陳瀅
陳瀅

美麗戰場|陳瀅做16歲「阿寶」 蔣家旻為演奸角露肉要增磅谷身材

影視娛樂

廣告

曾志偉回巢無綫任高層後,插手改革綜藝節目同劇集,更搵外援導演葉念琛開拍港版《上流戰爭》(Penthouse)之稱的《美麗戰場》作為55周年台慶劇,希望挽救收視保住電視界一哥地位。葉念琛睇重新劇,親自操刀執導、監製、編劇,更欽點陳瀅做經典角色「阿寶」,講到明第一次拍TVB劇一定要搵佢做女主角。

即睇《美麗戰場》最新劇情劇透

《美麗戰場》葉念琛欽點32歲陳瀅做16歲「阿寶」

聽到葉念琛執導拍劇,大家都好關心邊個做「阿寶」,即葉導作品中的女主角,最深入民心的非Stephy鄧麗欣莫屬。首次執導TVB劇集,有港版《Penthouse》之稱的《美麗戰場》上月底已經開鏡,葉念琛、曾志偉與一眾演員見傳媒時,葉導親自欽點要32歲陳瀅擔正做「阿寶」。陳瀅透露自己要演20年阿寶,由16歲演到36歲,難度在於捉摸說話的態度,而且葉導叫佢要減肥,可能劇中會有泳裝鏡頭晒身材。不過有網民就覺得,陳瀅唔襯阿寶,留言說:「佢好師奶喎,要減減啦!」、「點解要揀佢做女主角呀?肉騰騰」、「以前靚啲,依家走晒樣」,等等。

美麗戰場 葉念琛 陳瀅 美麗戰場 葉念琛執導的TVB新劇由陳瀅做主角「阿寶」,她表示自己要減肥,可能有泳裝場面晒身材。
葉念琛執導的TVB新劇由陳瀅做主角「阿寶」,她表示自己要減肥,可能有泳裝場面晒身材。(圖片來源:IG@missjni)
美麗戰場 葉念琛 陳瀅 導演唔怕劇透,與陳瀅中環開工合照,17歲造型曝光!
導演唔怕劇透,與陳瀅中環開工合照,17歲造型曝光!(圖片來源:IG@yiplinsum)

更多:美麗戰場|陳瀅擔正做女主角谷眼淚挑戰演技 與四女互鬥艷!

陳瀅 美麗戰場
陳瀅劇中性格絕不認輸,代表黑攻魂(圖片來源:IG@yiplinsum)
美麗戰場 葉念琛 陳瀅 陳瀅在劇中16歲演到36歲,全劇剛好20集,莫非一集大一歲?
陳瀅在劇中16歲演到36歲,全劇剛好20集,莫非一集大一歲? (圖片來源:IG@yiplinsum)
美麗戰場 葉念琛 陳瀅 美麗戰場 陳瀅身材出眾,相信觀眾都很期待她「大方」演出。
陳瀅身材出眾,相信觀眾都很期待她「大方」演出。(圖片來源:IG@missjni)

蔣家旻「降呢」做奸角琪琪葉念琛落order食肥啲著低胸

蔣家昊是前輩級「阿寶」之一,於2013年參演葉念琛電影《第一次不是你》做女一,今次拍攝《美麗戰場》慘被「降呢」,失「阿寶」之位做奸角琪琪。蔣家旻鶢訪時表示,沒有想過自己會做琪琪,而劇中與陳瀅會一起選港姐,二人要經常鬥戲。蔣家旻又提到,今次自己將會演「葉念琛筆下最賤格的琪琪」,導演更親自落order要佢食肥啲,因為劇中要著短褲、低胸衫,身形再豐滿一點才有睇頭重。

美麗戰場 葉念琛 陳瀅 美麗戰場 蔣家旻是前輩級「阿寶」,不過今次劇中集降呢做奸角琪琪。
蔣家旻是前輩級「阿寶」,不過今次劇中集降呢做奸角琪琪。(圖片來源:IG@chiangel1110)
美麗戰場 葉念琛 陳瀅 美麗戰場 蔣家旻收到葉導order,要食肥少少,著低胸衫會更有睇頭。
蔣家旻收到葉導order,要食肥少少,著低胸衫會更有睇頭。(圖片來源:IG@chiangel1110)

美麗戰場 葉念琛 陳瀅 劉佩玥和陳曉華日前己拍攝嗌交戲份,二人皆表示拍得過癮,導演不忘合照集郵。
劉佩玥和陳曉華日前己拍攝嗌交戲份,二人皆表示拍得過癮,導演不忘合照集郵。(圖片來源:IG@yiplinsum)
美麗戰場 葉念琛 陳瀅 葉念琛首次執導TVB劇集《美麗戰場》,親自欽點陳瀅做「阿寶」,而蔣家旻則「降呢」做奸角琪琪。
葉念琛首次執導TVB劇集《美麗戰場》,全台花旦盡出,親自欽點陳瀅做「阿寶」,而蔣家旻則「降呢」做奸角琪琪。(圖片來源:YouTube@TVB娛樂新聞台)

回顧歷年「阿寶」Stephy鄧麗欣地位無可取代

葉念琛愛將鄧麗欣:「阿寶」1.0

Stephy作為「初代阿寶」,於電影《獨家試愛》、《十分愛》、《我的最愛》、《保持愛你》、《失戀日》、同《紀念日》中多次飾演「阿寶」,順理成章成為大家心目中嘅「阿寶」始祖!

美麗戰場 葉念琛 陳瀅 美麗戰場 葉念琛電影 女角色
Stephy身為初代「阿寶」地位無可取代。(圖片來源:IG@stboo)

劉嘉玲:《我的情敵女婿》

劉嘉玲喺2018年賀歲愛情喜劇電影《我的情敵女婿》中飾演心理醫生鍾嘉寶(Dr.寶),係戲中嘉欣(衛詩雅飾)嘅後母,更係戲中梁華生(任達華飾)嘅初戀情人!

美麗戰場 葉念琛 陳瀅 美麗戰場
劉嘉玲係最有份量的「阿寶」(圖片來源:新傳媒資料庫)

蘇麗珊:短髮「阿寶」

唔單止喺《我的情敵女婿》入面飾演劉嘉玲嘅年輕版,新晉演員蘇麗珊更於電影《愛情奴隸獸》中夥拍方力申做主角,接替鄧麗欣成為「阿寶」!短髮造型令蘇麗珊飾演嘅「阿寶」更有新鮮感,同鄧麗欣版「阿寶」嘅固有形象有啲唔同。

美麗戰場 葉念琛 陳瀅 美麗戰場
(圖片來源:新傳媒資料庫)

「馬子妮」蔣家旻飾援交少女「寶」

因為喺無綫處境劇《愛.回家》飾演馬子妮,成功入屋嘅蔣家旻喺葉念琛電影《第一次不是你》中破格飾演為病母籌錢嘅援交少女「寶」,仲有性感演出,可以話係擴闊咗戲路。

視后佘詩曼:《人約離婚後》

佘詩曼喺《人約離婚後》中飾演阿「寶」,喺戲中同方力申飾演嘅「強」離婚後,又與阿杰(羅仲謙飾)擦出愛火!視后佘詩曼嘅演技早已被觀眾認可,而喺《人約離婚後》同葉念琛合作,再加上其他喺大台未合作過嘅演員,更係有種獨特嘅火花!

美麗戰場 葉念琛 陳瀅 美麗戰場
(圖片來源:新傳媒資料庫)

周秀娜:《猛鬼愛情故事》

周秀娜原來都曾於2011年嘅懸疑恐怖電影《猛鬼愛情故事》中飾演何美寶!近年嚟娜姐轉換戲路,收起「峰」芒,轉而以演技實力取勝,喺2018年更以《29+1》中的一角獲金像獎最佳女主角提名!

王菀之:《Delete愛人》賢淑女友鍾家寶

王菀之喺2014年開始,就定期有接拍電影,而《Delete愛人》就係Ivana早期啲嘅作品。佢喺戲中飾演蘇波榮(王祖藍飾)嘅女友鍾家寶,呢個阿寶就比較文靜內向,賢淑少少嘅~

https://www.youtube.com/watch?v=pXV_zxS4nDk

《美麗戰場》陳瀅被導演欽點做女一?

葉念琛睇重新劇,親自操刀執導、監製、編劇,更欽點陳瀅做經典角色「阿寶」,原來因為⋯⋯詳見:陳瀅做16歲「阿寶」 蔣家旻為演奸角露肉要增磅

《美麗戰場》預告中陳曉華因咩事被掌摑?

最新預告片中,不但鏡頭穿插了陳瀅充滿心事和心計,仲有一場空姐Look陳曉華慘被半裸丁子朗怒摑⋯⋯詳見:陳曉華遭半裸丁子朗怒摑

撰文:東方新地圖片來源:IG@missjni、IG@chiangel1110、新傳媒資料庫資料或影片來源:原文刊於東方新地