江嘉敏
江嘉敏

江嘉敏重提同王浩信傳緋聞一度想唔開!自爆被上位小生作歌力追:姓氏特別

影視娛樂

廣告

江嘉敏17年在無綫劇《親親我好媽》演江美儀大女,純情學生妹形象討好,演技亦大受好評,更憑劇集提名頒獎禮最佳女配角獎,演藝路可謂順風順水﹗近年卻因負面新聞致形象大跌watt,船P事件同閨密馮盈盈反目,緋聞不斷甚至被傳勾人夫王浩信,拍檔郭子豪、何廣沛都以「TVB大喇叭」來形容她﹗江嘉敏自知形象差,近日接受《月傾會》訪問,為是非精之名自辯,剛分手的她爆男星追求,再爆拒與某男藝員合作,把口都係唔收﹗

江嘉敏《親親我好媽》上位 翌年升呢女一同男主角王浩信傳緋聞

江嘉敏中學讀嘉諾撒聖心書院,自17歲已瘋狂拍私影同接拍微電影,在《親親我好媽》雖然是她第一次參演無綫劇,但其拍攝經驗可不少,作品有《女人多自在5》、《沒有牆的世界》及《我的家庭醫生》等港台節目,2014年麥曦茵執導的電影《曖昧不明關係研究學會》及2016年《此情此刻》。17年入無綫拍完《親親我好嗎》後,翌年便升呢女一夥王浩信拍《兄弟》,機會不斷,同時緋聞及負面新聞都未停過﹗

江嘉敏認戀電競公司高層 有米男友大起底!
之前有報道指江嘉敏英國拍《兄弟》外景期間,主動姣黐人夫王浩信,即使返港後都頻頻主動聯絡男方。(圖片來源:新傳媒圖片)
江嘉敏 有傳英國拍外景期間,江嘉敏姣上王浩信,經常主動獻殷勤,買咖啡都只預對方!
有傳英國拍外景期間,江嘉敏姣上王浩信,經常主動獻殷勤,買咖啡都只預對方!(圖片來源:新傳媒圖片庫)

江嘉敏重提同王浩信傳緋聞飽受壓力:想喺TVB個天台跳落嚟﹗

江嘉敏近日在林柏希主持的網上節目《月傾會》中談及負面新聞,最令她介意的是同人夫王浩信傳緋聞,她指這是她入行後首宗新聞令她上頭條,江嘉敏話:「人生第一單是非新聞,我嗰時唔識應對,套劇拍咗一半都冇,我衝上監製房話唔想再拍,嗰時有一段時間情緒係好唔穩定,我會有喺TVB個天台跳落嚟嘅諗法,嗰時太細個唔識處理﹗」她指後來因監製及張繼聰不時致電慰問及鼓勵才度過這一難關﹗

江嘉敏 江嘉敏指最介意同人夫王浩信傳緋聞。
江嘉敏指最介意同人夫王浩信傳緋聞。(圖片來源:《月傾會》截圖)

江嘉敏負面新聞全因性格使然 被兩大高層嚴厲對待

江嘉敏被主持林柏希問到知唔知外界點睇自己時,江嘉敏九秒九答:「是非精吖嘛﹗呢樣嘢有少少唔開心嘅,因為自己性格衝動,好多嘢加埋變成觀眾覺得我好多新聞,一提江嘉敏就等如負面,扼殺咗我喺背後付出過嘅努力﹗」林柏希指江嘉敏過去負面新聞多多,包括有同馮盈盈去船P最後搞到姊妹反目收場,江嘉敏直言每次有負面新聞,樂易玲都會「訓話」她,江嘉敏在鏡頭前模仿樂小姐惡氣惡氣:「你知唔知自己今次點解出事呀?」林柏希又問樂小姐點睇她勾人夫的緋聞?江嘉敏就答:「樂小姐會覺得我太熱情,其實我已經收斂咗,因為我一直想工作環境開心,所以同咩人都啱傾,老中青乜都傾一餐,乜話題都傾到﹗」林柏希問:「咁船P單嘢你知唔知衰咩呢?」江嘉敏話:「衰唔減肥唔努力工作,但走去玩﹗」但就冇提到同馮盈盈反目一事﹗

除了樂小姐,曾勵珍都對她都好嚴厲,江嘉敏指曾因著leggings被珍姐大聲訓斥,江嘉敏話:「珍姐問我係咪去減肥,做乜著成咁,leggings係做運動著嘅,作為一個藝人要注意形象,我知自己有時會著得烏where,其實珍姐講得好啱,我會記住﹗」江嘉敏直指樂小姐和珍姐對她好嚴厲﹗林柏希問電視台潛規則要送禮?江嘉敏即答:「我完全冇做囉﹗過年會送賀年食物,但唔會淨係送畀佢兩個﹗」

江嘉敏 江嘉敏為自己是非精之名自辯。
江嘉敏為自己是非精之名自辯。(圖片來源:《月傾會》截圖)

江嘉敏馮盈盈為富豪船p反目

江嘉敏2020年6月同好姊妹馮盈盈因為船p事件而反目,先是江嘉敏弦外之音指「係咁被人拖落水」,大爆船p不是由她拉線,馮盈盈封口並在記招上和江嘉敏合照以示姊妹情不變,不過其後有傳馮盈盈在高層面前哭訴扮可憐兼四圍唱衰江嘉敏,江嘉敏先以狼人殺暗示邊個講大話都冇人知,之後繼續咬住唔放,又在IG即時動態發文「有啲嘢適可而止,好收手喇﹗其實世界好細﹗」其後有自稱江嘉敏的好友拎出「證據」指船p之約並非江嘉敏邀約,姊妹正式決裂﹗

江嘉敏反擊絕對唔係媒人,反指係馮盈盈邀請佢去船P,所以佢叫埋兩位圈外朋友一齊去,江嘉敏更上載一張四美合照,相中馮盈盈一副戰鬥格,姣樣盡現。
江嘉敏曾上載一張四美出海合照,可見馮盈盈臉紅紅,打扮惹火。(圖片來源:IG@kaman_kong)
江嘉敏 呢對過氣閨密,過去經常行孖咇。
呢對過氣閨密,過去經常行孖咇。(圖片來源:IG@kaman_kong)

江嘉敏自爆有上位小生追求:係好sweet嘅﹗

最近自爆分手的江嘉敏,在節目中自爆有男藝人瘋狂追求,她指對方為她作歌,「佢唔係歌手,但好有心機,用我個名寫咗首歌,想同我講嘅嘢寫晒喺歌詞度,仲拍咗個MV送畀我。」主持林柏希追問下,雖然江嘉敏未有開名爆,但就透露是無綫上位中的男藝員,並透露「後生嘅」、「未上到一線,努力緊努力緊」、「青靚白淨」、「好溫柔,斯斯文文」又指對方姓氏唔普通。雖然江嘉敏未有透露幾時被追求,但就指對方好好又sweet,只是自己狀態未適合再拍拖,所以拒絕對方,似暗指是年初和有米男友Anthony分手後、近月的事。

江嘉敏 林柏希問江嘉敏「有冇男artist或知名人士追求你?」江嘉敏聽到即陰陰咀笑﹗
林柏希問江嘉敏「有冇男artist或知名人士追求你?」江嘉敏聽到即陰陰咀笑﹗(圖片來源:《月傾會》截圖)
江嘉敏 雖然話唔可以開名爆,但就提供不少線索﹗
雖然話唔可以開名爆,但就提供不少線索﹗(圖片來源:《月傾會》截圖)

江嘉敏拒再同某男藝人合作:可免則免﹗

江嘉敏在節目被問到有冇藝人是不想合作?江嘉敏話「女就冇乜嘅﹗男就有一個」,雖然唔肯開名爆,但江嘉敏就提及若干資料:「一提呢個名真係可免則免啦,我哋合作過,嗰時我仲好新,但戲份就好heavy,我唔係好掌握到點處理,咁佢係我對手,我主動埋去同佢傾,佢望住份劇本都冇望過我,佢淨係活喺自己個世界,卒之大家係零溝通嘅﹗」似乎知情的林柏希就爆劇名是兩個字,而江嘉敏拍過的劇只有《兄弟》及《殺手》是兩個字的,而她所指當時好新,相信是《兄弟》機會居多﹗

江嘉敏 江嘉敏指當時角色好沉重,好需要同對手多交流對戲,卻遭當時男對手冷淡對待,所以拒再與此男藝員合作:「真係可免則免啦﹗」。
江嘉敏指當時角色好沉重,好需要同對手多交流對戲,卻遭當時男對手冷淡對待,所以拒再與該男藝員合作:「真係可免則免啦﹗」。(圖片來源:《月傾會》截圖)
江嘉敏認戀電競公司高層 有米男友大起底!
江嘉敏拍攝《兄弟》先後同王浩信及伍允龍傳過緋聞,相信不會是她所指合作時「零溝通」的永不合作男藝人﹗除了提示是兩個字劇名,未知會否連名都係兩個字的男藝人呢?(圖片來源:新傳媒圖片庫)

江嘉敏望大家多提點:我知大家覺得我寸又冇禮貌,我會變好﹗

主持林柏希畀機會江嘉敏自白,指讓外界重新認識她,江嘉敏就話知自己性格太主動,又太衝動所以導致令人有誤解,亦因此而有不少負面新聞,她指知道外界會覺得佢「為人好寸、冇乜禮貌」,但她解釋只是性格衝動使然,又話:「大家第時見到我,唔好淨係叫我影張相,要提我唔好咁衝動,大家keep住提點我,我就會變好﹗」希望江嘉敏學懂慎言的重要性﹗

江嘉敏 主持林柏希追問和前度Anthony分手是否因為剪短頭髮,江嘉敏答:「唔知喎,你真係要問番佢﹗」又否認被分手:「其實大家冇好明確講分手嘅,都拍咗三、四年拖,當然傷心,喊咗個幾月﹗」
主持林柏希追問和前度Anthony分手是否因為剪短頭髮,江嘉敏答:「唔知喎,你真係要問番佢﹗」又否認被分手:「其實大家冇好明確講分手嘅,都拍咗三、四年拖,當然傷心,喊咗個幾月﹗」(圖片來源:IG@kaman_kong)
江嘉敏 林柏希笑江嘉敏每逢在大騷都會發生時裝車禍,江嘉敏笑認仲話唯一一次無出事就係呢次台慶,因為黑衫有顯瘦效果﹗
林柏希笑江嘉敏每逢在大騷都會發生時裝車禍,江嘉敏笑認仲話唯一一次無出事就係呢次台慶,因為黑衫有顯瘦效果﹗(圖片來源:IG@kaman_kong)
江嘉敏 無綫
當年江嘉敏在無綫劇《親親我好媽》中飾演中六考DSE的女學生,一劇入屋,人氣一度急升。(圖片來源:IG@kaman_kong)

江嘉敏當年為何與王浩信傳緋聞?

江嘉敏當年拍完《親親我好嗎》後,翌年便升呢女一夥王浩信拍《兄弟》,而且當年有傳女方經常主動⋯⋯詳情請看

江嘉敏自認性格影響形象?

江嘉敏曾受訪提及自己負面新聞多多,皆因自己性格衝動,連樂小姐都曾經「訓話」她⋯⋯詳情請看

關鍵詞
江嘉敏
撰文:東方新地圖片來源:IG@kaman_kong、《月傾會》截圖、資料或影片來源:原文刊於東方新地