玄戰｜江若琳首爆死過翻生！憶述反車漏油爬天窗逃生 淚揭老公定情信物

驚爆2024年遇嚴重車禍 江若琳憶反車漏油險死

節目中，江若琳親口證實於2024年曾遇上嚴重交通意外，當時情況極度危險，不但「成架車反轉」，更出現漏油情況。她心有餘悸地憶述：「最得人驚係汽油漏晒出嚟，嗰一刻係好恐怖咯，當時腦海中就係諗『吓？我個仔好細個，我仲有個家庭，我一定要逃出生天呀！』」最後她靠自己從天窗爬出，獲救時更有種「靈魂出竅嘅感覺」。

江若琳親述恐怖後遺症 揸車驚到手指發痺

這場恐怖車禍為江若琳帶來了巨大的心理陰影，她坦言至今仍未完全克服。她說：「我到依家揸車都會好驚，尤其轉安全島或者畀其他車爬頭，我會全身由個手指開始一路痺到上膊頭。」儘管如此，身為人母的她每次都會堅定地告訴自己：「我要平安返屋企」，意志力令人佩服。

首公開老公定情信物 江若琳淚謝蕭唯展陪伴低谷

除了驚險經歷，江若琳亦分享了充滿愛意的故事。她帶來一條對她人生極為重要的頸鏈，原來這是老公蕭唯展送給她的第一份禮物。她感觸地說：「當時係我人生最谷底嘅時間，我成日都喊、又唔開心。」這份禮物正是在她最需要支持時出現，意義非凡。

「以後都要會心微笑」 江若琳曝頸鏈從未除下

江若琳透露，這條形狀像微笑的頸鏈，承載著老公的溫柔期許。她引述老公當時的話：「我送呢條頸鏈畀你，你攞喺心口上面，就代表住你以後都要會心微笑、要開心。」因為這份深厚意義，江若琳表示頸鏈從不離身，更直言：「所以我冇除過架，我依家（上節目）先除架咋！」

網民大呼心痛：好彩人冇事！

江若琳的分享引起網民極大迴響，紛紛表示心痛和感動。有網民留言：「聽到都覺得恐怖，好彩Elanne人冇事！」、「做媽媽真係會為咗個仔變得好勇敢！」、「老公好sweet，條頸鏈好有意義，係黑暗中嘅一道光！」、「希望佢快啲走出陰影，揸車唔好再驚！」、「呢啲經歷真係會跟一世，佩服佢嘅勇氣。」