撰文、圖片：東方新地

Mandy Lieu袋3億分手費遭流放英國避面阻阻

入宮夢碎的Mandy Lieu頓成棄婦，雖然戰敗仍有兩女一子做 愛的見證，有指洗米華豪擲3億分手費絕不待薄她，不過為免日後兩家人同處一地尷尬，Mandy Lieu要長駐英國，被流放海外。五年時間換來超過3億身家及3個仔女，Mandy Lieu點計都有得著。

生3個曾得寵高一線仍不敵正印Heidi

剃人頭者Mandy Lieu未等到有人剃其頭，已經被打入冷宮。曾 經意氣風發，拖住人夫周焯華（洗米華）在港現身，擺明向洗米嫂 Heidi宣戰的Mandy，當時她的高調小三行徑激怒了Heidi，更不惜 為洗米華生仔一心箍住對方。15年，Mandy與Heidi先後為洗米華生B，論得寵程度，Mandy的確高一線，不過即使洗米嫂一怒之下 提出離婚，洗米華都拒絕應承。

也許當時愛得轟烈，洗米華被Mandy迷得一陣陣，而曾被形容 為「最強小三」的Mandy誕下大女後，她以為自己勝券在握，愈戰愈 勇，可惜等了接近五年，Mandy發現洗米華不單沒有搞離婚手 續，反而積極挽救與洗米嫂的婚姻，因此經常為此與洗米華吵 架。

逼婚成分手導火線 5年情不再

有指洗米華習慣每月抽空到英國探望，但近年雙方關係已不再 甜蜜。據知情者透露：「洗米華最唔鍾意畀人威脅，次次飛去英國見Mandy都係鬧交收場，又點會開心？其實去年開始洗米華已經 減少咗去英國，今年年初Mandy終於忍唔住向洗米華要求結 婚，又話自己犧牲咁多幫佢生咗三個仔女，洗米華拒絕，呢一次 吵大鑊令雙方關係變得更差，最後更分手結束五年情，經雙方協 議下三個仔女交由女方撫養，洗米華會負責所有費用，同埋可以 隨時探仔女。不過分手都有條件，就係唔可以高調返香港，洗米 華始終要顧及正印Heidi一家嘅感受，所以Mandy要繼續喺英國生活。」

豪擲3億分手費 +英國5間公司封Mandy口

洗米華是個有擔帶的男人，對於Mandy與兩女一子日後的生 活，他絕對願意負責。據知洗米華以三億元做分手費作補償，並私下把英國名下五間公司轉贈給Mandy，業務分別涉及時裝、設 計、美髮及其他美容服務，還有食品或煙草零售行業。

另外洗米華之前曾大手送贈約9千多萬元的香港西半山珒然豪宅給Mandy，及後她蝕幾十萬元出售套現，保守估計Mandy現有幾億身家在手，感情投資錯誤留唔住洗米華，生活總算永遠有保障。

經典重溫(2017) ：Mandy Lieu 得戚晒肚 Heidi飛英箝洗米華

澳門賭業猛人洗米華 (周焯華)，2017年6月在夏威夷醉攬日模松岡李那令女方一夜爆紅成話題女王，卻為此激嬲留在英國湊一對仔女的 Mandy Lieu ，有指Mandy更嬲到帶仔女離家出走，攪到洗米華頻樸飛英國交人，更出動愛的紋身，才成功令Mandy順翻條氣。而洗米華更魄力驚人，氹完 Mandy Lieu仲即刻再會合洗米嫂，日前正印Heidi現身機場，陪在另一邊入閘的洗米華大女周梓潼飛英國讀書，攞正牌踩入 Mandy Lieu 地頭，身在英國的洗米華火速歸位陪正印兼做好爸爸。

Mandy Lieu 得戚晒肚 Heidi飛英箝洗米華

事先張揚會陪大女周梓潼飛英國升學的洗米嫂Heidi，本周二凌晨，由友人陪同現身機場，準備出發去英國陪大女開學！為免引起騷動，家人一早從另一邊入閘，見到記者時，洗米嫂笑晒口，被問到是否陪大女開學，洗米嫂答了一句「係呀！」還透露會逗留幾星期，但提到洗米華是否會在當地接佢時，趕住入閘的洗米嫂就有所保留說：「唔知啊！」

玩足一個月

雖然 Mandy Lieu 跟松岡李那隔空分別出招，亦無損正印Heidi地位，現正身在英國的洗米華，陪完Mandy校啱時間會合飛當地的洗米嫂及家人，「華哥一早答應老婆，會陪大女一齊開學，順便喺當地玩幾日！」一齊家庭樂！15年底同Mandy世紀一拖搞到洗米嫂心淡嗌離婚，但洗米爸唔想個仔離婚「搞散頭家」， 洗米華幾經辛苦，安排Mandy留英照顧一對仔女，禁足返香港同澳門，更在公司一個晚宴上公開表示周太只得一個，先令洗米嫂回心轉意唔離婚！

安撫Mandy將松岡降呢

周旋於正印Heidi同紅顏知己Mandy之間的洗米華，本來已經夠忙，但佢六月在夏威夷出席安以軒婚宴時，又因為攬住日模松岡李那跳辣舞片流出，女方又高調在lG大晒坐私人飛機出埠，事件爆出令Mandy即刻著晒火，火速出招撃退松岡搶米，有情有義的洗米華，即刻飛英國交人！有指 Mandy Lieu 嬲到帶著一對仔女離家出走，飛到英國的洗米華亦揾佢唔到，透過朋友亦唔知Mandy下落，唯有先返香港發聲明將松岡降呢「只係異性友人」來安撫Mandy !

似乎對Mandy Lieu愛到入晒肉的洗米華 ，為表對女友愛意，更在左手手臂內側，紋上「I will honor and love you forever」，意思係我會永遠尊重同愛你，下款MW，明眼人一睇就知分別代表「Mandy」和「Wah」縮寫，擺明俾足面Mandy，這次愛的行動夠晒浪漫，即時令Mandy怒氣全消「華哥平時咁cool ，今次肯為Mandy紋愛的紋身，作為女人點會唔冧！」洗米華友人說！

鬥晒身材

畀Mandy Lieu出招打殘，松岡繼續話知你，風騷晒水著玩倒立，晒身材又晒秘技，身材惹火的松岡，嚟一招胸壓池邊玻璃，睇到大家熱血沸騰，即使同一班姊妹游水，松岡亦毫不吝嗇大晒湯碗胸！至於同是Model出身，Mandy唔似松岡鍾意做高難度動作演嘢，隨便一件小背心，已經夠煞！而喺臨生第一胎前，Mandy就試過po出泳衣露背相，力證自己得天獨厚！

松岡無影

至於之前，有指八月同樣會飛英國出席時裝騷的松岡李那，就忽然no show，不過，她依然扮風騷喺lG大晒喺日本銀座逍遙嘆世界食好西的照片，攻華撻Q的她，亦唔放過機會不斷狂晒噴血水著，更加出埋秘技，一時玩倒立，一是做拱橋吸睛，不過明顯勝負已定！

全文完