冇人性教育|波波黃婧靈剖析大咪不便之處 寧願E變C減輕負荷
文:東方新地|圖:《係你喇上嚟啦﹗》截圖、《冇人性教育》截圖、IG@krysellawong
波波 有苦自己知
波波黃婧靈出道至今驕人身材都成為焦點,不過她有苦自己知,大咪對她來說其實有好多不便。近日波波主持J2新節目《冇人性教育》,繼早前大談男士勃起話題,新一集探討乳房大小,波波自然有好多嘢分享,身為無綫新一代咪神的她有苦自己知,講出5大不便之處。
![波波原來多年來都被出眾身材搞到好困擾。(圖片來源:IG@krysellawong)](https://imgs.orientalsunday.hk/wp-content/uploads/2022/01/3_169459250061efcc2b26c88.jpg)
容易造成身體痛症
波波總結出大咪的5大缺點,包括負荷太重、胸部經常揈來揈去,晃動造成不適,而且膊頭長期受壓,非常容易腰酸背痛等,又直言胸大難買衫,同一件衫都可以著出唔同效果,貼身或者低胸啲都好容易走光,出事又會被人話「你預咗㗎啦」!最好笑是胸前面積大,食嘢時容易整污糟。擁有36E的她,更希望降至C級,因為著衫會更好睇。
![波波話成日都會fing來fing去,hold唔住。(圖片來源:《冇人性教育》截圖)](https://imgs.orientalsunday.hk/wp-content/uploads/2022/01/111_211187771261efcdc2b88a2-1024x619.jpg)
胡敏芝呻平胸的煩惱
雖然波波講到身材太好好多麻煩,但節目中平胸的代表胡敏芝就表示,平胸一樣有煩惱:「會畀人當男仔,畀人笑。」Ben Sir續說:「同埋孭斜孭袋嘅時候Hold唔住嗰條繩,所以成日要索低個袋去到胳肋底。」對比起身材好又確係少啲,咁唔怪得胡敏芝都安慰自己說:「都幾快樂㗎我覺得!」
![胡敏芝講到好激動。(圖片來源:《冇人性教育》截圖)](https://imgs.weekendhk.com/wp-content/uploads/2022/01/screenshot-2022-01-26-at-11.18.07-pm_148249306661f16638697a6.png)
去片!睇波波講大咪有乜不便
J2台大改革推新節目
曾志偉任無綫高層後大改革綜藝科,又安排農夫C君掌管J2台,在新一年推出不同節目,而J2其中一個全新節目《冇人性教育》,由波波黃婧靈、《後生仔》主持JoJo黃紫恩、剛中文大學畢業的甜美新人胡敏芝及Ben Sir歐陽偉豪等主持。波波及JoJo上農夫主理的網上節目《係你喇上嚟啦﹗》為節目宣傳﹗
![冇人性教育|波波黃婧靈講敏感話題唔尷尬 揚言最想親自示範](https://imgs.orientalsunday.hk/wp-content/uploads/2022/01/krysellawong_265825882_270474278454958_393537349963573788_n_185513069461e1331d50f87-819x1024.jpg)
有專業醫生在場
JoJo黃紫恩指性教育從來在保守的華人社會屬於比較避忌的話題,在全新節目《冇人性教育》中會大膽討論敏感話題,甚至會討論如何用性玩具﹗傳遞正確性教育知識﹗波波又指節目會有醫生駐場提供專業意見﹗
![J2《冇人性教育》逢周五晚上十一時播出,一共二十集,主持包括有歐陽偉豪、波波黃婧靈、JoJo黃紫恩、胡敏芝及吳兆麟﹗(圖片來源:《冇人性教育》預告截圖)](https://imgs.orientalsunday.hk/wp-content/uploads/2022/01/-2022-01-14-2.48.01_198180191361e13344de3a1-1024x586.png)
波波:我有責任去性教育大家﹗
問到波波首次主持這類節目可會感到尷尬?波波就話絕不感到尷尬:「我覺得我哋有責任去性教育大家,因為大家都避而不談,搞到成件事好閃縮好奇怪,其實就係要教育一下大家﹗」陸永問到節目會否請主持親身示範,波波搶住答:「我最想做示範,因為記得小學時嘅性教育堂,係老師攞住條蕉、攞個condom,跟住插入去,然後就話傳過去叫大家睇吓啦﹗」波波認為太含糊了﹗
![冇人性教育|波波黃婧靈講敏感話題唔尷尬 揚言最想親自示範](https://imgs.orientalsunday.hk/wp-content/uploads/2022/01/-2022-01-14-3.54.17_101343614561e1335fafa30-1024x636.png)
導演批准任講無底線
林盛斌又問波波若然要親手拎住性玩具,會否尷尬?波波話一啲都唔會尷尬,C君搶住答:「會畀Ben Sir揸住,因為Ben Sir最有興趣﹗」林盛斌又問到拍攝以來有冇難以啟齒的地方?波波同JoJo都話冇,因為導演給很大自由度大家,「導演話任我哋講,若果有唔出得街嘅會cut,Ben Sir都畀晒位我哋去講,大家冇顧忌,講乜都得﹗」
![冇人性教育|波波黃婧靈講敏感話題唔尷尬 揚言最想親自示範](https://imgs.orientalsunday.hk/wp-content/uploads/2022/01/-2022-01-14-3.53.07_127534388861e13382380c4-1024x636.png)
22歲新主持胡敏芝
在《冇人性教育》中有一名嫩口女主持,是22歲的胡敏芝Karen,去年畢業於中文大學新聞及傳理系,畢業後正式加入無綫,胡敏芝還在求學時已參與《愛回家》和《青春本我》等劇集及綜藝節目拍攝,有不少幕前經驗。
![冇人性教育|波波黃婧靈講敏感話題唔尷尬 揚言最想親自示範](https://imgs.orientalsunday.hk/wp-content/uploads/2022/01/karenwumc_118698783_347675256612225_8779260864938564291_n_40335835561e1343d72aa7-819x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!