賀年歌
賀年歌

網民:「鼎爺都係揸返鑊鏟啦!」群星唱TVB賀年歌被批無粒音準

影視娛樂

廣告

農曆新年到喇,祝大家新年快樂、身體健康!過年就梗係唔少得賀年歌啦!早前,TVB就搵嚟李家鼎、譚玉瑛、森美、麥美恩、吳若希、杜如風、丁子朗合唱咗一首賀年歌《熱熱鬧鬧過新年》,點知就被網民狠批!

撰文:東方新地|圖片:MV截圖 | 編輯:Evita

群星唱TVB賀年歌被批無粒音準

話說,TVB今年為賀年歌搞搞新意思,搵嚟近期hit爆嘅李家鼎同譚玉瑛,以及森美、麥美恩、吳若希、杜如風、丁子朗合唱一首好有新年氣氛嘅賀年歌《熱熱鬧鬧過新年》,點知首歌一出,就被網民喻為今年農曆新年嘅「神曲」!

首歌嘅歌詞就正路係同新春有關,之但係聽落就覺得好唔順耳,皆因唔少網民都話首歌唱得冇粒音準,惹嚟唔少劣評!當然有網友就好識貨,唔單止話新年要不斷狂loop,有網民話「聽完後覺得技安都唔太差」,認真搞笑!

李家鼎抵死回覆

首歌好唔好聽就見人見智,而主唱嘅鼎爺就話:「係專登㗎,搞氣氛之嘛!」又啱喎!新年都係想齊齊開心一下,唱得好唔好聽就其次啦!

一齊聽吓!

https://www.youtube.com/watch?v=MC_iQvoHTik

最新吃喝玩樂資訊