熊黛林
熊黛林

熊黛林孖女4歲生日、愈大愈唔同!一家四口影全家褔放閃曬溫馨

影視娛樂

廣告

熊黛林(Lynn)與丈夫郭可頌一對孖女Kaylor與Lyvia踏入4歲生日,一如以往,Lynn一早為孖女安排到影樓拍照,順道拍攝全家福,非常溫馨幸福。
熊黛林 孖女Kaylor與Lyvia踏入4歲喇!
孖女Kaylor與Lyvia踏入4歲喇!(圖片來源:大會提供)

熊黛林一手包辦佈置

今年拍攝生日照的主題其中有孖女喜愛的運動造型,大女Kaylor穿上超可愛芭蕾舞裙,妹妹Lyvia則穿上一身跆拳道服。整個拍攝由籌備、佈置、為囡囡扮靚靚,都是由Lynn一手包辦,拍攝時這位名模媽媽更親自教授囡囡擺甫士,同時教她們儀態,拍出來的效果大家也非常滿意!Lynn說:「每一年幫佢哋影一輯相,順便影埋全家福,會一直延續落去,因為每一年都想記錄低呢啲咁美好嘅回憶,佢哋又大一歲,作為成長嘅記錄,一家人睇返都知道呢個家係幾咁溫馨同幸福,佢哋係好幸福嘅小朋友,希望佢哋永遠都咁開心、健康成長。」

熊黛林 有阿媽影子!
有阿媽影子!(圖片來源:大會提供)

熊黛林一對孖女性格大不同

開心的背後,前期工作至全日陪伴囡囡拍照,Lynn體力耗盡,更笑言比自己拍照還辛苦得多!不過當看到相片的製成品,Lynn也都將一切辛苦拋諸腦後,她笑說:「影一次真係辛苦過自己影相呀!我影相唔使前期工作,只係參與,化妝、set頭、服裝,影完就走,但係要幫佢哋諗着咩衫?點樣影?要溝通,完咗之後要揀相,中間仲要教佢哋擺甫士,真係好多嘢、好辛苦,我寧願自己影相多啲,哈哈。其實每一次嘅造型都係當時佢哋最鍾意嘅,就好似今年我會買彩虹裙,因為佢哋好鍾意畫畫,rainbow代表佢哋係好開心嘅小朋友;佢哋性格係一動一靜,家姐斯文啲,鍾意好靚嘅嘢,扮公主、跳舞,妹妹坐唔定,鍾意創作,郁嚟郁去,鍾意跆拳道,都係佢哋自己揀嘅,我都想將佢哋拍落嚟,大個咗睇返等佢哋知道細細個已經知道自己鍾意啲乜嘢,自己揀想學嘅嘢,佢哋都會好開心。」

熊黛林 家姐就文靜啲,扮公主就至啱喇!
家姐就文靜啲,扮公主就至啱喇!(圖片來源:大會提供)
熊黛林 阿妹就跳跳紮,跆拳道啱晒佢!
阿妹就跳跳紮,跆拳道啱晒佢!(圖片來源:大會提供)

熊黛林嘆女兒大得快

一對孖女不經不覺已經4歲了,Lynn感慨說:「佢哋真係大得好快!尤其係我出咗去做嘢嗰3個月,返嚟之後見佢哋高咗咁多,識講嘅嘢又多咗咁多,突然之間覺得自己好似錯過咗啲嘢。加上疫情始終一定會有影響心情,因為我哋係一個大家庭,好多人,呢個時候唔可以咁多人一齊慶祝,始終有少少遺憾,但係自己屋企人食餐飯、唱生日歌切蛋糕,一家人一齊就好開心。記得舊年佢哋生日,我返咗內地工作,唔可以陪喺佢哋身邊,我都有少少唔開心,但係今年喺佢哋身邊,我同囡囡都好開心,佢哋成日都話『媽咪好開心妳唔使做嘢,我唔鍾意妳出去做嘢咁耐。』我都知道佢哋好需要我、好想我陪喺佢哋身邊。希望佢哋可以健健康康、快高長大,每日都咁開心。」

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
熊黛林
撰文:東方新地圖片來源:大會提供資料或影片來源:原文刊於東方新地