破毒強人
破毒強人

破毒強人|7大必睇位 陳豪騎呢髮型演毒王 蔣志光陰險夠奸勁搶戲!

影視娛樂

廣告

下星期一(31日)播出由陳豪、蕭正楠、胡定欣及張曦雯領銜主演的TVB新劇《破毒強人》,劇情講述陳豪演大毒梟,掌控全港過半以上的毒品生意,聚焦於警方與販毒集團鬥智鬥力的博奕。單看陣容已經冇得輸,以下同大家一齊睇睇「7大必睇位」,劇迷可以先溫定書啦!

即睇《破毒強人》最新劇情劇透
破毒強人 必睇位 《破毒強人》由陳豪、蕭正楠、胡定欣及張曦雯領銜主演
《破毒強人》由陳豪、蕭正楠、胡定欣及張曦雯領銜主演(圖片來源:TVB.com)

破毒強人|盤點7大必睇位

破毒強人|必睇位1|陳豪再挑戰奸角 用騎呢髮型入戲

講明《破毒》,今次陳豪唔做警察角色,改為做毒王,而陳豪的造型亦成為大眾的焦點。陳豪戴上冷帽的他留有一頭中分長髮,有別於過往公仔骨骨的形象,角色氣質相對陰沉。其實,陳豪對上一次做奸角已是2017年的《使徒行者2》,他飾演陰沈的黑社會大佬,配一頭古怪長曲髮。不過陳豪髮線較後,真係唔係人人carry到,這髮型更加暴露缺點。

破毒強人 必睇位 陳豪戴上冷帽的他留有一頭中分長髮,有別於過往公仔骨骨的形象。
陳豪戴上冷帽的他留有一頭中分長髮,有別於過往公仔骨骨的形象。(圖片來源:小紅書圖片)
破毒強人 必睇位 陳豪被證實患上末期肺癌,特區政府基於人道理由讓華假釋。
陳豪被證實患上末期肺癌,特區政府基於人道理由讓華假釋。(圖片來源:小紅書圖片)
破毒強人 必睇位 陳豪在《使徒行者2》飾演陰沈的黑社會大佬
陳豪在《使徒行者2》飾演陰沈的黑社會大佬(圖片來源:TVB)
破毒強人 必睇位 不過陳豪髮線較後,真係唔係人人carry到,這髮型更加暴露缺點。
不過陳豪髮線較後,真係唔係人人carry到,這髮型更加暴露缺點。(圖片來源:TVB)

必睇位2|蔣志光離巢作 演笑面虎毒梟騷變臉式演技

現年61歲的蔣志光可算是「強人」鐵膽,他先後有份演出TVB,《律政強人》、《白色強人》,曾入圍萬千星輝頒獎典禮「最佳男配角」,今次《破毒強人》同樣唔少得他,蔣志光在劇中演一位笑面虎毒梟鄭福田,認錢唔認人,同陳豪、胡定欣有不少對手戲,預告片中,蔣志光問陳豪「你有冇呃過我?」戲味十足!蔣志光有傳出他早在去年已約滿,TVB官網的藝人名單亦已將其資料下架,疑似正式離巢,《破毒強人》很大機會成為離巢作。

破毒強人 蔣志光嘅角色認錢唔認人。
蔣志光嘅角色認錢唔認人。(圖片來源:TVB)
破毒強人 必睇位 蔣志光在劇中演一位笑臉虎毒梟鄭福田。
蔣志光在劇中演一位笑臉虎毒梟鄭福田。(圖片來源:TVB)
破毒強人 必睇位 蔣志光同胡定欣互相鬥戲
蔣志光同胡定欣互相鬥戲(圖片來源:TVB)

破毒強人|必睇位3|蕭正楠《濟公》觸礁後唔再演搞笑 轉做 「無感」警察

蕭正楠予人陽光正氣的感覺,對上一套出街嘅劇係前年嘅古裝劇《一笑渡凡間》,蕭正楠演濟公可惜唔多討好,笑點欠奉。他今次於《破毒強人》飾演 「無感」警察,是眾人眼中不合群「怪咖」,向觀眾呈現另一面貌。蕭正楠的對手是首次合作的張曦雯,呢對警察組合總算有啲睇頭!

破毒強人 必睇位 蕭正楠今次於《破毒強人》飾演 「無感」警察。
蕭正楠今次於《破毒強人》飾演 「無感」警察。(圖片來源:TVB)
破毒強人 必睇位 破毒強人 蕭正楠今次飾演 「無感」警察
蕭正楠今次飾演 「無感」警察(圖片來源:IG@edwinsiu)

破毒強人|必睇位4|胡定欣黑口黑面chok到爆

胡定欣做女強人已駕輕就熟,早前於《廉政狙擊》爆發神級演技獲激讚, 今次keep住chok到爆演金融毒后,做陳豪的左右手,與陳豪組成「暗黑反派CP」。兩個角色亦正亦邪,視帝、 視后大鬥演技。

破毒強人 必睇位 胡定欣做女強人已駕輕就熟,早前於《廉政狙擊》爆發神級演技獲激讚, 今次keep住chok到爆演金融毒后
胡定欣做女強人已駕輕就熟,早前於《廉政狙擊》爆發神級演技獲激讚, 今次keep住chok到爆演金融毒后(圖片來源:微博圖片)
破毒強人 必睇位 胡定欣與陳豪組成「暗黑反派CP」。
胡定欣與陳豪組成「暗黑反派CP」。(圖片來源:TVB)

破毒強人|必睇位5|郭柏妍《白色強人II》後再拍強人系列

郭柏妍近年備受力捧劇接劇,她曾於《白色強人II》飾演「程可欣,與陳豪有對手戲,演技獲網民讚賞。其後在台慶劇《下流上車族》飾演「車芊芊」更令人眼前一亮。郭柏妍今次亦有份參與強人系列,演何廣沛嘅青梅竹馬「區子穎」一角,實在令觀眾期待。

破毒強人 必睇位
(圖片來源:微博圖片)
破毒強人 必睇位
(圖片來源:微博圖片)

破毒強人|必睇位6|張曦雯犠牲長髮 男仔頭造型演Madam

張曦雯為此劇剪掉一頭長髮,以清爽短髮造形示人。無論角色形象還是演員組合,皆新鮮感十足。男仔頭造型嘅張曦雯,拍埋落成team同事,無論髮型、樣貌、衣著都同本身girly形象唔一樣。

破毒強人 必睇位 張曦雯為此劇剪掉一頭長髮,以清爽短髮造形示人。
張曦雯為此劇剪掉一頭長髮,以清爽短髮造形示人。(圖片來源:IG@kelllycheung)
破毒強人 必睇位
(圖片來源:微博圖片)

破毒強人|必睇位7|好戲之人演技比拼

監製羅永賢繼《律政強人》、《白色強 人》(此劇榮獲《萬千星輝頒獎典禮》 最佳劇集殊榮 ),開啟「強人」全新 篇章 – 《破毒強人》,聚焦於警方與販 毒集團鬥智鬥力的博奕。羅永賢率領一眾常用演員,包括何廣沛、曹永廉、朱智賢,還有蔣志光、張國強、韋家雄等「好戲之人」,在他的新作品中,以精湛演技比拼!

破毒強人 必睇位 破毒強人 節目巡禮 張國強同張曦雯演父女,他笑指對方在劇中職位、身高都高過他好多。
張國強同張曦雯演父女,他笑指對方在劇中職位、身高都高過他好多。(圖片來源:IG@kkcheungkwokkeung)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:TVB、小紅書圖片、微博圖片