梁詠琪 小薯茄
梁詠琪 小薯茄

梁詠琪上小薯茄重演《嚦咕嚦咕新年財》經典打牌場面 網民最想佢做呢件事!

影視娛樂

廣告

每到農曆新年,由梁詠琪和劉德華主演的2002年電影《嚦咕嚦咕新年財》,已經成為了每年必睇的經典賀歲片,近日梁詠琪上人氣YouTube頻道小薯茄做嘉賓,重演了《嚦咕嚦咕新年財》中的經典打牌場面!

梁詠琪 小薯茄 梁詠琪 每到農曆新年TVB都會重播《嚦咕嚦咕新年財》。
每到農曆新年TVB都會重播《嚦咕嚦咕新年財》,今年應該都唔例外。(圖片來源:《嚦咕嚦咕新年財》劇照)
梁詠琪 小薯茄 梁詠琪 2017年Gigi分享過電視重播的畫面,仲話「每年都見到自己係電視打麻將,其實我戒咗打牌好耐啦!」
2017年Gigi分享過電視重播的畫面,仲話「每年都見到自己係電視打麻將,其實我戒咗打牌好耐啦!」(圖片來源:GiGiLeung@facebook)
梁詠琪 小薯茄 小薯茄X梁詠琪的影片吸引了超過26萬人觀看。
小薯茄X梁詠琪的影片吸引了超過26萬人觀看。(圖片來源:YouTube@Pomato 小薯茄)

梁詠琪出動「奶奶」打牌

雖然已經過了超過20年,但由杜棋峰及韋家輝執導,集劉德華、劉青雲、古天樂、梁詠琪等多位紅星主演的《嚦咕嚦咕新年財》,仍被譽為千禧年後的最佳賀歲片,近日梁詠琪上小薯茄拍攝的短片,就以片中金句「牌品好人品自然好」為題,重演了《嚦咕嚦咕新年財》中的經典打牌場面,仲連「奶奶」都出動埋!

梁詠琪 小薯茄 梁詠琪 賀歲片
《嚦咕嚦咕新年財》中黃文慧飾演劉德華母親、梁詠琪的奶奶,兩人經常上演新抱奶奶大鬥法。(圖片來源:《嚦咕嚦咕新年財》劇照)
梁詠琪 小薯茄 梁詠琪在《嚦咕嚦咕新年財》的演出比較誇張。
梁詠琪在《嚦咕嚦咕新年財》有不少搞笑演出。(圖片來源:《嚦咕嚦咕新年財》截圖)

細數打麻雀必定遇到的人:

今次小薯茄的影片以「牌品好人品自然好」為題,細數「打麻雀必定遇到的人」,搵埋梁詠琪一齊扮演包括有一路打牌一路掛住睇手機的人、口水佬、金句王、扮新手的人、割禾青的人、鍾意講古的「麻雀博士」、愛甩牌的人、摸牌勁慢的「站長」、迷信的人,如有雷同,請自己對號入座!

梁詠琪 小薯茄 梁詠琪 梁詠琪扮一路打牌一路掛住睇手機嘅人,見到A5和牛立即話要食,搞到其他人以佢要食糊!
梁詠琪扮一路打牌一路掛住睇手機嘅人,見到A5和牛立即話要食,搞到其他人以佢要食糊!(圖片來源:YouTube@Pomato 小薯茄)
梁詠琪 小薯茄 梁詠琪 又扮唔識打牌嘅新手,淨係識食糊。
梁詠琪又扮唔識打牌嘅新手,淨係識食糊。(圖片來源:YouTube@Pomato 小薯茄)
梁詠琪 小薯茄 梁詠琪 仲好嫌棄愛甩牌嘅程仁富,甩到隻隻牌都係佢嘅手汗!
梁詠琪仲好嫌棄愛甩牌嘅程仁富,甩到隻隻牌都係佢嘅手汗!(圖片來源:YouTube@Pomato 小薯茄)

梁詠琪再演兇狠「新抱」

數到最後一類人,竟然係「奶奶」!由阿J化身的「奶奶」,化厚妝兼戴眼鏡和假髮,而阿冰則扮「新抱」,與阿J重演《嚦咕嚦咕新年財》中的新抱、奶奶關於「諸」牌和「鬆」牌的鬥法場面,演完後阿冰立即追問梁詠琪佢演得似唔似?梁詠琪就答佢:「都似,不過如果可以咁樣就仲似。」之後更即場示範兇狠表情, 一路洗牌一路話要同「奶奶」死過!

梁詠琪 小薯茄 梁詠琪 阿J化厚妝兼戴假髮化身「奶奶」。
阿J化厚妝兼戴假髮化身「奶奶」。(圖片來源:YouTube@Pomato 小薯茄)
梁詠琪 小薯茄 梁詠琪 梁詠琪示範叫一聲「奶奶」,充滿氣勢!
梁詠琪示範叫一聲「奶奶」,充滿氣勢!(圖片來源:YouTube@Pomato 小薯茄)
梁詠琪 小薯茄 梁詠琪 仲話要同「奶奶」死過!
梁詠琪仲話要同「奶奶」死過!(圖片來源:YouTube@Pomato 小薯茄)

梁詠琪玩埋「雪櫃冷笑話」

影牌結尾梁詠琪講到自己食過最大的牌,真的是「嚦咕嚦咕」,而且係自摸!在小薯茄的IG又見到梁詠琪玩埋「雪櫃冷笑話」,片段中她問阿冰:「我哋邊一個家庭成員,係最玩得嘅呢?」跟住她就公開答案係:「爸爸!因為:盡情愚弄我『爸』~」面對呢個冷笑話,阿冰似乎笑得好勉強,童童更只係畀得1分!

梁詠琪 小薯茄 梁詠琪 今次「雪櫃冷笑話」由阿冰做主持招呼梁詠琪,係因為佢曾經喺《反起跑線聯盟》演過梁詠琪年輕版!
今次「雪櫃冷笑話」由阿冰做主持招呼梁詠琪,係因為佢曾經喺《反起跑線聯盟》演過梁詠琪年輕版!(圖片來源:IG@pomatohk)
梁詠琪 小薯茄 梁詠琪 古天樂都講過自己係「雪櫃冷笑話」觀眾,宣傳《明日戰記》而現身,當然無難度!
古天樂都講過自己係「雪櫃冷笑話」觀眾,宣傳《明日戰記》而現身,當然無難度!(圖片來源:小薯茄)
梁詠琪 小薯茄 梁詠琪 鄭伊健為了宣傳《深宵閃避球》和演唱會,都有現身雪櫃冷笑話!
鄭伊健為了宣傳《深宵閃避球》和演唱會,都有現身雪櫃冷笑話!(圖片來源:小薯茄)

網民:冇反枱唔夠還原

網民紛紛大讚:「Gigi真係2x年不變樣」、「經過咁多年,呢套嘢嘅金口真係入晒腦,簡直就係經典」、「真係好有回憶嘅感覺」、「如果搵埋黃文慧上嚟演奶奶就perfect」等等,更有不少網民話最想睇到梁詠琪表演「反枱」,表示「冇反枱唔夠還原」!

梁詠琪 小薯茄 梁詠琪 網民話想睇到梁詠琪反枱。
網民話想睇到梁詠琪反枱。(圖片來源:YouTube@Pomato 小薯茄)
梁詠琪 小薯茄 梁詠琪 除咗梁詠琪之外,片中阿冰換了多個造型,包括著古裝講「滾開」,令網民笑爆。
除咗梁詠琪之外,片中阿冰換了多個造型,包括著古裝講「滾開」,令網民笑爆。(圖片來源:YouTube@Pomato 小薯茄)
梁詠琪 小薯茄 梁詠琪 仲扮埋「站長」!
仲扮埋「站長」!(圖片來源:YouTube@Pomato 小薯茄)

即睇 小薯茄 X 梁詠琪 【嚦咕嚦咕】打麻雀:

「人品好自然牌品好!」節錄自《嚦咕嚦咕新年財》劉德華

來自「麻雀大俠」嘅呢句,最主要是告訴大家打麻雀應有的態度,始終朋友間都是以耍樂為主,正如劉德華在電影中的另一句「爛牌有爛牌嘅打法」,再搭多句「有時贏錢未必開心嘅」,態度正確,真真正正體現出麻雀鬥智鬥力嘅真締!

梁詠琪 小薯茄 梁詠琪
(圖片來源:《嚦咕嚦咕新年財》截圖)

「麻雀回來必有因!」節錄自《嚦咕嚦咕新年財》劉德華

學完打牌應有的態度,當然不少得學識摸爛牌兼同一隻打出又再摸回來的自我安慰說話,心情好咯,手風自然會更加得心應手啦!

梁詠琪 小薯茄 梁詠琪 即學十大麻雀題材電影金句 除咗「人品好自然牌品好」 你仲識幾多?
(圖片來源:《嚦咕嚦咕新年財》截圖)

「咩都冇做過就有錢收,你話打牌幾無謂呢!」節錄自《嚦咕嚦咕新年財》古天樂

雖然古天樂呢句嘅「設定」是他本身討厭打麻雀,但有時朋友之間聯誼,講句招積嘅說話攞個彩都無妨呀!

梁詠琪 小薯茄 梁詠琪 即學十大麻雀題材電影金句 除咗「人品好自然牌品好」 你仲識幾多?
(圖片來源:《嚦咕嚦咕新年財》截圖)

梁詠琪《時間遇上我們》演唱會

日期:2023年2月17-18日
時間:8:15pm
地點:紅磡香港體育館
票價:$880;$580;$380

梁詠琪 小薯茄 梁詠琪
(圖片來源:官方提供)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:《嚦咕嚦咕新年財》劇照及截圖、YouTube@Pomato 小薯茄、IG@pomatohk資料或影片來源:原文刊於東方新地