林盛斌Bob變林盛「賓」 追月夜一王八后笑呵呵

影視娛樂

廣告

林盛斌Bob多仔公生極都有,和太太育有三女一子,一家六口幸福無比!林盛斌Bob由電台 DJ 到電視主持、由參演電視劇到做埋電影男主角、由活動婚禮司儀到自己做埋製作、經理人公司老闆,四十歲嘅Bob 林盛斌瓣數多多,疫市下依然吸金力驚人,家住九龍塘四層獨立屋,農曆八月十六中秋追月夜,Bob這位好僱主讓家人外傭姐姐招呼一班同鄕好姊妹入屋相敍,林盛斌Bob趁機會「一王八后」,被網民笑他要改名林盛「賓」且大讚他絕是是良心僱主!

原文刊於《東方新地》

林盛斌Bob晒八星伴月 老婆無影

林盛斌Bob昨晚在社交網po出一張與一班外傭的合照,相中可見Bob負責揸機自拍,背後有八位外傭在偏廳開P,估計是其兩位外傭獲Bob批准,招呼朋友到家中聚會,網民見狀大讚Bob為僱主榜樣、良心僱主,而林盛斌Bob鬼馬留言謂:「今晚約咗班女追月,佢哋諗住下場去唱K,有冇人想join?」繼續搞鬼。

Bob晒出與八外僱自拍,被網民笑他該改名林盛「賓」!
Bob晒出與八外僱自拍,被網民笑他該改名林盛「賓」!

林盛斌Bob「大過地球」四層巨宅曝光

07年結婚,婚後生完又生如今家有三女一子,係搵到所以唔怕生多啲養多幾個,定係生得多所以搵食動力都高過人,咩原因都好,總之個結果就係搵到亦都享受得起! 15年由太子道900呎舊居搬去加多利山三千呎豪宅,去年初被逼遷後更上一層樓,入住九龍塘四層獨立屋,地方更闊落設備更齊全,用經常上門作客嘅老友農夫成員 C 君嘅說話去形容,Bob 屋企「 大過地球 」咁話喎!

07年同老婆黃乙頤結婚,Bob 捱得、老婆都生得亦好學肯做幫到手搵食,如今林家三女一子出親街都浩浩蕩蕩。拜年張全家大合照,留意番玄關雙門高樓底設計,甚具豪宅大戶風範。
07年同老婆黃乙頤結婚,Bob 捱得、老婆都生得亦好學肯做幫到手搵食,如今林家三女一子出親街都浩浩蕩蕩。拜年張全家大合照,留意番玄關雙門高樓底設計,甚具豪宅大戶風範。
人緣好屋企又大,林宅經常被圈中朋友及兒女同學仔用作開 P 飯敍基地,老友翠如生日都係喺度慶祝。
人緣好屋企又大,林宅經常被圈中朋友及兒女同學仔用作開 P 飯敍基地,老友翠如生日都係喺度慶祝。
林太精打細算持家有道,L形大梳化由加多利山舊屋搬去九龍塘新居繼續用,客廳大到放到巨型大梳化之餘仲有座按摩椅,依然大把位剩,一家大細一齊做運動都冇問題。
林太精打細算持家有道,L形大梳化由加多利山舊屋搬去九龍塘新居繼續用,客廳大到放到巨型大梳化之餘仲有座按摩椅,依然大把位剩,一家大細一齊做運動都冇問題。

平時早出晚歸四出奔波搵錢養家,疫情打擊下被迫放緩工作步伐,Bob 難得多咗時間留喺屋企湊吓仔女享受吓家庭樂,分享多咗同仔女玩樂學習日常相片,「 大過地球 」豪宅間隔亦都因此逐格曝光,飯枱大到加埋轉盤開到一圍十二人酒席、偏廳可以改裝成遊戲廳闊落過 playgroup、花園有假山有噴水池大到可以開到poolside燒烤派對、房多到四個仔女可以有個專屬學習房兼圖書館,一家六口加埋三個工人姐姐都夠住仲綽綽有餘,睇怕 Bob再追多幾個都仲得!

最低層係客廳遊戲間,中層係飯廳廚房,再上就係兒女學習間同林太工作間,門外還有落地大 locker 四兄弟姊妹一人一個。
最低層係客廳遊戲間,中層係飯廳廚房,再上就係兒女學習間同林太工作間,門外還有落地大 locker 四兄弟姊妹一人一個。
大家族兄弟姊妹多嘅好處,就係居家防疫都有玩伴,加埋屋企夠大,想點玩都得。
大家族兄弟姊妹多嘅好處,就係居家防疫都有玩伴,加埋屋企夠大,想點玩都得。
電視廳背後,可見巨型偏廳早被林太改裝成四兄弟姊妹嘅遊樂廳。呢期最受媽媽歡迎嘅加厚絨面防撞墊,最大 size 林家可以放夠兩塊,沿牆邊井然有序擺滿仔女玩具。
電視廳背後,可見巨型偏廳早被林太改裝成四兄弟姊妹嘅遊樂廳。呢期最受媽媽歡迎嘅加厚絨面防撞墊,最大 size 林家可以放夠兩塊,沿牆邊井然有序擺滿仔女玩具。
Bob 嫂持家有道更緊張四個仔女學習成績,新屋有大大間學習房,一人一張書枱以外,仲有落地大書櫃分類整齊放好參考書。
Bob 嫂持家有道更緊張四個仔女學習成績,新屋有大大間學習房,一人一張書枱以外,仲有落地大書櫃分類整齊放好參考書。
好生養又相夫教子之外,Bob 嫂亦考埋各種牌照,近期仲幫人睇埋風水,好學又識幫輕Bob負擔嘅佢喺屋企都有專屬辦公室,仲大到可以招呼同事開會。
好生養又相夫教子之外,Bob 嫂亦考埋各種牌照,近期仲幫人睇埋風水,好學又識幫輕Bob負擔嘅佢喺屋企都有專屬辦公室,仲大到可以招呼同事開會。
市中心豪宅地段都可以有大型私家花園亦係新屋賣點,有假山有水池仲可以擺到裝得落 Bob 同四個仔女嘅超大型吹氣泳池之餘,仲有位剩可以招呼朋友 BBQ。
市中心豪宅地段都可以有大型私家花園亦係新屋賣點,有假山有水池仲可以擺到裝得落 Bob 同四個仔女嘅超大型吹氣泳池之餘,仲有位剩可以招呼朋友 BBQ。
地方咁大,Bob 足不出戶坐埋廚房一角,都可以拍番條客戶片賺吓零用錢,仲拉埋細女齊齊整三文治卷當親子活動。
地方咁大,Bob 足不出戶坐埋廚房一角,都可以拍番條客戶片賺吓零用錢,仲拉埋細女齊齊整三文治卷當親子活動。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地