美麗戰場丨反骨琪害人終害己殺人潛逃 蔣家旻：拍完虛脫 李成昌：過足戲癮

《美麗戰場》反骨琪佈局害家寶終害己

第14集劇情提及張馳豪即將飛赴加拿大，陳瀅提出送機，她打算到機場時卻遇見蔣家旻。原來蔣家旻已佈局務要令陳瀅身敗名裂，但人算不如天算，蔣家旻被威爺下屬調包被姦，蔣家旻遭威爺要脅後竟殺死威爺！

網民洗版式嗌心涼兼抵死

對於琪琪害人終害己，昨晚網民洗版式留言大嗌心涼兼抵死，對於壞人逐個開始「找數」，坦言「未試過睇得咁開心同興奮」之餘，又指沒想過會這麼逼真！談及該場被姦戲，蔣家旻受訪時大讚李成昌事前與她做足溝通，開拍前對對方所有動作都一清二楚；又感謝幕後對她很照顧，加上有打底，故拍攝時都能很放心去演。不過由於擔心自己「做得唔夠好」，蔣家旻拍攝前一晚已有壓力：「因為場戲好多情緒要處理，由化妝開始我已經要㔷埋一邊。」

蔣家旻接受專訪分享內心掙扎

蔣家旻接受無綫娛樂新聞台的專訪，自言拍呢場戲有少少壓力：「始終知道劇集嘅尺度唔係好大，然後有啲壓力，但昌哥係一位好好嘅前輩，佢明白拍呢啲戲，女仔係辛苦過男仔，我同佢事前溝通得好好，佢會話畀我知佢一陣會做啲咩，我唔會有任何唔舒服嘅感覺。」

蔣家旻感謝李成昌配合

蔣家旻大爆葉念琛搞笑要求：「導演希望我嗌救命嘅程度，係佢喺隔籬房都聽到，我都覺得好合理，如果現實中咁樣嘅話，真係會有咁大聲嗌到咁大聲，希望有人聽到可以救你。我就用盡全身嘅力嗌到全塊面都紅晒，拍完嗰場虛脫到要飲汽水補充糖份。」蔣家旻又謂有工作人員向她透露見她拍出來手部和頸部均激動見紅：「我都冇諗過自己嗌到可以手、頸都紅晒，有史以來第一次咁，好真實！」

「浴室內心戲最難做」

蔣家旻更指拍完一場戲，整個人好似虛脫咁，要補充好多糖分，仲有啲偏頭痛。 講到事後喺浴室嗰場內心戲，蔣家旻坦言情緒同內心戲好難做：「只有自己喺浴室裡面，望住塊鏡去剖白內心世界，好想喊好委屈，但係又要同自己講唔可以喊，因為琪琪呢個角色就係好勝又唔輸得。我覺得仲辛苦過鬧交戲，鬧交戲都仲可以直接表達個情緒，但呢場個情緒就好複雜。觀眾一定覺得你抵死，但你又想佢哋有少少同情個角色。」

李成昌：做不一樣的大佬

自劇集播出後贏盡好評的李成昌，從演以來演過無數膾炙人口角色，演大佬更是演到出神入化，他笑言是次雖然冧莊演大佬，但卻被葉念琛勒令要「不一樣」:「導演話睇過我做過好多大佬，今次想我特別啲，我當時都擔心好難再有突破，後來終於諗到自己未做過鹹濕嘅，你知有個人唔聲唔聲原來好鹹濕，對女仔嚟講好棹忌。所以我叫導演開頭幾場畀兩個靚女我，我要摸大髀。」

談及昨晚表情極速遊走於得戚、險惡及無情之間兼「一秒變臉」，李成昌坦言過足戲癮。相關片段昨晚上載無綫官網後，三小時衝破十萬點擊次數，至截稿前點擊次數則已衝破 20 萬，留言超過 250 則。

網友力讚：好大付出！演得有壓迫力

觀眾對這一幕反應熱烈，留言表示「呢場做得好好，應該要攞獎」亦有觀眾讚同這幕戲對演員而言壓力好大，其他留言如下：

真係要俾個 credit 蔣嘉旻！👍🏻👍🏻👍🏻 今晚真係冇諗過所有野都發生得咁快！😅😅😅 反骨琪係咪下左線喇？😢😢😢 會唔會以復仇者姿態再回歸？

好有第一次不是你嘅感覺

蔣家旻初出道時已經好注意佢，演技一流

第15集劇情劇透（10/21）陳瀅獲封「影后」

時間由2006跳至2012年，剛成「影后」的陳瀅接受錄影訪問，主持人問起陳瀅跟陳山聰的關係，陳山聰大怒要終止拍攝，並命令陳瀅立即離場。陳瀅最終還是完成了訪問才離去，令陳山聰極為憤怒及不滿。陳瀅忙於拍電影，竟在片場重遇不見多時的方力申，方力申自此常到片埸探班，朱晨麗回港得悉此事，若有所思。陳瀅重回茶餐廳探望老員工，又到療養院見祖母，及後回想起加入娛樂圈後久未放假，向陳山聰提出卻被狠狠拒絕，還被安排更多拍攝工作……