林日曦 電視台高層
林日曦 電視台高層

林日曦自爆遭「某電視台」高層封殺 預留檔期拍真人show臨門遭飛起

影視娛樂

廣告

林日曦離開100毛之後,專心個人演出事業,除了自己嘅舞台劇《大初戀日》,原來仲有電視台邀請拍攝真人show,不過佢喺星期一下午忽然自爆,本來hold起檔期4個月準備演出真人騷,卻突被「某電視台」飛起⋯⋯

林日曦:現實比較冷血,我錯付了熱情

林日曦近期忙於一連廿多場的舞台劇《大初戀日》,但今日(6月7日)喺社交平台透露,自己因為被「某電視台」突然飛出真人騷,撰寫長文說明來龍去脈,並強調「不是控訴」只是「有啲唔開心」,期望出Post圍爐抒發心情。

林日曦憶述,某電視台有一個節目邀請他在7至10月預留檔期,拍攝並演出15集嘅全新真人show,對方表明除咗拍攝時間外,仲要林日曦花大量私人時間,作出某些練習,林日曦自言「那是我從前很喜歡但放低了很長時間的項目」,所以一口答應,認為成件事對於佢嚟講非常熱血。

林日曦 電視台高層 真人show plt 林日曦早前以嘉賓身份現身《爆谷一周》,還被谷德昭力邀自彈自唱。
林日曦早前以嘉賓身份現身《爆谷一周》,還被谷德昭力邀自彈自唱。(圖片來源:ViuTV《爆谷一周》截圖)

預留四個月檔期 臨門被飛起

本身林日曦打算完成舞台劇後,去外地旅行,但因為太喜歡呢個「真人騷」嘅題材,佢再三同節目組確認拍攝邀請,就更改自己嘅計劃,預留時間,打算盡力配合劇組;但最後劇組通知林日曦,節目會繼續拍,但參與者就唔係佢,原因係「剛剛他們跟我說,高層唔ok我」。

林日曦 電視台高層 真人show plt 「剛剛他們跟我說,高層唔ok我」
「剛剛他們跟我說,高層唔ok我」(圖片來源:ViuTV《爆谷一周》截圖)

答謝工作人員邀請 講明「到時唔會睇」

林日曦在長文中自述心情,強調唔係投訴:「當然,合約又未簽,在理,佢哋完全冇錯。我當然唔係投訴,我又唔係好忙嗰啲人,再改返自己啲行程都冇幾難,冇幾巴閉。」他又說,明白電視台有自己嘅政策同考慮、工作人員都係磨心,「我只係仰天慨嘆一下啫,應該可以啩。其實我最失望嘅,唔係我改晒啲時間嚟就佢哋,而係我好鍾意依個idea,真係覺得好熱血,可惜現實比較冷血,我錯付了熱情。」最後林日曦多謝電視台工作人員同佢一齊熱血過,希望佢哋拍攝成功,但為怕勾起傷心事,「但到時我唔會睇了」。

林日曦 電視台高層 真人show plt 林日曦在《爆谷一周》與谷德昭分享從前輩俞琤身上學到「永遠唔收貨」的創作態度。
林日曦在《爆谷一周》與谷德昭分享從前輩俞琤身上學到「永遠唔收貨」的創作態度。(圖片來源:ViuTV《爆谷一周》截圖)

網民踴躍回應 紛紛競猜係邊個台?!

林日曦的文章得到不少網民留言安慰,亦有圈中人激動回應,杜汶澤留言「比個名我」得到近三千讚好,田蕊妮亦安慰:「U r not alone啦。」李綺雯就直接提議「我哋一齊度個真人show啦不如」。有網民就指真人show節目類,加上TVB不會請他所以猜是ViuTV,但另有網民指出林日曦剛剛才上了《爆谷一周》,好像不會是ViuTV,不過林日曦在《爆谷一周》只是1小時嘉賓,和15集真人show好像又不能相提並論。

林日曦蔣麗芸2016年應ViuTV邀請遊首爾

2016年林日曦曾跟時任建制議員蔣麗芸一同拍攝《跟住矛盾去旅行》,二人的首爾之旅,林日曦發起「絕不對話」實驗,拒絕與蔣麗芸對話,兩人溝通都靠工作人員傳達,火藥味十足!

林日曦 電視台高層 真人show plt viu_seoul00
(圖片來源:《跟住矛盾去旅行》截圖)

當時被稱「廢青集中營」《100毛》領袖林日曦VS 建制派議員蔣麗芸。林曾於電台節目憑歌寄意,點唱一首《話你戇X怕你嬲》送贈蔣,旗下刊物更經常將蔣麗芸惡搞。二人從未見面,首次相見,蔣議員抱住居高臨下「同後生仔交流溝通」的態度;林日曦就堅持係一場「工幹」以及「社會實驗」;可能大家都去過首爾好幾次,節目帶畀大家嘅韓國旅遊體驗,其實都幾另類:

【01 】| 布帳馬車포장마차 韓燒訪問偽韓妹真港女

蔣議員因為要閱兵遲join,腦細先同幾個身在首爾工作假期的女生食宵夜,氣氛十分融洽。

林日曦 電視台高層 真人show plt viu03_09
(圖片來源:《跟住矛盾去旅行》截圖)
林日曦 電視台高層 真人show plt viu_seoul01
腦細先同幾個身在首爾工作假期的女生食宵夜,氣氛十分融洽。(圖片來源:《跟住矛盾去旅行》截圖)

【02】| 正式會面,拒絕對話實驗啟動

作為一個不按常規嘅「腦細」林日曦堅持唔同蔣麗芸對話,認為是一個社會實驗,「透過中間人傳譯,可以免除好多語氣、身份、地位等等不必要的顧慮」,嘗試將人與人的傳訊方式完全「淨化」,不過似乎連駐韓的香港翻譯小姐都唔係好了解用意所在。

林日曦 電視台高層 真人show plt viu_translate02
蔣議員就更加表示不能理解,嘗試衝前同林日曦打招呼,不過「腦細」立刻保持拒離並呼召翻譯做中間人。(圖片來源:《跟住矛盾去旅行》截圖)

最後因為蔣議員又搬出「我好願意同後生仔溝通」的套路,聽到林日曦頭都側埋,即時走人!並要求分開車前往下一個景點。 林日曦 電視台高層 真人show plt viu_translate01

【03】| 上影樓!影韓式見工相

去到影樓,考慮到工作人員都好難做,林日曦罕有妥協同場及合照,化晒妝影見工相,不過對於「影樓執相」執到唔似自己就有好強烈意見,建議攝影師幫佢揀影到反眼的證件相,認為咁樣先係「真正嘅自己」。

林日曦 電視台高層 真人show plt viu0305
齊齊合照時依然不情不願,林日曦愛黑面絕非浪得虛名!
林日曦 電視台高層 真人show plt viu_seoul03
幕後人員終於安排到兩位同場坐埋一齊,不過訪問過程依然係零交流,各有各說話,分享一下對於求職相片嘅睇法…

【04】|認識韓國「廢青中心」乒乓球場炒大鑊

林日曦在節目播出時同步於facebook live直播,並表示其實「花生位」唔多,預告在下集節目入面,會在乒乓球場遭蔣議員「狂噴」,似乎實驗都有一個限度,在呢一幕之後,行程基本上就要分開拍攝,負責翻譯的小姐還要兩邊走,據她的說法,今次節目係編導「忍辱負眾到極點的作品」!

林日曦 電視台高層 真人show plt viu_youthCenter
拍攝地點是韓國 Youth Center 青年地帶

【05】|一人卡啦OK房,秀唱歌練習場

行程繼續分開玩,各有各唱 1 人 k 房,節目內更會互贈有骨歌詞!

林日曦 電視台高層 真人show plt viu0302

【06】|教脫北者英文組織 – TNKR

脫北者如何面向國際社會?節目會介紹呢個義工機構,蔣議員對於林日曦友善同當地人交流表示,一臉不屑: 林日曦 電視台高層 真人show plt viu_seoul201

地址:首爾特別市永登浦區國會大路66街17, 805室(서울특별시 영등포구 국회대로66길 17, 805호)

【07】|到訪由脫北者經營的餐廳

北店主李愛蘭為解決脫北者就業難,親自向脫北婦女傳授廚藝,而收入亦會用作支援脫北者生活及為脫北大學生提供獎學金,愛心料理美味窩心!
林日曦 電視台高層 真人show plt viu_krn

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
林日曦
撰文:東方新地圖片來源:林日曦@IG資料或影片來源:原文刊於東方新地