簡淑兒
簡淑兒

簡淑兒30歲嬌滴變鋼條身形「六嚿腹肌」終於見光! 張彥博為個唱唔再做白切雞

影視娛樂

廣告

宅男女神簡淑兒向來走卡娃兒鄰家女feel,日前突然po出練有所成嘅六嚿腹肌相,不禁令一眾網民大為驚訝,唔通佢想開拓戲路,挑戰做打女?另外男子組都唔輸蝕,張彥博終於摵甩肥仔稱號,成功變成爆肌男!

撰文、圖片:東方新地

簡淑兒唔做嬌滴女鋼條身形做打女

簡淑兒用一年前作對比,原來佢一年前開始做gym,半年前立志操出腹肌,在教練特訓之下,加上佢嘅努力、飲食節制,令佢終於如願,嬌滴滴嘅佢突然變成鋼條身形,可以考慮轉戲路做打女喎 ﹗

張彥博由白切雞變成爆肌男操肌操上癮

男子組方面平時斯斯文文嘅張彥博,向來身上肌肉欠奉,加上眼大皮膚白滑,反串女仔似模似樣㖭,早前為咗開首個音樂會,開始去做gym,終於甩咗肥仔博稱號,騷就開完,肌未操夠,原來張彥博已經操上癮,近來更操出六嚿腹肌,忍唔住影相貼出由一嚿腩變成六嚿腹肌嘅對比,佢話試過操到攤喺地上郁唔到,一身肌肉同簡淑兒一樣得來不易呀 ﹗

一身裝束夠仙氣!女神簡淑兒 可愛表情包

有名你叫新一代宅男女神,簡淑兒行出街真係唔係講笑,著住淺藍色仙氣長裙、孭住cute爆hello kitty背包,純過蒸餾水咁嘅樣,有乜理由唔吸引人望多兩眼?

撰文:東方新地 圖片:新傳媒圖片

簡淑兒 可愛表情包

早前簡淑兒就喺尖沙咀,就畀個港男眼望望目及女神!其實得宅男冧爆奉為女神又真係唔出奇,由電視台收工到一路搭車出尖沙咀,簡淑兒keep住一個甜美無辜樣,等朋友時講住手機保持通話,就算隔離左右冇人,都係又嘟嘴又甜笑,表情自然豐富,可愛到好似表情包一樣,唔怪得之港男望極都嫌唔夠喉啦!

簡淑兒 新一代宅男女神

出身自組合「少女標本」的簡淑兒,自從喺《愛‧回家之八時入席》中飾演秘書Elsa後備受關注,招牌腰果眼、甜美笑容加上密密短裙露長腿成為觀眾討論焦點。

《波士早晨》係處女劇

《波士早晨》中,簡淑兒飾演成日撞板甩碌嘅年輕OL Hana,其實套劇早係三年前拍下,仲係簡淑兒拍嘅第一套劇!

《波士早晨》又見到佢

《波士早晨》簡淑兒飾演一個初級秘書仔,怕怕醜又驚青咁,由佢演繹就適合不過!

而喺《平安谷之詭谷傳說》,簡淑兒飾演鄭子誠個女淼淼!

佢喺《迷》入面飾演田蕊妮女兒Chloe,角色設定係一個中學生,雖然佢真人同阿田只係相差13歲,但完全冇違和感!

妝頭出事?

但回到2012年簡淑兒選港姐時,實在只可以用一個四字詞:「其貌不揚」,細眼、扁鼻兼顴骨又大,難怪頭圈已經被淘汰。事隔6年面目全非,愈大愈靚,簡淑兒就曾經解釋係當初官方妝頭出事喎!

原來係富家女

由美國回流返港的簡淑兒,入行以來都甚少談及自己的家庭背景,只知道佢有6兄弟姊妹,但原來佢家境相當不俗!簡淑兒父母經營珠寶生意,在上水及將軍澳都有專門店。另外喺紅磡一幢工業大廈亦購入兩個單位作寫字樓,生意規模唔算細。簡淑兒亦曾經幫屋企生意做生招牌,擔任代言人兼模特兒,甚至贊助過TVB及亞視藝人鑽石首飾出席活動。

簡淑兒 強調自己純天然

簡淑兒之前出席活動,被問到疑似變樣的傳聞,佢就話用人生最核突的舊照同現時相比,分別當然大,所以點講都冇用。之後佢強調自己係純天然,自己選美後就去拍劇,如果有整大家都會留意到。但問題係,依家真係好多人留意你唔同咗樣喎……

提到近日被爆係有錢女,佢就話屋企只係做一啲小生意,自己出入唔會有司機接送,平時返電視城或者出席活動都係搭巴士。另外又稱自己雖然同家姐住,但就唔係住凱旋門,絕對唔係有錢女。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..