羅家英
羅家英

羅家英客串袁偉豪MV企到離行離迾!偏心Edan合作反差極大

影視娛樂

廣告

曾與TVB跳唱組合Super Tiger合作的袁偉豪,近日推出新歌《馬路英雄》,在新歌MV更邀請到羅家英客串。羅家英在接受訪問時表示兩人並不熟,大爆全因汪明荃先決定與袁偉豪合作。相反同樣邀請羅家英合作拍攝MV的Edan,羅家英在拍攝現場就笑容滿臉,兩人非常親密!

袁偉豪邀請家英哥客串新歌MV

一向對自己歌唱事業有野心的袁偉豪,近日更一手包辦曲詞編監唱,推出新歌《馬路英雄》。今次除了碌人情卡請到林子善到MV拍攝現場執頭執尾,甚至邀請到羅家英客串MV。羅家英今次在袁偉豪MV飾演幕後大BOSS,袁偉豪表示在拍攝前已經認定羅家英為該角色的不二人選,所以特地為他訂造一套靚西裝,誠邀羅家英客串MV。

羅家英 袁偉豪 家英哥以一身紳士造型客串袁偉豪新歌MV。
羅家英以一身紳士造型客串袁偉豪新歌MV。(圖片來源:TVB娛樂新聞台)
袁偉豪 雖然羅家英只出場短短幾秒,但存在感爆棚!
雖然羅家英只出場短短幾秒,但存在感爆棚!(圖片來源:袁偉豪《馬路英雄》MV截圖)

羅家英自爆全因汪明荃先答應合作

羅家英在接受訪問時坦言,自己在當日收到袁偉豪的邀請時並非一口答應,全因為汪明荃的一句話才答應合作。羅家英因為同袁偉豪唔熟,所以在收到邀請時問阿姐意見,汪明荃一聽到是袁偉豪的時候,便叫羅家英幫幫手:「後生仔正面嘅,公司亦都好捧嘅,你幫得就幫啦。」

羅家英 袁偉豪 睇嚟兩人真係唔多熟,接受訪問時都企到離行離勒。
睇嚟兩人真係唔多熟,接受訪問時都企到離行離迾。(圖片來源:東張+)
羅家英 袁偉豪 家英哥在訪問中亦提到酬勞問題:「佢問我收幾多,我話你俾得起幾多,我就收幾多啦」,非常錫後輩。
家英哥在訪問中亦提到酬勞問題:「佢問我收幾多,我話你俾得起幾多,我就收幾多啦」,非常錫後輩。(圖片來源:TVB娛樂新聞台)

新歌反應麻麻 網民:唔知自己唱歌難聽?

袁偉豪今次一手包辦曲詞編監唱,粉絲們都表示期待滿滿,但網民的反應卻麻麻。不少網民都留言狠批:「係咪唱歌難聽既人唔知自己唱歌難聽?」、「可否不要讓我們耳朵受難」、「佢唱歌超難聽」等。

羅家英 袁偉豪
(圖片來源:Facebookㅣ留言截圖)
羅家英 袁偉豪
(圖片來源:Facebookㅣ留言截圖)

羅家英同Edan呂爵安合作就滿臉笑容

與袁偉豪相反,同樣請羅家英一起合作拍攝MV的呂爵安(Edan)就同羅家英Friend過打Band。今年年初,Edan推出第五首派台歌《Elavator》時,邀請羅家英在MV擔任的士司機,羅家英在拍攝現場歌笑容滿面。Edan表示兩人因《臺灣文西Only You》而結緣,雖然自己當年經常「冇大冇細」,但家英哥都毫不介意,兩人相處得像朋友一樣。Edan更爆料表示羅家英經常send長輩圖向Edan講早晨,認真cute啊!

羅家英 袁偉豪 家英哥同Edan合作就笑容滿面。
羅家英同Edan合作就笑容滿面。(圖片來源:IG@edanlui)
羅家英 袁偉豪 撘曬博頭,兩人Friend過打Band!
撘曬博頭,兩人Friend過打Band!(圖片來源:IG@edanlui)

Edan曾孖Anson Lo、Jer赤口搵家英哥拜年

上年Edan好乖地有去搵羅家英拜年,仲獲「IG紅人」阿姐錫「汪阿Tag」。而今年亦都唔例外,Edan仲帶埋同隊老友阿Jer以及Anson Lo一齊喺大年初三赤口一齊去搵羅家英拜年,難怪佢咁錫Edan!

羅家英 袁偉豪 Edan好乖年年搵家英哥拜年,難怪家英哥咁錫Edan!
Edan好乖年年搵羅家英拜年,難怪咁錫Edan!(圖片來源:IG@wang_liza)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@benontheroad、TVB娛樂新聞台截圖、Facebook截圖、《馬路英雄》截圖、IG@edan_lui、《東張+》截圖資料或影片來源:原文刊於東方新地