破毒強人丨陳豪沙聲重出江湖！盤點6大「變聲」電影角色 最經典係⋯

破毒強人丨陳豪挑戰演「絕命毒王」

陳豪94年憑電影《晚9朝5》入行，當年23歲小鮮肉由模特兒變成演員，至今拍過40部電影，00年簽無綫後亦拍過超過50套劇集，已成視帝的陳豪近年多套劇集都希望有新嘗試，而陳豪對上一套演反派已經是2017年的《使徒行者2》，今次新劇做「絕命毒王」，會否成為一大代表作？

破毒強人丨陳豪：年輕時浸淫喺沙啞聲之中

造型方面，除了難得一見陳豪的頹廢造型帶出新鮮感，陳豪在角色聲線方面亦明顯下了功夫，對此他早前受訪時透露：「根據角色嘅複雜背景同身體退化嘅情況，今次大膽喺聲線度作出咗挑戰，包括對白節奏嘅快慢、高低音嘅平衡，同埋情緒波動時嘅變化等。由於自己年輕嘅時候，曾經長時間浸淫喺沙啞聲之中，所以呢份感覺都熟悉嘅。」

陳豪曾透露當年聲帶做過手術

陳豪飾演的「絕命毒王」角色聲線需要沙啞一點，一出聲就令人想起他早年拍電影時的聲線相似，陳豪原來曾經透露當年聲帶做過手術，因為聲帶有瘜肉，開合時有隙以致聲沙。講起收音問題，陳豪指當年拍戲時，而有位收音師見到他就驚，因每次都因沙聲聽不到他說甚麼對白。另外有趣的是，陳豪在10年前亦拍過一個喉片廣告，同樣扮聲沙，走音演繹「法官大人」四隻字，非常搞笑！

盤點陳豪「變聲」6大角色

1.電影《晚9朝5》(1994年) 陳豪聲音沙啞獻第一次

1994年的陳豪只有23歲勁嫩口，接拍了首部三級片電影《朝9晚5》。當時因聲帶有問題導致聲音沙啞的陳豪，反而令他更有特色，在《晚9朝5》中有不少裸露畫面，更有露股，他笑言：「成部戲有得震冇得瞓，新人冇計，你第一次做戲又唔知做乜。導演叫你做咩咪做咩，相信係入行以來最激烈的一部戲！」。

2.《金枝玉葉2》(1996年) 陳豪演走音gay男

在電影《金枝玉葉2》中，陳豪飾演走音gay男，戲份雖然唔多，要完全走音地唱〈紅日〉然後落選，臨走仲要去電曾志偉，陳豪無論是唱歌笑位、肢體語言還是表情，一舉手一投足都充滿喜感。

3.《賭神3之少年賭神》(1996年)「印尼賭王」蘇圖夠搞笑

陳豪在《賭神3之少年賭神》中飾演小奸角「印尼賭王」蘇圖，其角色設定是每一句說話都超級喜歡押韻，配上他「聲沙沙」又「寸寸哋」的演繹，雖然是奸角，但一樣惹笑！另外最令人深刻的是陳豪與黎明決戰時，袁詠儀在旁吶喊助威：「蘇圖蘇圖輸淨執毛！」

4.《算死草》(1997年) 喜劇造型漏網之魚

《算死草》絕對是陳豪歷年喜劇造型的漏網之魚，原來他也演過星爺的戲，雖然戲份與對白不多，他飾演與林保怡所飾演的何中一同謀家產的何春，不過這奸角最終被何中設計所殺，死都死得搞笑過人！

5.《特警新人類》(1999年) 超級乞人憎角色

在《特警新人類》中，陳豪留了一把中長頭髮，飾演壞警察，角色入型入格，超級乞人憎。

6.《烈火戰車之極速傳說》(1999年)「愛滋針」一幕勁經典

陳豪在《烈火戰車之極速傳說》飾演對男主角Sky鄭伊健極其不滿的「喪偈」，聽個名就知道角色性格好喪，戲中他和鄭伊健決一死戰，結果陳豪戰敗，賭注是被鄭伊健打斷腿骨。估唔到陳豪演這類角色都好出色，造型亦夠特別，「愛滋針」一幕更是經典，原來陳豪都可以做蠱惑仔。