田蕊妮親揭離巢真相 厭惡無綫拍劇似女工 竟被禁講「XX」？

田蕊妮最近接受張寶華訪問，親揭約滿無綫離巢的真相。田蕊妮指其實離開TVB這個決定想了好一段時間，她直言TVB的滲透力好廣，令有更多人認識，電視台有優勢。

田蕊妮不喜歡TVB工廠式拍劇

田蕊妮卻對TVB拍劇制度及模式，令她生厭：「我演戲嘅心好純粹，就係喜歡演戲，由亞視到拍電影再加入無綫都一樣心態，想拍好每一個作品去回報畀觀眾。 如果大家知道拍電視嘅製作模式，其實我哋係廿四小時不停嘅流程，因為要減低成本，時間愈短成本愈低，我哋不停外景接廠景、廠景接外景，同埋唔知點解就算你拍咗啲劇放一兩年先播，但拍攝過程都係要咁急嘅，就係大家講嘅工廠式。」

田蕊妮唔想交行貨

田蕊妮話對自己工作要求高，與無綫拍劇的工作模式，產生很大矛盾：「好似你喺工廠打工，啤緊一舊膠，但係你就想喺嚿膠度雕花，你好似難為咗人，我不停諗我應該繼續配合你，乜都唔好諗，交啲行貨，有嚿膠咪得囉﹗」但田蕊妮指自己好想有進步，所以內心好大矛盾、好掙扎﹗

田蕊妮不滿：「唔畀講『加油』﹗」

田蕊妮令她決心離巢的觸發點是因為遭禁聲，她指在19年為劇集《她她她的少女時代》宣傳時，當時正發生社會運動，宣傳人員叫各演員上台或做訪問時唔好講「加油」二字，以免太敏感，田蕊妮話：「心諗唔係呀嘛，我句『加油』未必同人哋講㗎，我同自己講『加油』都得啩，我喺呢間工廠已經啤膠，仲要自我審查，去到咁嚴重，講『加油』都唔得，創作唔可以咁，我哋演緊每一個角色都係一種創作，如果我再繼續喺度，唔止喺度啤膠，會變成嗰個機器，就係咁好肯定自己一定要走﹗」

告別作：《她她她的少女時代》

田蕊妮在劇中人到中年面對婚變、女兒離家、重新找工作等種種衝擊，如何激勵自己和身邊中年人，勇敢面對失敗，為自己再活一次。

田蕊妮怨被杜汶澤連累

田蕊妮在訪問中有問必答，張寶華問杜汶澤的高調發言，作為老婆田蕊妮有冇質疑過？係咪一直都撐？田蕊妮坦言曾埋怨杜汶澤「你影響到我」、「你連累咗我呀」等，田蕊妮話人人都是以自己出發，所以也會將自己跟別人的婚姻、家庭作比較，對老公的高調言行：「我嗰時會話使唔使咁呀？好好哋唔得嘅﹗」田蕊妮話：「唔止外界畀佢好大壓力，返到屋企個老婆都不停畀壓力佢，我仲講啲咁hurt人嘅說話，如果調番轉頭係佢講，坦白講我早就離開。」田蕊妮話其實是杜汶澤多年來對她的包容和忍耐：「好感激杜生令我成為一個更好嘅人，就算我哋有爭拗，佢都會發我脾氣，但佢從來無諗過放棄，點都要同我一齊﹗可能我好啦﹗」

田蕊妮代夫出頭展現高EQ

鍾培生和林作的擂台戰定於9月18日九龍灣展貿舉行，有報道指門票由千二到三萬元，杜汶澤在社交網指如有多餘錢，不如去看有誠意的電影《一秒拳王》，並嘲「林鍾一戰」為小丑打交。鍾培生即發萬字文回應，並指「唔係小丑打交，係慈善企業家打小丑」，然後指「林鍾一戰」門票安排未落實，並指收益會捐給自己慈善團體「Derek.Love善學同微笑行動」。

鍾培生批死杜汶澤：「香港人做app係廢」

鍾培生接住嘲杜汶澤的OTT平台《喱騷》冇前景，直指「香港人本身做app都係廢」來批死杜汶澤，又列出一大堆數據分析指其平台會失敗，鍾培生留言：「因為佢個Show成功，有好多朋友叫佢： 『我哋一齊搞個platform啦，TVB冇㗎啦﹗』咁佢ego大就去試，戇XX輸X死佢呀﹗」

杜汶澤：「我唔識打拳賽，淨係識打交﹗」

杜汶澤其後在FB留言指有人叫他去上擂台打番拳賽挑戰鍾培生，杜汶澤留言：

我學空手道唔係用嚟比賽，係用嚟殺人㗎﹗

我係爛仔嚟，所以唔識打拳賽，淨係識打交㗎咋﹗

我哋香港人無咁嘅閒情逸致，你估我係林作咩﹗

田蕊妮撐夫反擊鍾培生

直至晚上，杜汶澤和太太田蕊妮幾乎同一時間出po回應鍾培生，田蕊妮指搞app的確遇到好多困難，但幸好遇到一班優秀的技術團隊，最重要是「我哋背後並無一個好勁嘅投資者，但係我哋有一班香港人，一班好X愛香港嘅香港人﹗」並回應鍾培生所估計app的登記人數，阿田留言：「恐怕會令到鍾生失望，你冇畀多咗我哋，你係畀少咗我哋﹗而且我哋係重質不重量﹗」

田蕊妮撐夫：「唔係人人有佢呢份勇氣﹗」

對鍾培生狠批杜汶澤會輸X死，田蕊妮回應：「可能佢真係戇X啦，但係佢呢一種勇氣同行動唔係人人都有，而我最近仲聽到自從我哋搞呢個app之後有其他人都想搞喎﹗」最後田蕊妮大方祝福鍾培生的拳賽「可以大賣，唔會輸﹗」答得有禮又高EQ。

林作抽水：「我係你fans」

杜汶澤爆粗：「今時今日香港人，對住X頭係零容忍﹗」

杜汶澤幾乎與田蕊妮同一時間，在社交網發文回應鍾培生，杜汶澤留言「我鍾意拍嘢畀香港人睇，你吹X得我脹呀？……你點先證明到叻過我？你要死咗佢，跟住投股胎，一出世好似我咁X窮，跟住白手興家，你明唔明呀﹗……你咁鍾意博出位，話畀你聽你依家紅梗啦，因為我X緊你，你就一定紅﹗……今時今日香港人，對住X頭係零容忍」。

鍾培生再反擊：「等我無乜新聞量又要宣傳嘅時候再比你抽下水﹗」

其後鍾培生轉載阿澤的帖文並留言：「R撈既話唔該排隊，未得閒X你， 等我無乜新聞量又要宣傳嘅時候再比你抽下水，你有d 知名度放心我會陪你玩下。同埋有時間香港人前香港人後， 要威要做老闆首先學識準時出糧先﹗」