36歲湯洛雯婚期將至身形回復巔峰時期 背心短裙大騷雪白長腿

湯洛雯自訂婚後默默修身成功

馬國明和湯洛雯自從在今年1月1日，正式宣布訂婚後，二人就積極籌備婚禮，早前更專程飛到法國影婚紗照，非常甜蜜！而湯洛雯近年身型時瘦時肥經常成為網上話題，有網民笑稱她是「幸福肥」，但自從訂婚後，湯洛雯的身型明顯愈來愈fit，看來已默默修身大成功，務求以最佳狀態出嫁。

湯洛雯拍《隱門》被嘲似師奶又笨重

在今年6月TVB播出的劇集《隱門》裡面，湯洛雯被嘲在劇中漲爆登場，被網民指外貌大走樣，似足師奶，條頸明顯有幾截，更有網民留言指湯洛雯看來似一位未成功修身的笨重madam。

對於網友批評，靚湯早前曾曬出兩張靚相，明顯當時已默默修身成功，更不忙自嘲係「師奶仔」叫大家追劇：

「人生總是會經歷高高低低，虛心接受批評，才能進步！那時的我未能做到最好，但我會更加努力！謝謝所有有留意我演出的觀眾，好的、不好的，都袋落袋了，這湯會加油變成更好的湯​​收到很多PM支持和鼓勵，很溫暖，謝謝你們#共勉之#每天也是美好的一天#記住今晚隱門繼續睇我呢師奶仔呀」

《隱門》湯洛雯外貌大走樣被批脹到似師奶

網民指湯洛雯在劇中脹爆登場，外貌大走樣之餘，仲要勁似師奶：「成舊發水麵包咁」、「計顏值, 佢今次輸智雯好多」、「又肥又醜C奶格」。不過其實《隱門》是在2021年底拍攝，當時湯洛雯的確全身「幸福肥」，加上疫情期間冇得運動，會脹爆上鏡都不奇。

更多：馬國明為湯洛雯「黑面事件」解話 大讚未婚妻影婚紗相靚到絕：佢真係好靚！

馬明回港後接受訪問，強調影片中的靚湯完全冇嬲更親身還原當日行名店實況：「佢估唔到去到法國搵到一啲，香港排隊都唔會有嘅嘢，喺法國又畀佢排到，仲即刻買到，但係法國人節奏真係好慢，佢哋做嘢好Relax、好悠閒，所以好多時都要等，但我哋香港人生活節奏好快，就成日諗『得未呀？』、『咁耐嘅？』，其實（嗰陣）我哋心諗仲要等幾耐㗎，大家睇畫面以為好嬲，其實好開心。」

親口承認影婚紗相

他還承認2人去法國其實是影婚紗照，更大讚準馬太：「佢係好靚！我哋法國影咗6、7套衫，全部都好靚，佢依家係頭痛點揀啲相，我就覺得一來佢又fit咗，二來佢揀啲衫又好襯巴黎個環境，所以佢真係好靚。」至於何時會向外界公開婚紗相，馬明指要先等靚湯批准，揀好相才正式的外公布！

靚湯法國行名店疑黑面兼嬲嬲豬

有網民在法國老佛爺百貨（Galeries Lafayette）見到靚湯和馬明一起行街掃貨，但發現2人之間氣氛尷尬，從影片中可以看到，身穿短裙和大褸的湯洛雯和打扮則相對隨意的馬明，一同站在名店的櫃台前等待，不過未知是不是等待時間太長，抑或揀不到心頭好的關係，靚湯臉上明顯露出不悅表情，似乎相當不耐煩，等了一會更扁咀轉身離開，而且亦沒有理會過馬明。