41歲洪永城激動澄清結紮真相 老婆梁諾妍誕細女後健康連環出問題

洪永城自爆已結紮冇心「追仔」

梁諾妍近日在社交平台以「香港二胎家庭的心得閒聊」為題，分享一段與老公洪永城大談養育2個小朋友嘅心得。片中梁諾妍更直截了當問洪永城：「你會唔會再想生多個（追仔）？」不過就獲對方以「都係嗰句，我結紮咗喇！」回應。

梁諾妍產後頻頻入院

雖然洪永城未有談及結紮原因，但唔少網民就猜測係因為梁諾妍產後身體變差有關。梁諾妍在片中坦言誕下細女後身體變差：「我陀二胎嘅時候，係有好多病痛」，表示生二胎時因年紀漸長而令康復期變長，洪永城亦補充：「係比第一胎多咗好多嘅，的確可能會令身體上弱咗少少啦。」其實梁諾妍自誕下細女後，曾因不同病痛多次入院，包括去年5月乳線炎發高燒至39.7度、去年8月及今年4月都因「生瘡」入院做手術。

洪永城21字澄清結紮真相

洪永城在影片中自爆已結紮嘅消息一出，隨即引起唔少網民熱議。不過對於網上連環報導其結紮消息，洪永城昨日（29日）就在社交平台無奈發文：「我講笑咋，係咪好爛呀？我係咪要開記者會」。隨後更以21字激動澄清：「唔好再誤會啦，我冇結紮到。由頭到尾都係講……笑，笑完！」澄清自己在片中自係講笑，並非真係已結紮。