宅男女神何依婷扮「港女KOL」派綠帽畀楊明! 《機場特警》結局周感情戲大逆轉

影視娛樂

廣告

現正於黃金時段播放嘅無綫劇集《機場特警》中有唔少靚女助陣,除咗蔡思貝、湯洛雯、鄧佩儀、孫慧雪之外, 隨著《機場特警》進入結局周,扮演「 絕世港女 」KOL、同楊明發展感情線嘅何依婷又有新搞作,醉酒出軌搞大個肚,仲派埋綠帽畀楊明!

原文刊於《東方新地》

0
因為同男友鬧交,出去開心返一晚,點知安安BB真係有BB。

何依婷做「 絕世港女 」KOL 《機場特警》結局周派綠帽畀楊明

《機場特警》索到爆的安安(何依婷飾)有波有長腿,迅即彈起成為新一代宅男女神,一向主持開兒童節目Think Big天地嘅佢,今次飾演壞女孩KOL依然有板有眼,同Easy哥(楊明)一段情都好引人入「性」,摸髀打茄輪好合拍,可惜早前安安因為著bikibi拍洗車片事宜同Easy吵大鑊,仲鬧分手,鏡頭一轉安安竟然有咗!恭喜Easy Sir做爸爸?仲即刻打鐵趁熱向安安求婚….

0

0
睇完中醫,唔信,自己驗,中咗!好惆悵!
0
劇情又又錯摸--機場特警執二手驗孕棒以為自己係爸爸。
0
被派帽仲以為做老豆,楊明去咗觀塘碼頭,在眾友人見證下,Easy跪地向有餡安安求婚。何依婷黑曬口面的演出十分到位。

落Bar劈酒 經手人唔係楊明

可惜安安同許志安一樣算係「壞咗嘅人」,同Easy分手後,安安落bar劈酒,遇著final boss宋天機(許家傑飾)條𡃁阿Ben,鬼迷心竅半推半就下就同阿Ben一夜情,仲中埋獎,所以楊明成頂綠帽笠到落腳指尾好陰功㗎!

0
回憶返一夜情,經手人都幾重口味。
0
面對盛大求婚,安安都唔知講咩好。
0
飾演經手人Ben係唐嘉麟
0
前身係Rapper同MC Jin拍檔搵食,化身大賊同安安上床⋯⋯
0
Think Big天地純純兔「橙戰士」Regina姐姐,今次為部戲真係乜都試齊晒⋯⋯

重溫:何依婷為「找數」不惜著比堅尼洗車

何依婷 (Regina)今次第一次拍劇就飾演 KOL,仲係男主角楊明嘅女朋友。著上背心短褲嘅何依婷打扮已經超性感,仲喺劇中畀楊明狂摸大髀㖭!除不時著熱褲大騷長腿外,在13集一幕,何依婷更要換上性感比堅尼洗車,噴血指數爆燈!

0
26歲何依婷獲無綫力捧,做完「 是非精 」就接拍《 機場特警 》,人氣急升。
0
於處女劇《 機場特警 》中著上Bikini 洗車,非常養眼。
0
著上背心短褲喺劇中畀楊明狂摸大髀一幕,睇到一班網民勁不滿,戥女神初次拍劇就被摸好唔抵,更鬧爆楊明動作過晒火。

扮「港女」入型入格 公開擇偶條件唔要靚仔但要……

何依婷自稱單身冇拖拍,並公開擇偶條件:「 唔使靚仔,但一定要有嘢吸引到我,例如佢捉棋好叻都係優點。為人孝順同有幽默感,我會比較欣賞。」被封為女神嘅何依婷,竟然唔喜歡收兵:「 收兵即係要畀啲 signal 人哋,我從來唔會咁,有嘢寧願自己做好過攞着數。感情事我會謹慎處理,觀察對方好耐,如果發現佢對其他人冇風度,我都覺得要即時斬纜!」同劇中角色完全相反,一啲都唔「 港女 」囉!

0
笑容甜美加上身材不俗,不難攻陷一眾宅男嘅心!
0
邨校出身入讀香港城市大學商學院,曾到史丹福大學作交流生,何依婷入行前喺會計師樓工作,因為熱愛演戲而放棄高薪厚職加入娛樂圈。

表現生鬼、找數洗車比堅尼

《機場特警》第13集入面何依停飾演的KOL為了「找數」,著比堅尼洗車,結果又搞到同男友鬧交⋯⋯
0

0
為讚好無所不用其極,又真係好乎合KOL特色。

洗完車再扮空姐

0

劇情去到18集,容義(楊明飾)與至安(何依婷飾)會繼續冷戰,然後至安發現懷孕,難以接受,因為呢位古惑的KOL個 胎似乎另有隱衷⋯⋯

0
2017年度香港小姐亞軍何依婷,當屆冠軍係已經退出咗娛樂圈的「雷莊𠒇」,何依婷對事業發展野心勃勃:「我會以 《學是學非》兩位師姐為榜樣,司儀工作想做到好似麥美恩咁,拍劇就以李佳芯為目標。」