林作
林作

林作被打腫眼 爆阿媽以百萬利誘勸退 鍾培生:我啲拳好凖

影視娛樂

廣告

林作為應付9月與鍾培生的「林鍾一戰」,上月更首次上擂台比賽為百萬擂台戰熱身,最後落敗收場被鍾培生稱作「女朋友」去羞辱﹗日前林作貼出被打腫眼的相上社交網,透露身在內地的媽媽以百萬利誘他,落力勸退,林作在網上問大家意見,遭網民指他淆底想縮沙,究竟係淆底定又宣傳保險招數?

文:東方新地 |圖:林作、鍾培生IG

上周,林作與比佢重磅的拳手對打,林作留言:「70KG 迎戰不可能的任務,85KG教練。你睇睇我打得幾進取!重我15公斤,驚都未驚過!一膽二力三功夫!而我,渾身是膽。」(圖片來源:林作IG)
上周,林作與比佢重磅的拳手對打,林作留言:「70KG 迎戰不可能的任務,85KG教練。你睇睇我打得幾進取!重我15公斤,驚都未驚過!一膽二力三功夫!而我,渾身是膽。」(圖片來源:林作IG)

林作被打腫眼:有啲睇唔清嘢

林作日前自拍一張被打腫隻眼的照片上社交網,留言:「我靠塊面食飯㗎大佬﹗仲好似有啲fracture睇唔清嘢添」。事隔一日,林作左眼肚位置明顯瘀青,他留言:「今日將我打腫眼照片send畀身在內地的媽媽,媽媽馬上打來,要求我退賽。」更指媽媽以百萬利誘他勸退,林作在網上問大家意見:「我應該攞我老母一百萬,定攞終賠(鍾培)生一百萬?我係裙腳仔嗎?」

林作將被打腫眼自拍照放上IG,問邊個打成佢咁,並指自己靠樣搵食﹗(圖片來源:林作IG)
林作將被打腫眼自拍照放上IG,指自己靠樣搵食﹗(圖片來源:林作IG)
林作左眼下瘀青一片。(圖片來源:林作IG)
林作左眼下瘀青一片。(圖片來源:林作IG)

網民:你老母叫你飛裕美又唔見你咁聽話

林作問網民意見,是否應聽媽媽的話,被網民勁噓指林作實質係淆底想縮沙,有網民留言「之前講到係威係勢,你唔係唔打呀?」、「暗示唔對戰,冇骨氣」、「你老母叫你飛裕美又唔見你咁聽話?你唔係群腳仔,只係一碌廢柴咋。」、「打完自己一拳,借阿媽把口退賽,呢招高﹗」、「你個黑眼圈仲大過被打腫個位」。

林作晒被打腫眼爆阿媽科水勸退 問網民意見反被噓:想縮沙?

網民:抄愛回家橋縮沙?

林作晒被打腫眼爆阿媽科水勸退 問網民意見反被噓:想縮沙?

林作晒被打腫眼爆阿媽科水勸退 問網民意見即被噓:想縮沙?
相隔一日,林作再晒傷勢。

林作朋友勸:有爆眼骨風險,可大可小

林作又引述朋友對他的留言:「Yo man, 隻眼入面有機會少少裂左,再操落去或者練落去或者比鐘追住黎打呢個位都有爆眼骨風險,你自己小心呀!可大可小」,似為自己作下台階,不過網民唔同情亦唔buy﹗

林作與母(圖片來源:林作IG)
林作與母(圖片來源:林作IG)
林作透露其母現正在內地工幹搵錢,他強調其母坐商務位、Hermes包包放地上。(圖片來源:林作IG)
林作透露其母現正在內地工幹搵錢,他強調其母坐商務位、Hermes包包放地上。(圖片來源:林作IG)

網民猜陰謀論:可能扮廢,到時一拳KO條三世祖

林作晒被打腫眼爆阿媽科水勸退 問網民意見反被噓:想縮沙?

網民心水清:佢幫自己做緊marketing啫

林作晒被打腫眼爆阿媽科水勸退 問網民意見反被噓:想縮沙?

鍾培生回應:打嘴先 林作突改口

林作被母勸退出比賽,被網民指想縮沙,又引述朋友指再傷及眼會有爆眼風險,對手鍾培生即回應:「放心,我啲拳好凖,打嘴先﹗」意指不會令林作眼受傷,因為會對準他的嘴去打﹗有傳林作和鍾培生早前簽訂的合約,內容有提及若退賽,賠償金額不少於一百萬﹗經過網民一輪熱議後,林作突然改口話唔會退賽:「因為我老母好古惑,佢應該孤寒過終賠生,講完唔兌現。至少終賠(鍾培)生冇得吾畀﹗#絕不縮沙」

鍾培生早前亦展示其練拳時被打到眼瘀眼的傷勢。(圖片來源:鍾培生IG)
鍾培生早前亦展示其練拳時被打到眼瘀眼的傷勢。(圖片來源:鍾培生IG)

林作展示訓練成果被師姐狂打:係風度嚟

林作5月首次參加拳擊比賽《Energy Fight 2021 第一回》,賽前他特意召集傳媒到灣仔一間拳館,「欣賞」他現階段的訓練成果,不過全程都只見他被師姐曾海蘭狂打,對此林作表示:「我呢啲係Gentleman風度嚟嘅!」林作又指其師姐係專業冠軍,叫大家唔好睇小佢,他說:「女人都可以好大力,好似屋企嗰個(指裕美)都大力過我,同佢喺屋企都有練!」

林作
林作指自己是大賽類型,愈多觀眾睇就愈興奮,仲話:「如果多啲美女助陣會勁多幾倍。」

講到同鍾培生9月的對戰,林作話信心十足,他說:「我覺得呢個幾月嚟接觸拳擊嘅最大體會,係我嘅人生最適合嘅唔係讀書、唔係做大律師、唔係入娛樂圈、亦唔係做保險,而係做拳手,我玩得太遲,如果佢(鍾培生)早啲搵我,可能我已經係曹星如個大佬。」

林作
林作指自己人生最適合嘅係做拳手。

問到林作有何說話想對鍾培生講,他說:「如果打親佢,真係sorry!」又指鍾培生話要戒色係因為身子虛,他笑言:「我唔使戒,我滿滿的愛要釋放出來嚟畀大家,我酒都戒咗兩年,唔煙唔酒,都唔係太多色,嚟嚟去去嗰個,佢就多啲。」

林作
林作寸爆鍾培生要戒色係因為身子太虛。

林作貼操肌成效驚現腹肌胸肌

未打過拳的林作,與上過擂台作賽的鍾培生似乎已分高下,不過向來自信爆棚的林作多番炫耀指自己有運動天份,對打低對手充滿信心,鍾培生為拳賽更揚言要禁慾,誓要打到林作被抬落台先擺休。林作不時把練拳擊的過程公開,早前他曾po出操肌前後的對照,來來現腩肉的腰間變成結實肌肉,令大家驚為天人,何以進步如此神速,有網民直言:「鍾生大鑊了﹗」

林作 吳業坤
林作早前赤膊晒毫無肌肉及線條的上半身,更豪言以打贏「終賠生」為目標。

林作近來除了繼續發展其保險事業外,便是為9月對戰鍾培生而加緊練拳,近來林作不時晒練拳過程,更試過赤膊上身晒豬腩肉,並留言:「呢個係第一日嘅body shape,我就每日出一張相,半年後嘅身型,將會嚇死你﹗」點知不用半年,林作晒操肌前後大比拼,右邊的操肌後相,肌肉結肉有線條,胸肌、腹肌齊晒。

鍾培生 林作
林作貼出的操投前後大對比,原來是「借用」吳業坤三年前努力操肌,為送上生日禮物給自己的舊照,相隔一年,吳業坤回帶出舊po,竟連粉絲也誤以為相中人是林作。
林作 吳業坤
林作貼出坤哥相,竟有網民指林作操到咁fit,對手鍾培生好大鑊﹗

睇真啲,原來林作借了吳業坤的相,一眾坤哥粉絲及網民都留言以為兩張合拼的相都是林作本人,林作借相出po,網民都仍然以為是林作本人,更留言「鍾生大鑊了﹗」呢張操肌前後相,原來是人在日本的吳業坤在FB把舊帖重po,留言:「希望下個月生日可以再做到啦,回帶﹗」但一眾紛絲竟錯認相中人是林作,自稱死忠粉絲也留言指認錯為林作,吳業坤即留言:「本來呢個係勵志post….」,網民即留言:「做咩抽林作水呀?」「林作都好勵志呀﹗」、「以為你都想參加打戰啊」

林作 吳業坤
吳業坤被網民誤以為是林作,親自回覆指這「本來是個勵志post」。
林作 吳業坤
網民笑指以為學空手道的坤哥有意上擂台。

吳業坤現身回覆仍然無效,網民繼續洗版指以為是林作,吳業坤喊咁口再留言:「你哋唔好騎劫我」,網民留言:「冇人對你啲肌肉有興趣」、「林生可以搵你代打,你哋太似樣」、「你又想同鍾生打?」

林作 吳業坤
連坤哥忠粉都認錯。
林作 吳業坤
吳業坤現身回應

對於吳業坤被人錯認為自己,林作相當興奮,在IG即時動態貼出吳業坤的留言,並寫到:「坤哥表示黯然」

林作 吳業坤
近來林作全力練拳,仲自誇已經有成績。
林作 吳業坤
林作一周操足幾日拳,以應戰鍾培生。

鍾培生在私家擂台操拳

家族坐擁百億、自家電競生意值3億的鍾培生,每日在二萬呎大屋內的自家擂台練拳,一周練六日,每天七點半準時操練,已進入作戰狀態,鍾培生更指在七月前只有四次飲酒的quoto,七月後會全面戒酒、戒汽水,戰勝野心強大,鍾培生更表明會禁慾:「禁慾真係好難,打前三星期會禁慾﹗」鍾培生經常指自己荷爾蒙盛於常人,所以禁慾對於他來說難度滿分,不過佢話會對自己嚴謹,規定自己每月只可以「打兩次飛機」,只許成功,不許失敗﹗

鍾培生 林作
鍾培生除了有私家擂台,當然仲有私家gym房,一周練足六日。
鍾培生 林作
鍾培生對戰林作,豪言要打到佢被抬落台。
鍾培生 林作
鍾培生在二萬呎大屋內的自家擂台上練拳。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地