林珊珊爆鄭伊健拒為「700萬一日戲」片酬動心 揭不再拍內地綜藝2大原因

鄭伊健拒拍《古惑仔》重啟 堅持品質不為700萬動心

在4月30日播出的《文雋 講呢啲 講嗰啲》最新一集中，文雋回顧約九年前一宗內地投資項目，欲重聚《古惑仔》原班人馬拍攝新電影，由鄭伊健好友錢國偉（Wilson）執導。文雋受邀協助聯繫鄭伊健，最初開出500萬片酬，卻遭拒絕。投資方隨後加碼至700萬，且僅需拍攝一天，但鄭伊健依然不為所動。文雋表示：「伊健好聰明，後來此片出來，一如他所料，是不太合乎水準（製作）。」

林珊珊補充，鄭伊健與錢國偉私交甚篤，但當錢國偉首次邀請他演出時，鄭伊健已明確表示不喜歡劇本故事。她說：「他知道做導演是Wilson心願，伊健叫Wilson再諗第二個故仔，或者我哋一齊再諗再搵投資者。」

文雋補充指即不要再拍類似《古惑仔》題材影片。林珊珊強調：「類似呢個意思，好堅決、好清晰。」文雋總結，鄭伊健並非單純為金錢驅動的人，顯示其對作品品質的堅持。

網民：推一單一日$700萬嘅job係咩概念

網民不禁問道：「推一單一日$700萬嘅job係咩概念？」其他網友留言：「好在佢無出演嗰套「熱血燃燒」」、「應該鄭伊健一開頭聽到個劇本已經知出事，所以堅持唔拍」

林珊珊力讚鄭伊健「好少可咁純品嘅男仔」

林珊珊回憶，90年代她在唱片公司國際音樂部門工作時，得知本地音樂部旗下藝人鄭伊健的唱片銷量不俗，雖然當時他的歌曲未算大紅，但已引起她的興趣。後來在公司偶遇鄭伊健，林珊珊形容他「好少可咁純品嘅男仔」，與其他男歌手截然不同，且充滿潛力。林珊珊亦直言認為「有得做」，並主動向上司提出為鄭伊健主理新唱片。後來，鄭伊健與TVB約滿，正式邀請林珊珊擔任其經理人，並開啟長達30年嘅合作。

鄭伊健不再拍內地綜藝2大原因曝光

近年唔少香港藝人北上發展，《古惑仔》系列的謝天華、林曉峰、陳小春等都積極參與內地綜藝，成為「大灣仔」，不過鄭伊健就甚少北上吸金。文雋在節目中提到：「呢十年八年，佢（鄭伊健）話唔去大灣區就唔去大灣區，同顏色無關，唔係任何理由，就只係佢唔鍾意」。

林珊珊大爆鄭伊健唔參與內地綜藝嘅兩大原因：「第一，我哋喺內地發展係早過好多好多藝人之前。第二，大灣區個case，因為好多時候，佢哋邀請嘅大部份係做綜藝。綜藝係佢（伊健）最弱一環。」林珊珊隨後表示鄭伊健拍過內地綜藝後，覺得自己唔鍾意做呢樣嘢：「佢根本唔可以接受到有個camera跟實，或者有個camera瞓緊覺都要拍。佢根本都唔喜歡做呢樣嘢，唔喜歡又點解要做呢？」

鄭伊健自知交唔到功課畀製作組

林珊珊透露，鄭伊健多年前曾與陳小春一同參與內地綜藝，經歷上山下海的挑戰，不過最終都係感到唔適應。她指，鄭伊健自知難以「交功課」畀製作組，導致自己與製作團隊都唔開心：「成件事都唔開心，佢就會問『珊珊，我地係咪好等錢使呀？』，我通常會話『OK頂得住』，咁佢就會話『頂得住就唔接啦』」。