱出《忘記他》。Maggie 的亮眼演出就連 Eric 也為之讚嘆:「二汶真係將 Maggie 開咗出嚟!(意指:釋放咗 Maggie)」二汶則感恩謂:「佢衝破自己可以郁已經好好。」對於紅藍兩隊實力之戰,評審們似乎亦相當頭痕,電台 DJ 鄭啟泰:「我今日要揀一粒星嘅話,都要諗好耐……」果然勢均力敵。

聲夢傳奇2 Maggie 在二汶的超吸睛開場下,Maggie 終擺脫「一碌木」台風
在二汶的超吸睛開場下,Maggie 終擺脫「一碌木」台風(圖片來源:TVB提供《聲夢傳奇2》節目截圖)
聲夢傳奇2 Maggie Maggie 的亮眼演出就連 Eric 也為之讚嘆
Maggie 的亮眼演出就連 Eric 也為之讚嘆(圖片來源:TVB提供《聲夢傳奇2》節目截圖)

大魔王Sabrina首度挑戰廣東歌

有「聲夢大魔王」之稱的 Sabrina,與藍隊「後起之秀」Maggie 的對戰。Sabrina雖然唱功一直備受讚好,但她依然未見鬆懈、先後挑戰打鼓及不擅長的跳唱「我超越我」。這集 Sabrina 將挑戰最大弱點「廣東話」,首度在《聲夢 2》舞台獻唱廣東歌。雖然咬字仍有待改善,但歌詞中一些容易出現懶音的字眼包括「光」及「生」等均 Handle 得不俗,Gin Lee事後大讚 Sabrina 很努力,及花了很多時間準備廣東話,總監 Eric 則大感安慰:「咁嘅壓力下都可以唱到廣東話!」

聲夢傳奇2 Sabrina首度挑戰廣東歌
Sabrina首度挑戰廣東歌(圖片來源:TVB提供《聲夢傳奇2》節目截圖)
聲夢傳奇2 Gin Lee事後大讚 Sabrina 很努力,及花了很多時間準備廣東話
Gin Lee事後大讚 Sabrina 很努力,及花了很多時間準備廣東話(圖片來源:TVB提供《聲夢傳奇2》節目截圖)

常見問題

Eric Kwok與XiX挑戰邊類型的舞蹈?

Eric Kwok與XiX合唱經典歌《重口味》,需要一同在台上跳舞,Eric Kwok自稱 8 年冇涉足舞壇,今次挑戰幾種唔同的舞步,練到不斷放負…..詳見:Eric Kwok與XiX合唱兼首挑戰高難度舞步

上集Maggie趙頌宜對戰Sabrina趙紫諾,結果如何?

上集對戰Maggie趙頌宜,大魔王Sabrina趙紫諾終於打破……回顧上集精彩內容

圖片來源:TVB提供《聲夢傳奇2》節目截圖

最新吃喝玩樂資訊