聲夢傳奇演唱會︱Chantel姚焯菲親回品牌抄襲風波 強調靈感相似：一定唔一樣

Chantel姚焯菲親自回應個人品牌抄襲風波

姚焯菲最近宣布推出個人品牌「Chantel x Ade」，不過服裝品牌的產品和定價一公開後，就被一班網民狠批定價太貴又離地，更有網民在淘寶上找到同款，最平$80就有交易，令不少網民都質疑其服裝有抄襲之嫌。當傳媒問到有關抄襲風波一事，Chantel淡定地回應道：

首先嗰布料就一定唔一樣，嗰布料我睇完之後，我就覺得我哋係用咗一個好唔同嘅布料，所以一定係唔一樣。同埋我相信我哋嘅Quality一定高好多。同埋我覺得抄襲呢一樣嘢，我又唔覺得係抄。我覺得係大家靈感相似，絕對都係自己嘅靈感。

Gigi炎明熹演唱會上為叱咤拉票：自己講得好混亂

炎明熹在演唱會台上罕有地為自己拉票，呼籲大家叱咤頒獎典禮「我最喜愛的歌曲」投自己作品《Little Magic》一票。炎明熹在接受訪問時，都指自己在台上拉票時非常尷尬，所以都忍唔住不停笑：「我唔知大家台下聽到一個乜嘢嘅情況，我都知道自己講得非常混亂，但都希望含糊之中大家都會支持我。」睇到炎明熹咁尷尬，在旁的詹天文Windy即刻搞笑解畫：「只要你唔尷尬，尷尬嘅就係人哋」。可惜，叱咤「我最喜愛的歌曲」今日（22日）公開最後5強名單，Gigi的歌曲《Little Magic》最終出局。

After Class預告將會再合體

After Class 4位成員在2023年一直少有合體登場，時隔一年4位終於合體接受訪問，4位小花都表示非常開心。Chantel更預告After Class成員即將會再合體，呼籲大家多多期待：「我哋12月23號將會有一個演出，就係我哋4個，究竟我哋4個會唔會唱歌呢？」

Windy、Chantel因1事在演唱會上流淚

此外，Windy和Chantel在演唱會上一度忍不住流淚。Windy在接受訪問時解釋指是「喜悅之淚」：「喊咗啊。因為嗰一下見到好多燈牌，嗰此我眼前就有返我第一次演唱會同埋比賽嘅畫面。我嗰下真係忍唔住就爆咗出嚟，係喜悅之淚嚟，特別開心同難得同感慨。然後佢（Chantel）見到我喊，佢又跟住一齊喊。」

一齊睇足本訪問：

https://www.youtube.com/watch?v=-6ckhRbkiWQ