爸知弊你嚟湊吖 暖男爸爸
爸知弊你嚟湊吖 暖男爸爸

8位圈中慈父有望拍《爸知弊! 》第2季 陳豪、鄭嘉穎呼聲高

影視娛樂

廣告

TVB育兒真人騷《爸知弊! 你嚟湊吖! 》近日邀請Bob林盛斌、林子善及陳展鵬等一眾娛樂圈爸爸,飛甩太太獨自湊仔女力sell溫情牌,有不少網民希望能夠有第2季,再邀請更多暖男爸爸上節目分享湊仔女經,以下8位暖男爸爸最受網民歡迎,呼聲最高!

爸知弊你嚟湊吖 暖男爸爸 爸知弊你嚟湊吖 近日TVB育兒真人騷《爸知弊! 你嚟湊吖! 》人氣高企,網民都希望可以加開第二季。
近日TVB育兒真人騷《爸知弊! 你嚟湊吖! 》人氣高企,網民都希望可以加開第二季。(圖片來源:TVB)

盤點圈中8位暖男爸爸

1 . 鄭嘉穎4年抱3

現年53歲的視帝鄭嘉穎,於2018年迎娶比他細22歲的港姐冠軍陳凱琳,之後2人在2019年及2020年先後誕下大仔鄭承悅(Rafael)及二仔鄭承亮(Yannick),早前更誕下細仔Carlos,4年抱3。鄭嘉穎和陳凱琳經常在社交平台大曬天倫樂,今年父情節更大玩「意粉倒餐台」,相信拍育兒節目搞花樣一定難唔到佢!

爸知弊你嚟湊吖 暖男爸爸 爸知弊你嚟湊吖 鄭嘉穎老年得子、四年抱三超幸福。
鄭嘉穎老年得子、四年抱三超幸福。(圖片來源:IG@ghlchan)

2. 陳豪絕世愛家好老公 露台隔離防疫最經典

陳豪與陳茵媺(Aimee)婚後3年抱3,一家5口不時公開晒幸福。陳豪一向形象正面,出名愛妻愛家,去年當香港受到第五波疫情影響時,陳豪為了保護家人,不但在疫情期間一直堅持在家戴口罩;當得悉同劇女主胡定欣中招後,陳豪更主動提出同老婆陳茵媺分房瞓,一日3餐及活動範圍亦只限於家中約50呎的露台,認真唔話得。

爸知弊你嚟湊吖 暖男爸爸 爸知弊你嚟湊吖 陳豪一直被封為「愛家天花板」。
陳豪一直被封為「愛家天花板」。(圖片來源:IG@aimeechan_official)

3. 張致恒貼地做人 轉做盡責爸爸

張致恒(Steven)與老婆雯雯(區燕雯)結婚4年,婚姻關係時好時壞,近年時不時數臭老公的雯雯早前又誕下第4胎。為了賺奶粉錢的Steven,早前被野生捕獲他在天水圍一間食店工作,努力掙錢照顧妻兒。早前又被拍帶3位仔仔去書展,享受天倫樂,又願意為了家庭不適做結紮手術,唔少網友都大讚佢貼地做人,做個盡責爸爸。

爸知弊你嚟湊吖 暖男爸爸 爸知弊你嚟湊吖 steven 張致恒 張致恆 雯雯 雯雯 張致恒 雯雯又喺IG發長文放負!
Steven雖然與與老婆雯雯經常鬧離婚,但他仍然努力做一名盡責爸爸。(圖片來源:IG@ stevencheung)

4. 郭富城天王變好爸爸 霸氣護女獲大讚

現年57歲的郭富城於2017年4月同方媛(Moka)結婚,同年9月Moka誕下女兒Chant,2019年4月,再誕下細女Charlotte。郭富城和方媛一直對兩位愛女愛護有加,雖然時不時在社交平台上傳一家四口溫馨日常,但一直小心不讓愛女樣貌曝光。郭富城早前與家人在餐廳用餐後被偷拍,他也曾當場發火,身體力行保護妻女,獲網民大讚Man爆。

爸知弊你嚟湊吖 暖男爸爸 爸知弊你嚟湊吖 高齡爸爸 郭富城一家四口睇得出幸福滿瀉。
一向十分保護家人的郭富城,在慶生照中用個兩個公仔遮住囡囡正面樣。(圖片來源:IG@aaronkwokxx)

5. 陳柏宇太太兩度流產 年初B女平安出世

陳柏宇(Jason)與太太符曉薇(Leanne)2017年結婚,囡囡陳羿辰(Abigail)今年4歲,兩夫婦一直想為囡囡添個弟弟或妹妹,可惜符曉薇2度痛失胎兒,不過去年兩夫婦分別在社交平台宣佈喜訊,指囡囡快將多一個妹妹,細女Audrey今年年初健康平安出世。2愛女眼仔碌碌,加上肥嘟嘟的臉蛋,網民都大讚非常可愛。

爸知弊你嚟湊吖 暖男爸爸 爸知弊你嚟湊吖 陳柏宇太太兩度流產,今年年初細女健康平安出世。
陳柏宇太太兩度流產,今年年初細女健康平安出世。(圖片來源:IG@leannefu_1027)

6. 呂方秘婚生女 一家三口幸福又溫馨

呂方與鄭裕玲過去曾展開長達16年的愛情長跑,2人亦曾一直公開表示有不婚、不生育共識。然而,呂方2020年初突然被爆與拍拖7年的女友Rainbow秘婚,太太更已經懷有5個月身孕。同年8月,當年56歲呂方正式宣布做老爸爸,老來得女的他一直對愛女寵愛有加,早前為了慶祝女兒生日,一家3口穿上淺藍色親子裝上山頂遊覽一天,溫馨又幸福。

爸知弊你嚟湊吖 暖男爸爸 爸知弊你嚟湊吖 老來得女的呂方一直對愛女寵愛有加
老來得女的呂方一直對愛女寵愛有加(圖片來源:微博@Josh呂方)

7. 黃澤鋒努力9年終得女

現年55歲的資深藝人黃澤鋒於2012年離巢無綫後成為演藝自由人。他與太太陳麗麗在2010年結婚,喜愛小朋友的二人在努力9年後,終於在2019年成功懷孕,誕下女兒黃𤋮恩(小黃妃)。黃澤鋒對老婆無微不至之餘,對女兒更是萬般寵愛,從黃澤鋒的IG都充斥著太太和女兒的照片,認真係圈中又一寵妻愛家的好男人。

爸知弊你嚟湊吖 暖男爸爸 爸知弊你嚟湊吖 黃澤鋒愛妻又寵女兒,絕對係圈中暖男爸爸之一!
黃澤鋒愛妻又寵女兒,絕對係圈中暖男爸爸之一!(圖片來源:IG@briancfwong)

8. 杜德偉花花公子變身慈父

杜德偉在90年代紅極一時,曾經同吳君如、名模周汶錡拍過拖,形象花弗。2012年他與年輕24歲的攝影師女友李曉冰結婚,婚禮有老死梁朝偉做兄弟、岳父50歲同自己同齡夠晒話題。2016年兒子 Alex Junior出世時,杜德偉雖然已經55歲,但外表依然很年輕,更搖身一變成為慈父經常與兒子父子裝出街,更自爆一直同老婆努力追多個小朋友。

爸知弊你嚟湊吖 暖男爸爸 爸知弊你嚟湊吖 杜德偉同兒子成個餅印。
杜德偉同兒子成個餅印。(圖片來源:IG@alexto_dudewei)

同場加映: 網民想搵周永恆做實驗「睇你點扮慈父」

有「世紀賤男」之稱的周永恆在2010年與歌手女友與趙頌茹離婚半年後,周永恆即娶32歲內地女友陳薇Britni,並誕下一子,不過今年年初又突然被爆出「家暴羅生門」,感情路上認真夠曬複雜。從Britni的IG分享2父子玩樂的相中可見,周永恆對住愛子又的確頗溫柔,經常慈父上身咁投入同仔仔玩。網民都指可以邀請周永恆上節目,一試佢究竟是否真係收心養性、轉性做湊仔公!

爸知弊你嚟湊吖 暖男爸爸 爸知弊你嚟湊吖 周永恒近年注重家庭樂,拖着囝囝同遊濕地公園。
周永恒近年曾經一度轉性轉做湊仔公,拖着囝囝同遊濕地公園。(圖片來源:IG@britniiii_xo)
爸知弊你嚟湊吖 暖男爸爸 爸知弊你嚟湊吖 周永恒被囝囝摸臉,一臉慈父樣。
周永恒被囝囝摸臉,一臉慈父樣。(圖片來源:IG@britniiii_xo)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@britniiii_xo、IG@ghlchan、IG@aimeechan_official、IG@leannefu_1027、新傳媒圖片庫、微博@Josh呂方、IG@alexto_dudewei