林夏薇爆冷奪視后惹爭議 重溫歷屆TVB「陪跑專員」 鍾嘉欣未算最慘

文：東方新地 ｜圖：YouTube@TVB娛樂新聞台截圖、IG@wong_manman、TVB截圖

曾志偉強調評選制度公道

無綫總經理曾志偉日前現身《2022北京冬季奧運會》記者會，談及今年《萬千星輝頒獎禮》最高達29.1收視點，成績十分不俗。但對於林夏薇爆冷力壓鍾嘉欣奪視后，惹來大量網民不滿，曾志偉亦大感無奈，並強調評選制度公道：「今年制度係盡量公道，係觀眾、職員同藝員夾埋投票嘅最高票數，所以都係眾望所歸。」他續稱︰「其實我心水係黃智雯，佢喺台慶嘅表現都好好，而我都有讚過佢演文戲嘅表演都好好，亦都喺唔同嘅劇都有好表現。但係始終我哋幾個人開會，各個人心水都唔同。」

黃智雯多次飲恨

黃智雯是近的的心「陪跑專員」之一。參選《2007年度香港小姐競選》最後五強後入圍的黃智雯出道初期即獲大量演出機會，2012年更憑 《缺宅男女》飾演巴辣人妻「婁笑蘭（關二嫂）」而在《萬千星輝頒獎典禮2012》首度入圍「最佳女配角」最後兩強，同年獲得「飛躍進步女藝員」獎。及後開始走上女主角之路。入行14年，總獲得8次視后提名，當中三次打入最後五強，最唔抵嗰次大概係2018年《三個女人一個因》入面一人分析三角，最後輸咗畀《BB來了》嘅李佳芯。

鍾嘉欣最唔抵

其實今年呼聲最高的一直都以憑《星空下的仁醫》章以芯一角入圍的鍾嘉欣，原因除了是她特意返港拍劇兼出席頒獎禮，然而到最後都係輸畀林夏薇。鍾嘉欣入行17年，入圍提名視后共11次，當中有8次都能夠入圍5強，可惜從來都沒有封后，又難怪網民會咁戥佢唔抵嘅！不過原來陪跑次數最多嘅另有其人！

郭可盈先係真正嘅陪跑大使

現時52歲的郭可盈在1993年參選香港小姐入行，雖然三甲不入，但觀眾緣好的她一加入聯合TVB即拍劇，以驚人的速度升呢做女主角，1995年更憑《刑事偵緝檔案》的高婕（Jessie）一炮而紅，之後參與的劇集幾乎全部都係擔正！而在1995年至2009年期間，郭可盈總共獲提名13次視后，當中5次能夠躋身5強位置，但都係冇攞過。

視帝陪跑皇者-林峯

但講到最最最唔抵嘅，男子陪跑組比起女士更加慘烈，當中林峯則以17次提名全落空而「冠絕」TVB，當中有8次入圍最後五強。其實林峯自1999年出道就經常擔任重要角色，到2001年接拍《尋秦記》飾演男主角趙盤更加大獲好評。而去到2008年《溏心風暴之家好月圓》的管家仔以及2012年《雷霆掃毒》中的Happy Sir亦獲得高度評價。當然唔少得2014年《使徒行者》爆Seed一角，當時不少觀眾都認為他穩奪視帝寶座，但最後還仍然輸畀《忠奸人》嘅郭晉安。

黃宗澤15次落空僅隨其後

1998年入衘的黃宗澤原來都係視帝「陪跑員」，曾15次入圍爭視帝，當中三次成功躋身最後五強。當中以2016年《幕後玩家》的大反派秦昇海一角以及2011年《潛行狙擊》的蘇星柏呼歡最高，可惜都係全數數落空。

其它陪跑專員

其實TVB設視帝視后獎項僅25年，每年十幾二十部劇集，陪跑嘅人一定多過得獎者。例如馬浚偉、吳啟華、劉松仁以及林文龍等都獲提名超過10次以上；郭羨妮、吳美珩、滕麗名等都係提名常客。攞到獎固之然開心，但攞唔到獎嘅都總會有人戥你唔抵。如果吓吓都好似林夏薇咁攞完又咁多人質疑嘅話，可能真係唔攞好過攞！