美麗戰場
美麗戰場

美麗戰場│Bob守護劉佩玥:我係唔會俾人蝦你!封最佳CP台慶搶獎咁回應…

影視娛樂

廣告

無綫台慶劇《美麗戰場》曲終人散,雖然網民鬧爆爛尾,但劉佩玥跟林盛斌Bob這一對,成為全劇最好睇CP!劇中Bob一句:「李靜兒,我係唔會俾人蝦你嘅!」令劉佩玥和觀眾大受感動!

美麗戰場 導演葉念琛上載慶功相並寫有「2」字,似準備開續集。
導演葉念琛上載慶功相並寫有「2」字,似準備開續集。(圖片來源:IG@yiplinsum)
美麗戰場 網民在Bob的IG留言大讚他和劉佩玥,亦有人留言跪求開live解釋結局。
網民在Bob的IG留言大讚他和劉佩玥,亦有人留言跪求開live解釋結局。(圖片來源:IG@bob_lamshingbun)

網民熱捧:最佳拍檔

昨晚《美麗戰場》大結局被轟爛尾留伏線,導演葉念琛上載慶功相並寫有「2」字,似準備開續集,有網民在Bob IG留言:「跪求Bob開live解答疑問,完全唔知個結局up乜」、「最佳拍檔!」、「徐富貴演繹到咩叫發財立品,佢同林小美應該係成套劇入面真正善良嘅人。」

美麗戰場 劉佩玥跟林盛斌Bob這一對,成為全劇最好睇CP!
劉佩玥跟林盛斌Bob這一對,成為全劇最好睇CP!(圖片來源:IG@bob_lamshingbun)

Bob劉佩玥IG感謝對方

劉佩玥跟林盛斌Bob這一對,獲網民封全劇最好睇CP,昨晚Bob和劉佩玥在IG留言感謝對方。劉佩玥在社交網寫道:「『李靜兒,我係唔會比俾人蝦你嘅!』呢句說話,係徐富貴攬住李靜兒嘅時候講嘅說話,呢句說話要說出口,做得到,一啲都唔容易。」

美麗戰場 劇中Bob一句:「李靜兒,我係唔會比俾人蝦你嘅!」令劉佩玥和觀眾大受感動!
劇中Bob一句:「李靜兒,我係唔會比俾人蝦你嘅!」令劉佩玥和觀眾大受感動!(圖片來源:IG@arryuu)

劉佩玥拍Bob:覺得好攪笑

劉佩玥多謝大家咁鍾意徐富貴同李靜兒:「當好多人一聽到我同Bob合作,第一個感覺都係覺得好攪笑,但呢對CP證明咗我哋攪笑之外,帶到更多火花同意料之外畀大家!我好榮幸,亦好開心,可以遇到呢位咁好嘅朋友同拍檔,一位內外兼修嘅非凡藝人,一位努力不懈嘅溫暖爸爸,一位正能量滿滿而且善良敦厚嘅朋友!林盛斌先生,多謝你!你每一句說話,我銘記在心。多謝大家喜愛和支持,我哋一定會再見!」

美麗戰場 預告片中劉佩玥對陳瀅大喊大罵:「你仲係咪人嚟㗎?」
Bob睇好劉佩玥在台慶頒獎禮再下一城!(圖片來源:《美麗戰場》截圖)

Bob睇好劉佩玥台慶攞獎

Bob昨晚也在社交網感性留言:「咁多年嚟,拍過少少戲,拍過少少劇,好好彩,遇過好多好好嘅女拍檔。今次《美麗戰場》入面,同我最多對手戲嘅,就係佢,Moon,劉佩玥。我知道當初葉念琛話畀團隊知想搵我同佢做一對,大家嘅反應係即時笑X咗出嚟嘅,一個咁靚咁可愛嘅女仔,竟然要同我配對,老實講,真係未必個個觀眾都可以接受到嘅,所以我更加要畀心機,努力做好佢。

今次同Moon合作嗰兩三個月,我可以好鄭重咁同大家講:1. 佢係一個好好好專業嘅演員,2. 佢係一個好好好善良嘅女孩子,好開心可以同佢一齊為呢套劇帶嚟少少色彩,亦好感恩佢唔介意成日要對住我呢個核突佬,而我更加希望嘅係,喺今年TVB頒獎典禮,佢可以攞到佢值得擁有嘅榮譽同肯定。劉佩玥小姐,多謝你。亦都多謝各位觀眾喜歡……….徐富貴 。」

美麗戰場 對住劉佩玥飾演的靜兒,平時惡慣嘅徐富貴Bob可謂冇晒符。
對住劉佩玥飾演的靜兒,平時惡慣嘅徐富貴Bob可謂冇晒符。(圖片來源:《美麗戰場》截圖)

重溫徐富貴講奮鬥史打動靜兒芳心:

惡霸級有錢人徐富貴對靜兒早有好感,以「訪問」為由接近靜兒,並一度欲以二千萬籌碼打賞欲打動靜兒芳心,豈料靜兒不為所動,令徐富貴另眼相看兼深深墮入愛河。之後徐富貴捨棄銀彈戰術,帶靜兒重遊舊地侃侃而談奮鬥及發跡史,為了生活更連垃圾也倒過……

美麗戰場 Bob對於劉佩玥,一臉冧樣。
Bob對於劉佩玥,一臉冧樣。(圖片來源:《美麗戰場》截圖)

網民讚Bob:寸得嚟好過癮

不少網民除了指想不到搞開笑的阿Bob原來還有煽情一面外,並洗版式留言大讚他演技大躍進,阿 Bob官方臉書在短短一小時內,獲得近500正評,反應熱烈。有網民留言:「富貴哥好有戲」、「寸得嚟好過癮!」、 「今年最佳男配角」。網民對於阿 Bob與劉佩玥這對歡喜冤家,更是相當受落,封二人為「全劇最好睇 CP」:「一個大男人需要一個食得住佢嘅女人」、「阿 Bob 條線最好睇」。

美麗戰場 劉佩玥對住Bob好鬼惡,但網民就係覺得佢咁先食得住富豪Bob。
劉佩玥對住Bob好鬼惡,但網民就係覺得佢咁先食得住富豪Bob。(圖片來源:《美麗戰場》截圖)
美麗戰場 Bob演富豪好有霸氣。
Bob演富豪好有霸氣。(圖片來源:《美麗戰場》截圖)
美麗戰場 阿Bob臉書短短一小時吸近500個留言,證明徐富貴真係好入屋。
阿Bob臉書短短一小時吸近500個留言,證明徐富貴真係好入屋。(圖片來源:fb@Bob Lam林盛斌)

葉念琛睇好Bob:殺入今年男配五強

葉念琛對 Bob亦讚不絕口,並謂自己也睇好他殺入今年男配五強。阿 Bob昨晚受訪時先是感謝觀眾的喜愛及支持,並坦言徐富貴角色對他來說有難度,皆因層次豐富又鮮明,Bob說:「一時好癲、一時好沙塵,但突然又會好暖男,葉念琛都有教我點處理,同埋多謝阿Moon,佢喺現場畀咗好多安全感同信心我,feel 到大家都係演緊個角色。」

美麗戰場 林盛斌呢幕講番以前辛酸史同奮鬥史嘅場口,戲味十足。
林盛斌呢幕講番以前辛酸史同奮鬥史嘅場口,戲味十足。(圖片來源:《美麗戰場》截圖)
美麗戰場 劉佩玥對Bob開始改觀。
劉佩玥對Bob開始改觀。(圖片來源:《美麗戰場》截圖)
美麗戰場 飲完一啖苦酒、整理完想哭的情緒後,阿 Bob即轉堅強Tone大講人生哲理。
飲完一啖苦酒、整理完想哭的情緒後,阿 Bob即轉堅強Tone大講人生哲理。(圖片來源:《美麗戰場》截圖)

Bob爆劇情:徐富貴暖男行動會升級

昨晚不斷收到友人及網民正評短訊的Bob,感激網民及觀眾喜愛他這個角色:「收到好多message,有人 send啲片嚟話佢老公睇到喊,我可以預告徐富貴去到後期暖男行動係會升級嘅。」 談到感人食飯場口,阿 Bob坦言要感謝葉念琛導演:「拍完一Take佢就收貨,佢話現場睇都覺得我做得幾好喎,仲話『不枉我畀機會你』。」

美麗戰場 Bob和劉佩玥這條感情線,獲網民讚好睇。
Bob和劉佩玥這條感情線,獲網民讚好睇。(圖片來源:《美麗戰場》截圖)

劉佩玥演娛樂記者夠率性

TVB台慶劇《美麗戰場》中,劉佩玥在劇中任職記者,是鍾家寶(陳瀅飾演)的閨蜜之一,只與富豪徐富貴(Bob林盛斌飾演)有感情線,對比起鍾家寶,桃花不多。劇中她飾演娛樂記者,與阿Bob林盛斌扮演的富豪有感情線,就有不少網民指聯想到劉鑾雄(大劉)與陳凱韻(甘比)的愛情故事。

即睇《美麗戰場》最新劇情劇透
劉佩玥 甘比 美麗戰場
劉佩玥對好姊妹陳瀅很有義氣。(圖片來源:TVB《美麗戰場》截圖)
劉佩玥 甘比 美麗戰場
劇中劉佩玥與陳瀅由細玩到大。(圖片來源:TVB《美麗戰場》截圖)
劉佩玥 甘比 美麗戰場
陳瀅黑化後,與劉佩玥反面。(圖片來源:TVB《美麗戰場》截圖)
劉佩玥 甘比 美麗戰場 TVB 有傳劉佩玥為戀周志文,曾與一班圈中好姊妹反面。
劉佩玥係2013年度香港小姐競選季軍。(圖片來源: YouTube@TVB USA Official )

甘比公屋出身因1粒痣邂逅大劉

現實中娛樂記者出身,與富豪結緣的是原名陳凱韻的甘比,如今已經加入「百大富豪系列」,仍然經常帶同女兒做善事幫助他人。而最近華人置業推出暑期工計劃,聘請100個短期及兼職職位,時薪更高達港幣500元,被網民大讚是良心集團。

美麗戰場 劉佩玥 甘比 甘比
甘比娛樂記者出身,嫁給富豪劉鑾雄,如今已經加入「百大富豪系列」。(圖片來源:新傳媒資料庫)

甘比父母離異在公屋長大

今年43歲的甘比(陳凱韻)父母離異,她跟姐姐、媽媽與繼父一起生活,住在沙田顯徑村公屋,並非出身於富裕家庭。中學預科畢業後,她便加入《蘋果日報》任職娛樂記者,月薪約港幣一萬元。

美麗戰場 劉佩玥 甘比 甘比
因為甘比性格和處事親切圓滑,所以和很多藝人保持良好關係。(圖片來源:more照片庫)

甘比做娛記處事圓滑獲周星馳賞識

因為甘比性格和處事親切圓滑,所以和很多藝人保持良好關係。據聞周星馳在《少林足球》的慶功會上曾越過何超瓊去揑甘比的臉,他也只會回答甘比刁鑽的問題。甘比在擔任娛樂者期間曾採訪不少爆炸性新聞,包括「奪麵雙琪」、伏明霞梁錦松戀情,和李澤楷林惠儀分手事件。

美麗戰場 劉佩玥 甘比 甘比
今年43歲的甘比自小父母離異,她跟姐姐、媽媽與繼父一起生活。(圖片來源:IG@kimbeechan_official)

意外認識劉鑾雄

甘比在一次追訪劉鑾雄,指著劉鑾雄的痣問:「喺咪真㗎?」這一舉動令劉鑾雄被逗笑更因此留下深刻印象。後來劉鑾雄安排甘比加入旗下華人置業工作,在廣生部化妝品部任職。二人因為工作上多了來往因而互生情愫,甘比更在2008年為劉鑾雄生下女兒劉秀樺(Josephine)。

劉秀樺出生時,劉鑾雄曾和媽媽一起探望甘比,更為女兒花費港幣7,400萬買下一個無暇珍稀藍鑽Star of Josephine送女兒。2012年,甘比再生下兒子劉仲學,二人終於在2016年結婚,甘比成劉鑾雄的第二任妻子。劉鑾雄更對外宣佈指「甘比是我最後一個女人」。

美麗戰場 劉佩玥 甘比 甘比
劉鑾雄對外宣佈指「甘比是我最後一個女人」。(圖片來源:IG@kimbeechan_official)

如何成為大劉最後一個女人?

劉鑾雄曾對甘比有以下一番評價:「我認識甘比十幾年,她從來都不是物質主義的人,亦沒有要求過我買任何禮物,或者零用錢。」劉鑾雄因年老多病,甘比都不離不棄照顧劉鑾雄,因而令劉鑾雄深受感動。除此之外甘比不忘初心,經常以劉鑾雄之名做善事,早前捐贈30萬個口罩、消毒藥水給醫護人員,經常參與老人院活動、慈善活動等,在社交平台上也經常看到甘比分享參與慈善活動的相片。

甘比親力親為教仔女為善最樂

甘比照顧子女親力親為,又經常強調「你們只喺一個普通人,只是爸爸是比較有名氣的人」。她會偕同子女一起做善事,早前因為大女迷上鬼口水,於是在皇室堡商場放置一部「鬼口水」自動販賣機,賺約港幣十萬元,大女被媽媽影響,主動提出希望捐贈收益幫助有需要的人士。

美麗戰場 劉佩玥 甘比 甘比
甘比大女被媽媽影響,主動提出希望捐贈收益幫助有需要的人士。(圖片來源:IG@kimbeechan_official)

婚後身家暴脹至700億

結婚後,甘比因劉鑾雄配偶身份,一躍成為富豪行列,之後劉鑾雄多次轉贈名下資產,包括尖沙咀The one商場等物業,現持有山頂歌賦山道獨立屋、高士美道5號,共同持有則有深水灣道3號。以及私人名持有中半山帝景園、灣仔壹環、鰂魚湧太古城、將軍澳中心等7項住宅物業,市值合共超過25億元,其身家已超過港幣700億。加上甘比擔任華人置業行政總裁一職,每年更可以收到港幣10萬酬金。

《美麗戰場》大結局是如何走向?陳瀅下場悲慘?

《美麗戰場》大結局陳瀅將會終極黑化,使計背叛陳山聰,而「反骨琪」殺人後潛逃,曾預告過會回歸進行終極報復,即睇結局劇情分析;結局周劇情好似過山車一樣,陳瀅先背叛陳山聰,再被方力申提出離婚,丁子朗以一身乞丐造型回歸,按此看第16-20集劇情劇透

《美麗戰場》3個月極速制作完成惹其他TVB監制不滿?

葉念琛遵循曾志偉「快拍快播」的高效政策,連台慶劇都能「快手」出貨,就惹來不少TVB監製的不滿,被私下投訴⋯⋯詳情請看

撰文:東方新地圖片來源:IG@arryuu、IG@yiplinsum、《美麗戰場》截圖、fb@Bob Lam林盛斌、IG@kimbeechan_official、新傳媒資料庫資料或影片來源:原文刊於東方新地