48歲江美儀進化「喱士儀」 螢幕下有狗相伴不寂寞

原文刊於《東方新地》

單身江美儀螢幕下有狗相伴不寂寞

單身一個過得更瀟灑更健康，差不多個個星期約圈中同道中人行山跑山嘅江美儀唔止自己愛行山，仲影響不少身邊友人行埋一份。日前就身體力行陪女性友人落佐敦一間運動用品專門店選購行山鞋，正所謂工欲善其事，必先利其器呀嘛！唔使開工、私人時間，例牌會見到江美儀一拖二帶埋一對狗仔女Teddy同Tina去行街街，當日Teddy同Tina全程由媽媽孭上身，好幸福囉！

「喱士儀」頂癮喱士造型逐個look

現實生活中江美儀絕對係一位「好媽媽」，同喺熒幕上嘅形象大大不同！好似近日喺劇集《殺手》中飾演鳳姐大玩cosplay扮俏護士，一身粉紅色護士服，一對白色魚網喱士襪加高踭鞋造型，相比起當年嘅黑絲儀更重口味！回顧過往，其實江美儀都演繹過唔少經典頂癮喱士造型，被封「喱士儀」，真係實至名歸！