洪卓立
洪卓立

洪卓立與Hillary劉沛蘅愛得高調 公開酒店慶生私密照閃爆網民

影視娛樂

廣告

洪卓立自公開認愛Hillary劉沛蘅後,二人愈愛愈高調,女方仲話已經見晒家長,等洪卓立儲夠老婆本就嫁,日前Hillary30歲生日,洪卓立帶女友去酒店Staycation慶生,當日Hillary已在社交網晒幸福,冧到爆!事隔多日,原來Hillary依然回味中,再次公開多張在酒店房內的私密照,幸福滿瀉!

洪卓立 洪卓立為Hillary慶生,二人在酒店房攬實放閃。
洪卓立為Hillary慶生,二人在酒店房攬實放閃。(圖片來源:IG@hungcl)
洪卓立 Hillary過了一個極度開心的30歲生日。
Hillary過了一個極度開心的30歲生日。(圖片來源:IG@hillarylau)

洪卓立送首飾畀Hillary

35歲的洪卓立與30歲的Hillary劉沛蘅自從公開戀情後,人前人後都非常甜蜜,早前Hillary生日,洪卓立更花盡心思,與女友去酒店Staycation過二人世界,又花又蛋糕仲親手佈置房間,令Hillary甜在心。至於生日禮物,Hillary表示洪卓立送了首飾給她,但她怕戴住會唔見,所以冇帶出街,可見她對禮物珍而重之。

洪卓立 事隔多日,Hillary仍繼續回味生日當天有幾開心。
事隔多日,Hillary仍繼續回味生日當天有幾開心。(圖片來源:IG@hillarylau)
洪卓立 臨瞓都要放閃。
臨瞓都要放閃。(圖片來源:IG@hillarylau)

公開疑似著睡衣的親密照

洪卓立為Hillary所做的一切,令女友冧爆,生日過後繼續回味,Hillary在社交平台留言:「臨睡前翻看一下相簿,希望今晚發個甜夢。」並公開了多張生日當天與洪卓立在酒店Staycation慶祝時的照片,照片中的Hillary疑似身穿睡衣被洪卓立從後環抱,另一張則是Hillary在窗前回眸一笑,可見二人當晚非常甜蜜。

洪卓立 洪卓立與Hillary這張合照,令人想入非非。
洪卓立與Hillary這張合照,令人想入非非。(圖片來源:IG@hillarylau)
洪卓立 身穿大露背疑似睡衣的Hillary,好迷人。
身穿大露背疑似睡衣的Hillary,好迷人。(圖片來源:IG@hillarylau)
洪卓立 在酒店瞓醒又影相,唔使問都係由洪卓立操刀。
在酒店瞓醒又影相,唔使問都係由洪卓立操刀。(圖片來源:IG@hillarylau)

Hillary人逢喜事

與洪卓立熱戀中的Haillary愛情事業兩得意,憑著甜美的笑容,加上不造作做自己的清爽性格,成功俘虜不少觀眾的心,而她精緻樣貌,亦成為美容廣告的新寵。最近Hillary成為屯門市廣場全新美容專區BEAUTY WORLD的宣傳片主角,日前Hillary以宣傳片內的甜美造型登場,並即場親自設計專屬虛擬頭像;商場更將Hillary四個不同造型幻化成虛擬頭像,鑄造成NFT贈予Hillary,讓她成為「『Beauty Me』NFT美妝專屬社群」首個持有人!「一人女團」的宣傳片亦即場進行首播,讓大家一睹Hillary完美演繹各種形象。

洪卓立 Hillary出席代言活動。
Hillary出席代言活動。(圖片來源:大會提供)
洪卓立 有愛情滋潤的Hillary開始心廣體胖。
有愛情滋潤的Hillary開始心廣體胖。(圖片來源:大會提供)
Hillary為洪卓立的歌曲擔任MV女主角,慢慢發展成情侶。
Hillary為洪卓立的歌曲擔任《數寄屋橋次郎》MV女主角,慢慢發展成情侶。(圖片來源:MV圖片)

洪卓立彈弓手Post相揭戀情

洪卓立早前錯手上載Hillary抱住愛犬的照片在IG Story,雖然未幾刪相,不過網友更快手截圖,二人因而傳出緋聞。當事人一開始都否認,雖然戀情慢慢浮面,Hillary其後亦承認二人「了解中」,但始終唔肯公開認愛。

洪卓立當日不小心Post錯相上IG Story,因而與Hillary傳出緋聞。
洪卓立當日不小心Post錯相上IG Story,因而與Hillary傳出緋聞。(圖片來源:IG@hungcl)

Hillary直搗洪卓立住所 被斷正再認愛

直至日前有傳媒拍得Hillary拿着外賣直踩上洪卓立在大圍的住所,連日出入的Hillary被指已發展至同居關係,消息傳開後洪卓立即認愛,大讚對方是他見過最善良的人,更揚言要將對方寵到「貪慕虛榮」!公開認愛絕對甜到漏!

被斷正後,洪卓立旋即在IG認愛。
被斷正後,洪卓立旋即在IG認愛。(圖片來源:IG@hungcl)
洪卓立 Hillary亦回應戀情,直言開心就好。
Hillary亦回應戀情,直言開心就好。(圖片來源:IG@hillarylau)

洪卓立踩場宣示主權 絕密照贈粉絲

認愛不夠兩日,洪卓立以個人TG帳戶加入Hillary與粉絲互動的Fans Group,一加入就被粉絲認出,立立亦大方回應,笑指自己只為「湊下熱鬧姐(啫)」,為表誠意,還貼出一張Hillary的抱狗的絕密合照,以宣示主權!

洪卓立 認愛未夠兩日,立立即踩場入Hillary的TG Fans Group,更送上絕密照片一張。
認愛未夠兩日,立立即踩場入Hillary的TG Fans Group,更送上絕密照片一張。(圖片來源:Hillary TG Fans Group)
洪卓立 看來立立收藏很多Hillary的抱狗照。
看來洪卓立收藏很多Hillary的抱狗照。(圖片來源:Hillary TG Fans Group)

閃盲粉絲 洪卓立積極同Fans互動

一貼相,一眾粉絲紛紛留言,大讚so sweet之餘,更有粉絲表示:「突然放閃!大家係時候戴返副太陽眼鏡!」立立又立即回覆留言笑指:「我企你哋個邊嫁!」雖然Hillary未有「上水」回應,不過立立的舉動足以閃盲一眾粉絲!

洪卓立 踩場宣示主權,立立又冧埋Hillary Fans。
踩場宣示主權,立立又冧埋Hillary Fans。(圖片來源:Hillary TG Fans Group)

即重溫二人甜蜜MV:

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@hungcl、IG@hillarylau資料或影片來源:原文刊於東方新地