Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

影視娛樂

廣告

回憶總是美好的,又係時候集體回憶吓香港娛樂圈最百花齊放絢麗多彩嘅年代。那些年,蓬勃嘅唔止影視,仲有模特兒界……係呀!香港都出產過一班超模,高䠷型格活躍喺時裝界、過埋界拍過戲、仲係眾人焦點長踞娛樂頭版。眨吓眼,玩過蒲過愛過紅過,家陣紛紛嫁埋生埋,名模搖身變慈母!

原文刊於《東方新地》

周汶錡為頭家原諒偷食老公

現年46歲嘅周汶錡於九十年代開始擔任模特兒,從雜誌硬照到T台行騷,瞬間走紅並成為與琦琦、馬詩慧、陳嘉容等齊名嘅香港超模。98年時與當紅歌手杜德偉拍拖五年最後分手,12年與法籍珠寶高層JulienLepeu結婚並先後誕下兩子Jacques及Avner,年初老公偷食斷正,慈母為兒子為頭家,選擇原諒對方。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

周汶錡老公被本刊影到喺深水灣沙灘茶座,連環啜爆外籍中女,但最終獲老婆大方原諒。
周汶錡老公被本刊影到喺深水灣沙灘茶座,連環啜爆外籍中女,但最終獲老婆大方原諒。

Rosemary沉淪吸毒

俄羅斯、法國混血兒 Rosemary Vandenbroucke 從小高人一等,14歲已贏得模特兒大賽,年紀輕輕已經躋身超模行列。不過名利來得早未必係好事,Rosemary 試過同媽媽反面,又試過喺美國因藏毒揸車撞地標被捕,直到14年與不離不棄嘅中印混血男友 Jason 結婚,兩年後誕下兒子Hendrix。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

曾經反叛兼沉淪毒海,喺美國因連環觸犯藏毒及撞車後不顧而去等控罪兩度被捕,被拍下犯人照更遭美國傳媒公開。
曾經反叛兼沉淪毒海,喺美國因連環觸犯藏毒及撞車後不顧而去等控罪兩度被捕,被拍下犯人照更遭美國傳媒公開。

家底豐厚Lisa S.

摩納哥出生、父親是中法混血兒,Lisa S.14歲已經被星探發掘當模特兒,2000年回港發展,因為身材出眾、外形國際化而瞬間爆紅。前度係奧斯卡影帝Adrien Brody,02年與極品男神吳彥祖相戀,並修成正果於10年喺南非結婚,12年誕下寶貝女 Raven。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

樂基兒情變𠝹手

年輕時的樂基兒愛蒲愛玩敢作敢為,試過公開認隆胸又因為負荷過重而拆彈。05年與天王黎明熱戀、06年情變𠝹手、08年秘婚、12年離婚。2017年樂基兒與美國商人Ian Chu再婚,在前夫黎明誕女後一年,亦宣布囝囝朱樂其(Hunter)出世,正式加入慈母行列。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

後生時又玩𠝹手又隆胸,真係乜都夠膽做!
後生時又玩𠝹手又隆胸,真係乜都夠膽做!

Ana R.爛蒲爛玩錯愛花花公子

西班牙、韓國混血兒 Ana R.2000年從美國來港發展,與周汶錡、樂基兒、Lisa S. 看齊晉身名模行列,不過年輕時爛蒲爛玩又錯愛花花公子周立璟飽受情傷。13年總算定下來,與男友Brad結婚,15年誕下長女Maya、18年 再誕下幼子Ryan,修心養性做賢妻良母。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

當年與 Cara G. 同屬圈中出名嘅 party animal,爛蒲爛玩又不停換畫,感情生活多姿多采。
當年與 Cara G. 同屬圈中出名嘅 party animal,爛蒲爛玩又不停換畫,感情生活多姿多采。

熊黛林與郭富城相戀身價暴漲

國產模特兒熊黛林06年來港發展,不過真正令佢身價暴漲一夜成名嘅原因,係來港不久即被影到登入「 城 」堡, 與天王郭富城相戀。不過傳極婚訊都係分手收場,14年與同樣姓郭、家底富裕嘅郭可盈細佬郭可頌相戀,16年結婚、18年誕下孖女,如今不時母愛滿瀉大晒幸福。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

Danielle被爆與羅兆輝一夜情

吉隆坡出世嘅混血模特兒 Danielle Graham,01年喺香港出道並憑一輯護膚品廣告驚為天人紅遍香港。不過卻因被羅兆輝爆出一夜情,以及出現於富豪相簿,一夜之間純情仙氣形象徹底崩壞。09年結婚歸隱大馬,16年離婚後獨力撫養一對仔女,家陣個人 IG盡是健康生活同家庭樂溫馨照片。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

當年被爆同已故傳奇地產神童羅兆輝有一夜情,Danielle 嘅淑女形象一夜徹底崩壞。
當年被爆同已故傳奇地產神童羅兆輝有一夜情,Danielle 嘅淑女形象一夜徹底崩壞。
地產神童羅兆輝
地產神童羅兆輝

Cara G.夜蒲老蘭流連夜店

六國混血兒 Cara G.06年從出生地來港發展,迅即躋身名模行列,並與同輩幾個混血名模一樣成為party animal,經常夜蒲老蘭流連夜店。不過13年與攝影師男友Jesper成婚後即修心養性兼極速懷孕,誕下兩個女兒後,18年意外懷孕再生多個。眾多名模中,Cara G. 係最貼地一個,多次表示經濟負擔繁重,與丈夫精打細算又送女兒就讀本地學校。

Rosemary沉淪吸毒、樂基兒、熊黛林無緣做「天王嫂」 盤點8位同期名模變慈母

年輕時的 Cara G.喜愛夜蒲, 各大小夜場均見她的蹤影。
年輕時的 Cara G.喜愛夜蒲, 各大小夜場均見她的蹤影。
Cara G. 一直鼓吹餵人奶,佢話希望自己三個女將來喺公眾地方餵人奶時,唔會再遭受歧視。
Cara G. 一直鼓吹餵人奶,佢話希望自己三個女將來喺公眾地方餵人奶時,唔會再遭受歧視。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地