林文龍開「亞視神劇」斟猛人開荒 郭可盈搵戚其義省招牌撼無綫

影視娛樂

廣告

從事幕前三十多年的林文龍,年初升任亞視副總裁一職,之前幫無綫拍攝的劇集《那些我愛過的人》近日又熱播,無綫、亞視兩邊走,不過敵友兩難存,為幕前「暫別作」宣傳完,林文龍亦火速歸位,瞓身幫亞視埋班革新,招兵買馬半年終於成形,更得賢內助郭可盈相助,成功拉攏曾在無綫拍過不少神劇,如《金枝慾孽》、《創世紀》、《珠光寶氣》等金牌監製戚其義出山,今年將開拍兩部劇集及製作綜藝節目,頭炮是預計九月開拍的時裝愛情劇,戚其義更力斟重量級愛將鄧萃雯、林保怡及鄧麗欣開荒,金漆陣容聯手炮製神劇撼無綫!

原文刊於《東方新地》

林文龍暫別幕前演出密鑼緊鼓埋班改革亞視

一個人要兼顧多重身份一啲都唔容易, 現年52歲的林文龍,除了是資深演員,更是好老公及好爸爸,在熱播中的劇集《那些我愛過的人》深情演出連老婆郭可盈都力讚,他亦頻密為無綫宣傳,不過貴為亞視副總裁的他,另一方面,亦密鑼緊鼓埋班改革亞視!

雖然做咗亞視副總裁,不過林文龍近日亦頻密為劇集《那些我愛過的人》做宣傳,同無綫關係友好。該劇更成為他暫別幕前的作品。
雖然做咗亞視副總裁,不過林文龍近日亦頻密為劇集《那些我愛過的人》做宣傳,同無綫關係友好。該劇更成為他暫別幕前的作品。

從未做過管理層工作的林文龍,上任後要掌管公司營運以及策劃一切製作,是一項大挑戰,為打好CEO這份工,林文龍更推掉所有幕前演出,劇集《那些我愛過的人》其實是18年拍下的作品,更成為他離開幕前的「暫別作」。據知情者透露:「接受賴彩雲(亞洲電視控股非執行董事兼聯席主席)邀請上任亞視副總裁工作,文龍都考慮咗一段時間,佢未做過管理層,覺得係好大挑戰,不過接受咗呢項任務,佢亦好瞓身,之前傾緊唔少幕前演出都即刻推晒,唔想兩頭唔到岸,佢寧願專心做好管理層工作先,相信播完《那些我愛過的人》,暫時都好難再睇到佢喺幕前演出!」

上年12月林文龍獲亞洲電視控股非執行董事兼聯席主席賴彩雲邀請,擔任亞視副總裁一職,在記者會上,林文龍接過對方給他的亞視工作證。
上年12月林文龍獲亞洲電視控股非執行董事兼聯席主席賴彩雲邀請,擔任亞視副總裁一職,在記者會上,林文龍接過對方給他的亞視工作證。
除了重整亞視架構及重組製作團隊,林文龍四月亦以副總裁身份,透過香港社區服務聯會協助,向基層市民派發20萬個口罩抗疫!
除了重整亞視架構及重組製作團隊,林文龍四月亦以副總裁身份,透過香港社區服務聯會協助,向基層市民派發20萬個口罩抗疫!
離開幕前多時的郭可盈,去年底為撐老公林文龍,為《2019年亞洲小姐選舉》擔任評審, 一家三口幸福放閃撐場。
離開幕前多時的郭可盈,去年底為撐老公林文龍,為《2019年亞洲小姐選舉》擔任評審, 一家三口幸福放閃撐場。

畀好大話事權得神級監製出山助陣

今年一月一日正式接手改革亞視,林文龍已滿肚密圈,首先安排亞視總台進行大裝修,不過年初遇上新冠肺炎疫情,好多計劃都被迫延後,不過即使因疫情關閉,林文龍亦遙距斟人過檔,鬥心未有鬆懈。除了向資深演員好友招手,在圈中三十多年的他,更深明一個好劇本及好製作是成敗關鍵,埋班半年,近日便成功拉攏曾為無綫拍下多部神劇如《金枝慾孽》、《珠光寶氣》、《天與地》及《創世紀》等神級監製戚其義出山助陣亞視。

堅拒復出拍劇的郭可盈,卻落力幫老公林文龍拉線,搵無綫第一代神級監製戚其義坐鎮亞視拍劇。
堅拒復出拍劇的郭可盈,卻落力幫老公林文龍拉線,搵無綫第一代神級監製戚其義坐鎮亞視拍劇。

據林文龍好友透露:「今次搵到阿戚(戚其義)助陣,除咗文龍好落力去傾洽,可盈都大力拉線,可盈同阿戚好老友,當年百集神劇《創世紀》及《創世紀之天地有情》,可盈就係擔正第一女主角,套劇仲令可盈事業推上高峰。近年阿戚轉攻國內拍內地劇,嗰邊機會好多,不過文龍同可盈傾佢返嚟亦好有誠意,加上阿戚都想再拍廣東話劇集,而且文龍畀好大自由度佢,喺製作上有好大話事權!」

郭可盈早於千禧年便與羅嘉良合作戚其義監製,耗資一億製作的百集神劇《創世紀》及《創世紀之天地有情》分飾第一男女主角。
郭可盈早於千禧年便與羅嘉良合作戚其義監製,耗資一億製作的百集神劇《創世紀》及《創世紀之天地有情》分飾第一男女主角。

頭炮時裝愛情劇 斟大量猛人開荒

搵到神級監製戚其義省招牌,林文龍如虎添翼,已落實今年開拍兩部劇集,其中一部以「殺手」做題材,另一部是預計九月開拍的時裝愛情劇。據知情者透露:「因為嚟緊要開兩套劇,又要開綜藝節目,幕前同幕後工作人員需求量都好大, 阿戚同一班愛將好似蔡少芬、鄧萃雯、林保怡、邵美琪、黃德斌、周家怡都有接觸,而文龍亦落力傾以前一班師奶殺手好似羅嘉良、吳啟華、陶大宇回歸拍劇,不過頭炮係愛情劇,始終以年輕愛情故事做主線,著重靚仔靚女,所以阿戚搵近年喺影圈好吃香嘅Stephy(鄧麗欣)擔正, 而雯女(鄧萃雯)同Bowie(林保怡),都傾得七七八八!合作成數好高!」本刊致電戚其義所屬的凱藝娛樂,其經理人坦言因疫情關係劇集可能要延期開拍:「依家疫情只係緩和咗,但仍未完全受控,好多嘢都仲傾緊,有消息我哋會盡快公布!」

去年底簽約亞視擔任副總裁一職的林文龍,招兵買馬半年,成功拉攏金牌監製戚其義加盟,更落實今年為亞視開拍兩部劇集,頭炮是一部時裝愛情劇,預計九月開工,阿戚更力斟愛將鄧萃雯、林保怡兩張王牌壓陣。
去年底簽約亞視擔任副總裁一職的林文龍,招兵買馬半年,成功拉攏金牌監製戚其義加盟,更落實今年為亞視開拍兩部劇集,頭炮是一部時裝愛情劇,預計九月開工,阿戚更力斟愛將鄧萃雯、林保怡兩張王牌壓陣。
除了有資深演員擔旗,劇中的年輕愛情線,就斟緊近年在影圈愈戰愈勇的鄧麗欣演出。
除了有資深演員擔旗,劇中的年輕愛情線,就斟緊近年在影圈愈戰愈勇的鄧麗欣演出。

亞視總台關閉五個月大裝修,在七月正式復開,林文龍亦籌劃了連串大計,除了頭炮開拍時裝愛情劇,監製戚其義還會開拍另一部以「殺手」為題材劇集,除了鄭浩南,亦力斟一班上世紀師奶殺手如陶大宇、吳啟華及羅嘉良演出。

林文龍開神劇斟猛人開荒 郭可盈搵戚其義省招牌撼無綫

未有忽略家庭生活夫婦湊女大陣丈

雖然為打響頭炮博盡,上任半年忙個不停,不過林文龍亦未有忽略家庭生活,同老婆郭可盈結婚十六年恩愛有增無減,早前他便偷閒陪老婆去學校接寶貝女津津(林天若)放學,一家三口拖到實落樓梯,溫馨閃爆!當日林文龍夫婦湊女,更帶同助手及工人姐姐同行,相當有CEO氣場!

除了是亞視副總裁身份,林文龍更是個稱職人夫及人父,點忙都唔會忽略家庭,早前他偷閒孖實老婆郭可盈去接寶貝女津津(林天若)放學,一家三口溫馨家庭樂。
除了是亞視副總裁身份,林文龍更是個稱職人夫及人父,點忙都唔會忽略家庭,早前他偷閒孖實老婆郭可盈去接寶貝女津津(林天若)放學,一家三口溫馨家庭樂。
自從女兒津津出世後退出幕前相夫教女的郭可盈,同女兒關係好到不得了,拖著女兒放學的她,面上流露著滿足笑容,相信係拍劇點都畀唔到佢嘅!
自從女兒津津出世後退出幕前相夫教女的郭可盈,同女兒關係好到不得了,拖著女兒放學的她,面上流露著滿足笑容,相信係拍劇點都畀唔到佢嘅!
生女後做全職媽媽的郭可盈,果然教出一個乖巧聽話女兒,放學期間遇到長輩,津津即主動有禮打招呼,十分懂事!
生女後做全職媽媽的郭可盈,果然教出一個乖巧聽話女兒,放學期間遇到長輩,津津即主動有禮打招呼,十分懂事!
林文龍夫婦對女兒錫到燶,一人一邊拖實津津落樓梯,十分享受湊女樂。
林文龍夫婦對女兒錫到燶,一人一邊拖實津津落樓梯,十分享受湊女樂。
林文龍夫婦一家三口加埋助手同工人,湊女放學好大陣仗。
林文龍夫婦一家三口加埋助手同工人,湊女放學好大陣仗。
夫婦倆見到記者,全程表現友善。
夫婦倆見到記者,全程表現友善。
同樣喺當紅時退出相夫湊女,郭可盈跟黎姿一直老友鬼鬼,早前與蔡少芬及張可頤一齊賀黎姿任上市公司 CEO,當年無綫四大花旦難得聚頭,如果四人肯客串上節目,收視定必爆燈!
同樣喺當紅時退出相夫湊女,郭可盈跟黎姿一直老友鬼鬼,早前與蔡少芬及張可頤一齊賀黎姿任上市公司 CEO,當年無綫四大花旦難得聚頭,如果四人肯客串上節目,收視定必爆燈!
有賢妻郭可盈打理頭家兼照顧女兒,令林文龍再無後顧之憂致力發展個人事業。
有賢妻郭可盈打理頭家兼照顧女兒,令林文龍再無後顧之憂致力發展個人事業。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地