王浩信做廿四孝阿爸同陳自瑤鬥曬親子合照 意外曝光囡囡IG急補鑊
王浩信 帶囡囡去九龍灣追星
當日王浩信分享同囡囡王靖喬去追星的合照,並指兩父女被擠在人群後,又自言是首次陪囡囡出夜街去睇她偶像的演唱會,原來他所說的囡囡偶像,就是上月20及21日在九龍灣E-Max開騷的冰島混血華裔歌手Laufey。
![王浩信 終於完成內地工作返港的王浩信,做廿四孝老竇陪囡囡去九龍灣追星。](https://imgs.orientalsunday.hk/wp-content/uploads/2023/10/11_2021537223651bcf54de731.jpg)
變相公開囡囡IG戶口
不過王浩信初初出post時,竟然Tag埋囡囡IG,令囡囡IG首度曝光,亦公開了囡囡的英文名是Victoria,雖然這是個Private的IG帳戶,但頭像亦公開了囡囡樣貌,同時亦連結囡囡的學校社團IG,當中亦有囡囡的正面相,不過其後王浩信已編輯並刪除有關帳號。
![王浩信 王浩信和女兒罕有同框合照,卻意外曝光了囡囡IG帳戶,但現在他已編輯並刪除有關帳號。](https://imgs.orientalsunday.hk/wp-content/uploads/2023/10/01_657739443651bd0cb548c9.jpg)
囡囡櫻桃小嘴獲讚似足媽媽
雖然王浩信在相中用圖案遮住了囡囡樣貌,但仍露出了囡囡嘟起的嘴唇,有媒體就讚囡囡的櫻桃小嘴似足媽媽陳自瑤。而陳自瑤在王浩信出po前幾日,原來亦分享過同囡囡的合照,並寫上:「親子烘焙日,治愈的一天! #寶貝喜歡做甜品 #仲有靚靚Barbie送 #我哋既作品靚唔靚?」
![王浩信 早幾日陳自瑤就孖囡囡玩烘焙。](https://imgs.orientalsunday.hk/wp-content/uploads/2023/10/05_171779636651bd2394c837.jpg)
夫妻互相冇畀心
王浩信同陳自瑤前後腳出post大曬各自同囡囡的合照,不過兩夫妻互相都冇派心心對方個post,與此同時王浩信又再曬出直擊囡囡攀石的短片,片中雖然未有拍到囡囡正面,但就見到現年11歲大的囡囡手長腳長,似乎繼承了爸爸王浩信的身高。
![王浩信 陪完囡囡追星,王浩信又曬出直擊囡囡攀石的短片。](https://imgs.orientalsunday.hk/wp-content/uploads/2023/10/10_141408730651bd256cc616.jpg)
王浩信陳自瑤結婚近12年屢傳婚變
2011年11月11日上午11時,王浩信與事業陳自瑤奉女成婚,當時女方名氣遠超男,被外界認為女尊男卑。產後的陳自瑤田日與王浩信一起為劇集《飛虎》宣傳,更配合活動當衆放閃。
![王浩信 騷肌 王浩信 二人在2011年11月11日光棍節成婚。](https://imgs.orientalsunday.hk/wp-content/uploads/2018/06/nhv4dxh3MJN7gxp/ba_5014100765b191bf701fe6.jpg)
王浩信再封視帝陳自瑤公開黑面
婚後陳自瑤專心湊女,而王浩信在事業上更是扶搖直上,更與同黃心穎、江嘉敏、蔡思貝傳出緋聞。令外界盛傳陳自瑤對婚姻死心,多次傳出二人離婚消息。在《萬千星輝頒獎典禮2020》王浩信再度封帝,激罕多謝陳自瑤,但陳自瑤卻黑面回應。
![王浩信 騷肌 致辭後段,王浩信望向藝員觀眾席:「多謝屋企人,多謝yoyo悉心照顧個女⋯⋯」](https://imgs.orientalsunday.hk/wp-content/uploads/2021/01/-2021-01-10-22.21.06_7237922185ffb0f2a48377-1024x574.png)
一家遊迪士尼被指無婚變
21年10月王浩信、陳自瑤和囡囡一家遊迪士尼,王浩信在IG公開自己和女兒的合照,但網民把重點放在陳自瑤身上,留言直問「老婆呢?」不過經媒體報導後,多個網民留言指當日見到一家三口和友人,而非得王浩信和女兒同遊迪士尼。後來陳自瑤都出post貼上自己和女兒的單獨合照和三人份量早餐,親證自己也有去迪士尼。
![王浩信 陳自瑤](https://imgs.sundaykiss.com/wp-content/uploads/2022/05/2-_1243278502627d094db3bf3.jpg)
婚姻關係撲朔迷離
陳自瑤和王浩雖然從未直接承認婚變,但是最近幾年肉眼可見幾乎零合照、零互動,甚至連同框出現公開場合也寥寥可數。早前Yoyo於抖音發佈影片介紹香港通關後的打卡熱點,置頂留言一位網民問:「單身了?」竟然獲得Yoyo本尊點讚,隨後「#疑似陳自瑤恢復單身#」的詞條更一度上了微博熱搜,似乎已經默認離婚。但是王浩信今年返港過年時曾罕有上傳女兒王靖喬的照片,更被懷疑與陳自瑤及女兒一起吃團年飯,他也於去年8月向外界宣稱:「一切安好,多謝大家關心。」,向大家大派定心丸。
![王浩信 陳自瑤 男方多次傳出偷食,二人已經多年不合照。](https://imgs.orientalsunday.hk/wp-content/uploads/2023/03/718222591298375680571603_575800991642695eb8acdd-768x1024.jpeg)
夫婦同心保護女兒
王浩信同陳自瑤今年結婚近12年,由高調放閃到近年近乎零互動,更屢傳婚變,不過兩人同樣極之保護女兒王靖喬(QQ),只曾在囡囡出世時晒個BB相後, QQ靚樣就相當神秘,不過,2020年YoYo在社交網上載了一段囡囡短片,令當時8歲仙氣女QQ激罕曝光,2021年王浩信開直播時,囡囡靖喬亦曾意外入鏡。
![王浩信 刑偵日記 直播 靖喬](https://imgs.orientalsunday.hk/wp-content/uploads/2021/07/-2021-07-21-12.52.15_171302356460f7b505b1cbe-774x1024.jpg)
女兒眼大大遺傳父母超強基因
陳自瑤事後解釋甚少用抖音,直到朋友通知她才晃然大悟。她直指是一次意外,因為唔想影響其生活,才不讓她曝光。片中囡囡長髮大眼皮膚白晢,被網民激讚似足靚媽陳自瑤,加上短短幾秒已經勁多表情,即時引起網民熱議,猜測QQ可能係貪玩攞咗媽咪手機自拍放上網,事關片段其後已火速被刪走。
![王浩信 刑偵日記 直播 靖喬](https://imgs.orientalsunday.hk/wp-content/uploads/2020/10/img_3664_6593480305f96b11b3c240-617x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!