中年好聲音2|71歲梅啟明認有參選 自爆面試唱《小李飛刀》憶梅姐痛哭
4個月前曾昏迷入院12日
TVB當時都有直播公開參加者們的海選面試片段,但原來亦有漏網之魚未有上鏡。今年3月因工傷入院一度昏迷要留醫12日的梅啟明,休養4個月之後終於行得走得,更親口向傳媒承認自己由朋友代為報名參加了《中年好聲音2》的面試。
![梅啟明 中年好聲音 梅艷芳|梅啟明入稟高院告《梅艷芳》侵權 梅媽罕有割席:佢財迷心竅!](https://imgs.orientalsunday.hk/wp-content/uploads/2021/12/10_769623746125c8e58d527-943x1024_127987238161aadf848d104-943x1024.jpeg)
憶起梅姐痛哭
梅啟明表示,自己當時曾考慮在面試中唱梅姐梅艷芳的金曲,但最後還是選唱了羅文的經典金曲《小李飛刀》,又透露演唱時因想起梅姐等往事唱到喊,相識多年的評判肥媽都有上前關心。
![梅啟明 中年好聲音 「躝癱」梅啟明激到梅媽入醫院兼出軌 太太Joey怒斥:係咪人嚟㗎!](https://imgs.orientalsunday.hk/wp-content/uploads/2021/12/4a_734a_aunt_p30-_44072107161ad8dc2d0764-997x1024.jpg)
《超級巨星》劉威煌回巢參加海選
憑《超級巨星1》入行嘅劉威煌於2014年正式離巢TVB,竟然回巢參加海選,唱側田《情歌》。雖然劉威煌都表現得幾有台風,不過可能太緊張,唱到甩曬嘴。劉威煌唱完都解釋指:「好緊張,堅緊張,雖然已經距離上次有一段好長嘅時間,但對住評判都係好緊張。」
![梅啟明 中年好聲音 中年好聲音2 劉威煌回巣參加海選,不過就唱到甩曬嘴。](https://imgs.orientalsunday.hk/wp-content/uploads/2023/07/2-1-13-8-screenshot_122925332064a12ab1d6d57.jpeg)
杜德智High爆出場 即場轉歌
杜德偉哥哥杜德智一出場就High到爆,瘋狂同三位評判吹水,仲興奮到即場轉唱《A Wonderful Day Like Today》,又唱又跳睇到三位評判加總經理曾志偉都好開心。杜德智唱完之後仲突然大叫:「哎呀唔記得除衫添,我細佬叫我一定要除衫!」
![梅啟明 中年好聲音 中年好聲音2 一出場就大搞氣氛,評判們都睇到好開心。](https://imgs.orientalsunday.hk/wp-content/uploads/2023/07/2-1-38-31-screenshot_174930953164a12ab6e39c4.jpeg)
新秀冠軍梁浩賢獲網民大讚超班
今年42歲的梁浩賢為2000年《新秀歌唱比賽》冠軍,今次以自己作品《含蓄》參賽,有睇直播嘅網民都大讚梁浩賢表現超班,不過肥媽就不太認同,仲叫梁浩賢要張開口唱歌。梁浩賢表示自唱片公司倒閉,多年來都浮浮沉沉,近年更轉行少有唱歌,直至去年見到TVB舉行《中年好聲音》先再鼓起勇氣參賽。
![梅啟明 中年好聲音 中年好聲音2 新秀冠軍梁浩賢今次參賽獲網民大讚。](https://imgs.orientalsunday.hk/wp-content/uploads/2023/07/2-1-24-23-screenshot_8313508264a12ab46ef7a.jpeg)
姚安娜又唱又跳被批老土
由藝人轉做塔羅師的姚安娜近年移居台中,琴日先喺台灣回港參賽。今次姚安娜以張國榮嘅《戀愛交叉》參賽,又跳又唱獲評判們大讚有心思,不過網民就狠批姚安娜歌喉同舞蹈都太老土。
![梅啟明 中年好聲音 中年好聲音2 姚安娜又唱又跳非常落力,不過就被網民狠批太老土。](https://imgs.orientalsunday.hk/wp-content/uploads/2023/07/2-1-27-27-screenshot_124586750164a12ab5b1f5b.jpeg)
資深排舞師林青峰又唱又跳超搶Fo
星級排舞師林青峰今日都有參賽,又唱又跳自己當年排舞嘅林憶蓮《傾斜》。林青峰雖然跳舞厲害,但唱歌就麻麻,仲畀肥媽話唔夠氣添。
![梅啟明 中年好聲音 中年好聲音2 林青峰絕對係今日最搶Fo嘅參賽者之一。](https://imgs.orientalsunday.hk/wp-content/uploads/2023/07/2-1-52-1-screenshot_199593720164a13210dbe16-1024x576.jpeg)
過氣𡃁模Naomi唱到走曬音
多年前曾經推出過寫真嘅過氣𡃁模Naomi馮鎵瀠今日都有參賽,大唱楊千嬅《野孩子》,不過就唱到走曬音,聽到伍仲衡都話:「音準方面,你真係要聽返自己,你有冇試過唱完自己聽返?要留意返個音準。」
![梅啟明 中年好聲音 中年好聲音2 多年前曾經推出過寫真嘅過氣𡃁模Naomi馮鎵瀠今日都有參賽,不過就唱到走曬音](https://imgs.orientalsunday.hk/wp-content/uploads/2023/07/2-2-7-15-screenshot_171412635264a132149fb88-1024x576.jpeg)
洪杰氣管出事表現失準
今年39歲洪杰當年參加《2007英皇新秀歌唱大賽》入行,曾經獲得多個新人獎。不過可惜今日選唱《你把我灌醉》嘅洪杰氣管有事,搞到表現失準!
![梅啟明 中年好聲音 中年好聲音2 洪杰一出場就話自己氣管有問題,希望評判們體諒。](https://imgs.orientalsunday.hk/wp-content/uploads/2023/07/_188228901664a1479756e72.jpeg)
https://www.youtube.com/watch?v=CoZhBUNIFco
《中年好聲音》總決賽嘉賓評判有三位巨星駕臨?
《中年好聲音》總決賽即將於4月23晚進行直播,不但主持陣容加馬,評審陣容方面,除了有四位固定評審外,還邀請到三位重量級樂壇前輩駕臨電視城⋯⋯按此10強參賽者背景懶人包
《中年好聲音夢想成真演唱會》售票優惠?
無綫宣布將會為優勝選手舉行《中年好聲音 夢想成真演唱會》,售票詳情及優惠請即看:演唱會售票詳情