梁西童緊貼日本流行「乳首散步」　撐「真空」出街冇問題：唔需要理人

梁西童力撐女性穿衣自由 自覺「真空」冇問題！

KOL梁西童一向出名衣著大膽，不時都會在IG上大派福利，將自己的好身材都展露出來，一啲都唔孤寒！而早前參加ViuTV的《尾二一屆口罩小姐》更以「聞西」出戰，最後更獲得冠軍的殊榮，能力有目共睹啊！

「無罩風潮」吹襲香港

而最近日本開始流行「乳首散步」的文化，即鼓勵女性去解放上圍，就算「真空出街」都不是問題。唔少網紅KOL都有響應活動。就連台灣KOL蕾菈都有發布一則影片是關於「一週不穿內衣挑戰」，藉此去鼓勵女性應該有相當於男性的「穿衣自由」。該風氣亦開始慢慢吹襲香港，就如早前大熱的瑜伽褲風潮一樣。

西童直言：唔覺女性唔戴Bra係一個問題

西童在出席一個活動時，被問道關於正吹襲香港的「女性無罩Style」，她就直言：「其實我個人比較歐美化，我唔覺得女性唔戴Bra係一個問題。因為喺外國好多地方嘅女性，佢哋出街嘅時候都會唔戴Bra，例如早兩日我喺日本嘅時候，見到啲外國人行街嘅時候都冇戴，反而我作為女仔，我係會欣賞佢嘅胸型幾靚。咁所以我作為女性會覺得，鍾意着乜咪着乜囉，真係唔需要人哋點睇，只要你唔傷害到別人，同太過份，我就覺得都可以去接受。」，西童亦認為該女性應該有自主權去選擇如何穿衣，是一種個人選擇。

自己都會唔戴Bra？

受訪時西童再被問道有否試過唔戴Bra出街，她就表示因為外國人的接受程度較高並不會投以奇怪眼光，所以自己在外國時會穿著得少布一些。而自己在冬天沒有人見到的情況底下，亦都會選擇唔戴Bra，因為沒有人會見到！

被揭同「中年阿叔」公幹 親自回應公開阿叔身份

網紅「西童」梁茜童在爆冷奪得ViuTV《尾二一屆口罩小姐選舉》冠軍後，並無好似上屆口罩小姐冠軍「浩南」鄭伊琪一樣簽入ViuTV發展，反而係衝出香港，去到新加坡同馬來西亞，不過就被眼利的網民發現西童係同一位「中年阿叔」去公幹，引起網上熱討，對此西童選擇親自回應，仲公開埋阿叔的真正身份！

西童同「中年阿叔」去公幹 網民：阿叔點忍？

西童今次公幹除咗大騷與偶像DJ Soda合照打碟，仲時不時分享下福利圖，有眼利網民就發現佢tag咗一位男士，原來就係同佢一齊去公幹的同伴，被網民翻出IG照片形容為「中年阿叔」！不過據西童對傳媒透露，這位被網民形容為「中年阿叔」的男士，其實是她的DJ師傅兼經理人，而今次的公幹是出去見識一下其他知名DJ，而且間Club仲包晒基本衣食住行，好過返電視台咁話！

西童強調：唔係去賣身

西童向傳媒強調今次的行程並非去賣身，而是好似特訓DJ團一樣，有機會見識到世界級網紅和DJ有幾認真工作及經營自己的事業，令她覺得自己要更加努力工作和學習。她又笑指網民所講的「中年阿叔」，個樣好似荒失失奇兵入面傻傻嗰隻企鵝，肥咗之後更有啲似minions！西童又特別為「阿叔」平反，指他雖然經常戴帽，但其實係有頭髮嘅，並非「光頭阿叔」！不過網上就有網民疑似爆料指：「跟親昵條呀叔D女都無運行，重痴埋去以為自己做明星，發明星夢！」

一齊睇吓阿叔視點西童靚相：

重溫西童鬧爆傳媒

西童獲選《尾二一屆口罩小姐選舉總決賽》後網上被劣評如潮，被抨擊樣唔夠靚同cheap等等，不過西童心臟強大，日前接受傳媒專訪時，講明口罩小姐重內涵非外表，仲直斥傳媒助長歪風引致她一直被抨擊。

一張grad din相傳足7年

2015年西於社交平台貼出謝師宴相片，繼而於討論區瘋傳自此成名，每逢討論區有關於謝師宴的帖文，「西童grad din」keywords，她的相自會出現，西童順理成章進軍網紅界，以爆乳上圍作賣點，今次化身「聞西」參選口罩小姐，旋即被認出是7年前的grad din西童，自言無諗過拎冠軍的她，接受傳媒訪問時剖白指奪冠驚多過喜，認為實俾網民鬧爆，果然不出她所料，奪冠同時亦受盡網民抨擊，網民留言狂插：「其實決賽果12位大部分都靚過冠軍果位」、「爆冷到咁… 佢個樣有啲似蜥蝪」、「其實係咪男人扮？ 真係好驚喜呀！」、「由頭HEA到尾都保送到攞冠軍… 癲到呢」等等，連一句支持都冇，可見觀眾緣欠奉。

西童自言由細被插大冇有怕

西童認為大多網民攻擊其外表，而冇人在乎過她付出的努力，甚至怪責傳媒助長歪風先令人腹背受敵，她覺得選口罩小姐唔係剩係靠樣，但傳媒一直用她去引戰，風氣令她覺得很差，例如有些標題是指她奪冠網民嬲爆，但她覺得傳媒該冠以正能量，而非插埋一份，西童亦自言從大學開始已被網民熱討，就算做空姐時都一直有人鬧她是「雞」唔正派等等，她覺得大部份人以著得性感、胸大就係雞呢個諗法去定義女性，對於被鬧是「雞」都冇感覺，因為唔係事實。