袁偉豪
袁偉豪

法證先鋒5|袁偉豪發火狂寸被《愛回家》影射 蔡思貝面左左補多刀!

影視娛樂

廣告

在TVB台慶劇《法證先鋒5》中飾演情侶的袁偉豪和蔡思貝,日前一同接受TVB娛樂新聞台訪問,期間袁偉豪寸爆回應最近有關《愛回家之開心速遞》中影射他小器的劇情,而身旁的蔡思貝卻全程「面左左」擔天望地,被網民取笑好似「搭枱」一樣!

即睇《法證先鋒5》最新劇情劇透
袁偉豪 蔡思貝 法證先鋒5 法證先鋒V 內地網民指劇情離不開感情線。
袁偉豪和蔡思貝在《法證先鋒5》中有感情線。(圖片來源:YouTube@TVB(official))

《法證先鋒5》袁偉豪:會搵《愛回家》編劇傾吓

袁偉豪早前在社交平台抨擊傳媒,之後被外界認為他小氣,最近TVB處境劇《愛.回家之開心速遞》將類似情況加入劇情當中,袁偉豪日前接受TVB娛樂新聞台訪問時,就回應話無睇到該集,但有睇過傳媒轉載的報導,當時反應是「啊咁得意呀?」並語帶諷刺說:「我唔知佢哋係咪寫到無題材,要搵啲題材寫吓!」雖然表示幫到件事就開心,但仍補充話:「我都會搵編劇傾吓偈!」

袁偉豪 蔡思貝 法證先鋒5 TVB在訪問中重提袁偉豪的「小氣事件簿」。
TVB娛樂台在訪問中重提袁偉豪的「小氣事件簿」。(圖片來源:YouTube@TVB娛樂新聞台)
袁偉豪 蔡思貝 法證先鋒5 但現實中兩人似乎「面左左」。
袁偉豪和蔡思貝受訪時「面左左」。(圖片來源:YouTube@TVB娛樂新聞台)
袁偉豪 蔡思貝 法證先鋒5 袁偉豪回應時狂寸《愛回家》編劇,身旁的蔡思貝就全程擔天望地。
袁偉豪口講唔介意,但回應時就狂寸《愛回家》編劇,身旁的蔡思貝全程擔天望地,被指似「搭枱」。(圖片來源:YouTube@TVB娛樂新聞台)
袁偉豪 蔡思貝 法證先鋒5 字幕組最初只出了袁偉豪同採訪主持潘盈慧兩人的名字。
字幕組最初只出了袁偉豪同主持潘盈慧的名字,蔡思貝沒有名字。(圖片來源:YouTube@TVB娛樂新聞台)

蔡思貝「補刀」叫袁偉豪加入《愛回家》

站在一旁的蔡思貝在袁偉豪接受訪問時,全程擔天望地、無參與話題,連字幕組最初都冇出佢個名,似乎真係當自己「搭枱」一樣,但當袁偉豪講到被《愛.回家》抽水一事時,蔡思貝就忽然笑住「補刀」,向袁偉豪獻計,提議他可以乘機加入《愛.回家》,扮演返自己!

袁偉豪 蔡思貝 法證先鋒5 「搭枱」的蔡思貝只在袁偉豪講到被《愛.回家》抽水一事時,忽然笑住「補刀」。
「搭枱」的蔡思貝直至袁偉豪講到被《愛.回家》抽水一事時,才忽然笑住「補刀」。(圖片來源:YouTube@TVB娛樂新聞台)

被封「面癱刑警」 袁偉豪解釋話要配合黃宗澤

此外講到被拍檔Bosco黃宗澤及洪永城取笑他演出的角色經常木口木面,更封他為「面癱刑警」,袁偉豪就解釋:「我個角色係長期唔夠瞓,所以唔會有精神,冇精神自然冇乜笑容,而且我飾演嘅係一個警察,有警察嗰種尊嚴,唔會嬉皮笑臉,再加上Bosco喺劇入面話我係一個『面癱刑警』,呢啲我哋都有傾過,所以我就跟住呢個方向去做,大家都有呢個默契。」

袁偉豪 蔡思貝 法證先鋒5 法證先鋒V
袁偉豪長篇大論解釋被黃宗澤封為「面癱刑警」的原因。(圖片來源:TVB提供《法證先鋒V》劇照)

即睇袁偉豪與蔡思貝接受訪問片段:

重溫袁偉豪疑不滿成《愛.回家》影射情節 爆Seed鬧「繼續無限放大?」後刪Po

無綫小生袁偉豪又網上爆Seed?事緣他接受《Star Talk》的訪問在日前播出,當中提到近年成為箭靶被攻擊感到壓力大,加上同晚TVB劇集《愛.回家之開心速遞》播出一集,當中角色KC有對白:「我而家欠咗你班傳媒呀?」又出現「軟飲王」情節,似衝著袁偉豪而來,難怪他晚上再出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大?」但他轉頭又刪走這個限時動態!

袁偉豪 蔡思貝 法證先鋒5 袁偉豪疑不滿成開心速遞影射情節 爆seed「繼續無限 袁偉豪昨晚又出po呻被誤解,但冇耐又刪走這個限時動態。
袁偉豪又出po呻被誤解,但冇耐又刪走這個限時動態。(圖片來源:IG@benontheroad)

重現「而家欠咗你班傳媒呀?」對白

袁偉豪早前被冠以「三億駙馬」外號,又被網民開post群插走樣,曾嬲豬發長文爆Seed,今年九月,金像獎最佳男配角得主馮皓揚退修TVB藝員訓練班的相關新聞中,導師之一的袁偉豪被網民質疑導師資格,事後袁偉豪在Facebook轉發相關的報道,嬲嬲留言:「我欠咗你哋班傳媒?」

袁偉豪 蔡思貝 法證先鋒5 袁偉豪疑不滿成開心速遞影射情節 爆seed「繼續無限 佢亦曾經於Facebook留言表示「我欠左你地班傳媒」?
袁偉豪曾於Facebook留言表示「我欠左你地班傳媒」?(圖片來源:FB@袁偉豪)

湊巧向來貼地的TVB處境劇《愛回家之開心速遞》早前播出一集,講到KC因為節目腰斬,被傳媒追訪期間同記者交惡,爆seed話:「你質夠我未呀?我而家欠咗你班傳媒呀?」完全是以袁偉豪鬧傳媒事件做故事素材,對白又有出現「軟飯王」、「靠姐夫上位」情節。

袁偉豪 蔡思貝 法證先鋒5 袁偉豪疑不滿成開心速遞影射情節 爆seed「繼續無限 《愛.回家》最新一集影射袁偉豪鬧傳媒的對白。
《愛.回家》最新一集影射袁偉豪鬧傳媒的對白。(圖片來源:TVB《愛回家》截圖)
袁偉豪 蔡思貝 法證先鋒5 袁偉豪疑不滿成開心速遞影射情節 爆seed「繼續無限 《愛.回家》指KC被網友話係「軟飯王」,充滿聯想。
《愛.回家》指KC被網友話係「軟飯王」,令人充滿聯想。(圖片來源:TVB《愛回家》截圖)

袁偉豪質疑傳媒「點解永遠錯重點」?

再加上同晚TVB播出了袁偉豪接受《Star Talk》的訪問,當中除宣傳新歌及分享製作心得外,袁偉豪亦提出成為眾人箭靶感到壓力大和不公平:「其實好大壓力,但我好被動,嗰段時間好低潮,好迷失,覺得工作上付出咗咁多,但反而外來嘅聲音,專注唔係工作上,而且仲成為箭靶,覺得有啲唔公平,變咗有一種好失落嘅感覺,成個人都冇晒光彩,跌咗落漩渦中。」袁偉豪再度於晚上出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」他更希望大家不要搬字過紙,集中在他的音樂作品上,不過袁偉豪未知何解,翌日已刪走這個限時動態!

袁偉豪 蔡思貝 法證先鋒5 袁偉豪疑不滿成開心速遞影射情節 爆seed「繼續無限 袁偉豪接受《Star Talk》訪問,講新歌之餘又講自己大壓力。
袁偉豪接受《Star Talk》訪問,講新歌之餘又講自己大壓力。(圖片來源:IG@benontheroad)
袁偉豪 蔡思貝 法證先鋒5 袁偉豪疑不滿成開心速遞影射情節 爆seed「繼續無限 雖然袁偉豪被冠以三億駙馬之外,但張寶兒表示是袁偉豪養活她的日常。
雖然袁偉豪被冠以三億駙馬之外號,但張寶兒表示是袁偉豪養活她的日常。(圖片來源:IG@benontheroad)

《法證先鋒5》袁偉豪為何被指小器?

袁偉豪早前在社交平台抨擊傳媒,寸爆回應最近有關《愛回家》中影射他小器的劇情,連蔡思貝都對佢補上一刀⋯⋯詳見:袁偉豪發火狂寸

《法證先鋒5》袁偉豪劇中「面癱」有原因?

被拍檔Bosco黃宗澤及洪永城取笑他演出的角色經常木口木面,更封他為「面癱刑警」,袁偉豪就解釋當中的原因⋯⋯詳見:袁偉豪發火狂寸

圖片來源:YouTube@TVB(official)、YouTube@TVB娛樂新聞台、IG@benontheroad、FB@袁偉豪、TVB《愛回家》截圖