楊千嬅
楊千嬅

楊千嬅47歲生日!回顧當年爲谷愛子Torres入名校 虛脫激殘企唔穩

影視娛樂

廣告

今日(2月3日)就係楊千嬅47歲生日,出道已有26年的她在2009年嫁丁子高,到2012年6月誕下囝囝丁進諾(Torres),當時千嬅已38歲,高齡產婦唔易做,高齡媽媽更加唔易做,回想當年千嬅初為人母,曾爲谷仔入名校,犧牲自己休息時間,頻頻催谷,結果被本刊影到捱出激深黑眼圈,成個人虛脫激殘!

文、圖:東方新地

楊千嬅 企都企唔穩

在楊千嬅與丁子高所生的寶貝仔丁進諾(Torres)剛滿一歲時,楊千嬅已開始爲囝囝的學位問題而憂心,並化身「怪獸家長」,到訪幼稚園開放日及做調查,更曾因過於頻撲而病倒,爲人父母果真唔容易。當年丁太既要打理家頭細務,又忙拍彭浩翔執導的新片《曼珠沙華》,頻頻開夜班,日間又要把握時間催谷愛子,難怪攰到腳步浮浮、企都企唔穩,勉強睜開眼,而且大熱天時著長袖衫,就知她虛爆!

楊千嬅虛脫激殘
素顔千嬅面青兼有三層眼袋及激深黑眼圈,攰樣令人睇見都想瞓!

當年本刊曾拍得千嬅穿潮tee、leggings襯MBT涼鞋,到其居所屋苑陽明山莊内的超市,履行丁師奶責任,購買日用品,現場所見,千嬅面上挂着三層眼袋激深黑眼圈,而且累得腳步浮浮,明顯睡眠不足虛脫激殘,購物時她更棄新鮮蔬菜肉食,反而大手買入大量叮叮食品、快熟通粉,莫非爲催谷愛子搞到連正正經經食餐飯都唔得閑?

楊千嬅虛脫激殘
仲攰到腳步浮浮、企都企唔穩!

千嬅當年受訪,曾訴說希望兒子將來有成就,本刊發現千嬅並非得個講字,而且已積極實行。原來千嬅爲替愛子揀選學校及playgroup,在愛子剛滿一歲時已親身到心儀的幼稚園及playgroup視察,然後通宵上網搜集資料,因而捱病,其後被迫將心水名單交予老公丁子高代勞。

楊千嬅虛脫激殘
為仔通宵上網搜集資料,令千嬅捱到病。

千嬅更曾自爆老公丁子高怕她的買餸look太吓人,影響星途,特意命stylist多買一set便裝潮服,供她買餸時穿著,當日所見,千嬅所穿花T恤果然型夾潮,可惜丁生千算萬算算漏一步,原來千嬅殘樣可以比她的衣著更嚇人!

楊千嬅虛脫激殘
雖然累極,但千嬅沒有繑埋雙手假手外傭,抵贊!

千嬅爲令囝囝赢在起跑線,無所不用其極催谷愛子,當時有知情人爆:「Torres依家同時返緊幾間playgroup喪谷,千嬅仲打算囝囝一學識講嘢,就即刻請導師上門教語言,佢已經鎖定學校,依家一有時間就同個仔操面試,買嘅玩具全部同學習有關,連難得出嚟食飯都係問家長朋友子女升學問題。」

網民開Po轉載 :中女以上阿婆未滿、樂壇人瑞楊千嬅虛脫激殘

 中女以上阿婆未滿樂壇人瑞楊千嬅虛脫激殘
當時網民在高登Mean爆開Po,題為:「中女以上阿婆未滿、樂壇人瑞楊千嬅虛脫激殘」

事後解畫:為拍戲、殘樣示人

當年千嬅為拍彭浩翔的《香港仔》,由於角色甚為抑鬱,要面對亡母心結,仲有丈夫(曾志偉)有第三者的壓力,當時彭浩翔要求她殘樣示人,開工拍攝前一日唔准瞓覺,事後楊千嬅受訪時表示,彭浩翔經常半夜二時致電給她,笑言「險釀家變」⋯⋯

楊千嬅《香港仔》
楊千嬅在《香港仔》的角色帶靈異色彩,預告片中坐紙紮的士。
挑戰演技,比《麥路人》更早以殘樣演出。
當年挑戰演技,比《麥路人》更早以殘樣演出。
千嬅咁嘅樣,老公(曾志偉)出軌,搭上後生女。
千嬅咁嘅樣,老公(曾志偉)出軌,搭上後生女。
楊千嬅虛脫激殘
當年上了妝的千嬅精神煥發、後生十年,化妝品果然有奇效!

丁子高:想佢入聖若瑟

其後丁子高被拍得一支公逛幼稚園及playgroup,他更直認已爲兒子找學校:「我知小朋友辛苦,但唔想佢一返學校乜都唔識。已經搵咗兩間心水playgroup,我以前讀聖若瑟,所以都想囝囝讀呢間,不過都要再觀察吓個仔性格先,其實我想個仔讀本地學校多啲,想佢有番啲壓力,因爲屋企已經好多人錫佢,想嚴啲,讀書辛苦可以鍛煉吓佢。」

楊千嬅虛脫激殘
丁子高不單細千嬅六年,而且常運動,身形弗爆,素顔樣皮膚緊緻水分充足,為電視台拍父親節特輯時他曾大爆:「千嬅做嚴母,我就係慈父,我負責同Torres玩。」
楊千嬅虛脫激殘
冇份催谷囝囝,有覺好瞓,又唔使去超市托日用品,梗靚仔啦!
楊千嬅虛脫激殘
千嬅曾為仔堅持不出埠拍戲、拍廣告賺外快,當年到緬甸作慈善探訪,同愛子分别了幾日,抵家即同囝囝頭貼頭傾訴相思。
楊千嬅虛脫激殘
千嬅與丈夫當年所看的育兒寶典,提到「激發天才潛能」的方法。
楊千嬅虛脫激殘
千嬅出名錫仔錫到燶,為抱仔搞到手部筋膜炎,一樣照抱唔捨得放手,阿仔一歲「大壽」,更豪花廿多萬包起五星級酒店ballroom爲他慶祝。

楊千嬅為子揀英基

到了今時今日,楊千嬅與丁子高的兒子丁進諾(Torres)最終入讀了英基屬下位於港島區的白普理小學(Bradbury School),有指楊千嬅是為了免囝囝Torres學習壓力太大,因而選擇報讀國際學校,而丁子高就認為國際學校的環境空間較大、設施較完備,故亦傾向國際學校,放棄為兒子報讀其母校、位於灣仔區12校網的資助男校聖若瑟小學。

楊千嬅虛脫激殘
現年8歲的Torres正就讀於英基白普理小學。
《東方新地》2013 年直擊楊千嬅大逛超市的畫面,至今仍廣為網絡流傳⋯⋯
《東方新地》2013 年直擊楊千嬅大逛超市的畫面,至今仍廣為網絡流傳⋯⋯

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地