糖妹
糖妹

糖妹與黃宗澤之最萌身高差 掀起全城猜猜高度之迷 盤點12位娛圈哈比女

影視娛樂

廣告

糖妹黃山怡因拍攝《幕後玩家》同黃宗澤合作而成為朋友,私下好好朋友不時相約飯敍﹗日前黃宗澤(Bosco)貼出二人合照,大晒誇張的身高差,即成為網上熱話,黃宗澤連日「出賣」糖妹,搞到糖妹留言投訴:「要請我食飯彌補我嘅創傷」﹗

文:東方新地|圖:IG@boscomine、IG@kandybubu

糖妹、黃宗澤之最萌身高差

糖妹黃山怡身形嬌小,之前與黃美棋及鄺潔楹主持節目,被網民稱哈比一族﹗糖妹從未公開過真實身高,卻連日被黃宗澤Bosco「出賣」,在IG貼出合照,糖妹只到黃宗澤的胳肋底,形成強烈的最萌身高差,黃宗澤貼出合照並留言「阿妹呢個身高差好正喎﹗」糖妹即回覆「喂呀」撒嬌﹗糖妹同黃宗澤的最萌身高差即在網上引起熱話﹗

糖妹與黃宗澤呢張合照大晒最萌身高差﹗ (圖片來源:IG@boscomine)
糖妹與黃宗澤呢張合照大晒最萌身高差﹗ (圖片來源:IG@boscomine)

糖妹與黃宗澤相差29厘米 被質疑相片造假

不過有網民質疑指黃宗澤身高178cm與149cm的糖妹相差雖然29厘米﹗但不至於合照中的誇張身高差,網民紛紛留言質疑「有冇差咁遠?」、「呃人啦﹗一定係企咗上櫈,除非唔係﹗」、「係咪企高一級呀?」、「最cute身高,好似老竇湊女」、「Bosco出貓啦,冇相差咁誇啩﹗」、「拍埋去先知黃宗澤有咁高﹗」、「變咗巨人」﹗

黃宗澤被網民質疑無可能高糖妹咁多,其後黃宗澤再貼出二人合照,今次糖妹高過佢﹗(圖片來源:IG@boscomine)
黃宗澤被網民質疑無可能高糖妹咁多,其後黃宗澤再貼出二人合照,今次糖妹高過佢﹗(圖片來源:IG@boscomine)
黃宗澤留言「糖妹身高的奧秘2之佢要高過我😂@kandybubu 。。。。待續﹗」大賣關子﹗(圖片來源:IG@boscomine)
黃宗澤留言「糖妹身高的奧秘2之佢要高過我😂@kandybubu 。。。。待續﹗」大賣關子﹗(圖片來源:IG@boscomine)

袁偉豪篤爆黃宗澤真實高度

黃宗澤貼出與糖妹的最萌身高差合照後,引起網上熱話,有質疑黃宗澤「造假」,亦有指糖妹被「出賣」,黃宗澤其後再貼合照並留言「糖妹身高的奧秘2之佢要高過我﹗」大賣關子,其後再貼出「平起平坐」合照,並留言「 都話咗待續,當然有最終篇啦!糖妹身高的奧秘之平起平坐﹗」再次引起網民猜猜糖妹與黃宗澤的真實身高,雖然維基百科資料顯示黃宗澤身高有 180cm,不過有不少網民指無咁高,與黃宗澤合作多次的袁偉豪就火速篤爆Bosco身高178cm。

黃宗澤再貼出一張「平起平坐」合照,坐低跟站起的糖妹一樣高,多次被「出賣」的糖妹扁晒嘴兼叫黃宗澤「請食飯」﹗(圖片來源:IG@boscomine)
黃宗澤再貼出一張「平起平坐」合照,坐低跟站起的糖妹一樣高,多次被「出賣」的糖妹扁晒嘴兼叫黃宗澤「請食飯」﹗(圖片來源:IG@boscomine)
糖妹身高不到150cm,但因拍攝角度,相片看來比真實高很多,她自己也留言指是因「角度的重要」。(圖片來源:IG@kandybubu)
糖妹身高不到150cm,但因拍攝角度,相片看來比真實高很多,她自己也留言指是因「角度的重要」。(圖片來源:IG@kandybubu)
角度真係好重要,糖妹驚變42寸長腿﹗(圖片來源:IG@kandybubu)
角度真係好重要,糖妹驚變42寸長腿﹗(圖片來源:IG@kandybubu)

糖妹150cm都無、鄧紫棋16歲後無再高過!娛樂圈女哈比人逐個look

娛樂圈唔係個個都手長腳長model身形,都有的的骰骰嬌小玲瓏嘅哈比人。事實證明事業發展同身形高矮並冇直接關係,只要有才華性格又討好,一樣發光發亮做宇宙最強。

鄧紫棋 157cm

16歲已經出道,16歲以後亦都再冇長高過,G.E.M. 嘅例子話畀大家知,人生得細粒但係肺可以生得好巨。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

糖妹 149cm

150cm都冇只得149cm嘅糖妹(黃山怡),的骰身形加埋招牌瀏海同甜美童顏,已經成為個人標記。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

鄭融 157cm

出道17年,鄭融最出名梗係健康膚色又夠wild人稱小野貓,生得細粒咋,無阻佢上山下海熱愛運動同長跑。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

林欣彤 158cm

都係人仔細細個肺好巨,講到身高呢個話題,林欣彤都曾經以前老闆王祖藍做例子,話生得矮一樣可以好有頭腦好有成就。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

何雁詩 157cm

新婚幸福人妻何雁詩都係出名生得細細粒,不過佢經常著短裙仔亮相,懂得晒腿拉長身形比例,睇落唔似咁矮。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

黃美棋 153cm

香港觀眾個個睇住黃美棋長大,不過淨係年紀有增長,但外形同身高就好似冇分別,依然停留喺小芬女階段。維基資料顯示美棋BB身高有160cm,美棋BB早前拍片公開度高澄清只有153cm,唔介意被指是哈比族,好鬼可愛。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

鄺潔楹 155cm

生得細細粒,不過勝在樣貌夠甜美,鄺潔楹喺無綫一樣機會多多,佢仲識得換轉角度睇輸蝕身形:「可能就係因為我嘅身形,所以特別容易被人記得呢?」

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

波波黃婧靈 157cm

喺節目《 後生仔傾吓偈 》中人稱「 波波 」嘅黃婧靈(前名黃凱儀)嬌滴滴,但身材勁爆,曾被網友質疑佢上圍係僭建出嚟,又被指經常背住男友偷食,勁多負皮!

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

鄧卓殷 160cm

2018香港小姐亞軍兼最上鏡小姐,鄧卓殷可算是三甲哈比港姐嘅佼佼者!除咗身形矮小成標記,最令人難忘嘅,一定係佢當年參選時幫農夫起外號為「播種的機」。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

阮小儀 148cm

糖妹原來唔係全行最矮,仲有小儀比佢再矮多1cm。可能人生得嬌小特別可愛有助凍齡,剛剛過完50歲生日嘅小儀,竟然容貌同三十多年前嘅學生look冇乜分別。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

林穎彤 163cm

林穎彤Bella都上榜其實係想幫佢洗底,皆因入行多年都令人有細細粒既定形象,自稱163cm又被指講大話,事實係 《娛樂大家》 現場幫Bella、糖妹同何雁詩度高,Bella真係最高嗰個真係有163cm高。一度被阿Bob林盛斌稱作「哈比界張曦文」的林穎彤,佢話雖然與身形嬌小,但卻喜歡高大男仔「另一半有180到183我都接受到,感到特別有安全感。」 。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

譚嘉儀 154cm

譚嘉儀話自細外國長大,外國人鍾意佢細細粒夠可愛,不過入行拍劇影相,就經常要墊完木箱著埋高踭鞋至可以襯得起對手。

糖妹150cm都無、鄧紫棋16歲後無再高過!娛樂圈女哈比人逐個look
(圖片來源:東方新地)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..