東張西望 何伯
東張西望 何伯

東張西望|梁敏巧追問技巧獲讚賞!何太母子「露底」、街坊爆驚人情報

影視娛樂

廣告

《東張西望》連日來報導76歲何伯與新何太閃婚一事,「東張女神」換入接替被讚訪問技巧有料到!最新進展係街坊大爆何太「四處釣魚」,女主持梁敏巧更會發掘何太公屋單位「隱藏人物」——何太個仔進行採訪!

女主持梁敏巧多角度連環追問 何伯街坊大爆何太「四處釣魚」

今晚《東張西望》一播出,兩位何伯街坊就大爆何伯和新何太的相識經過。兩位街坊都指一開始就已經覺得新何太有問題,事關新何太剛在街市擺攤就周圍同人講自己離婚五年,想搵單身男人。兩位街坊更大爆何太經常四處「釣魚」,更曾經同街市已婚剪髮師傅有交換微信。

兩位街坊都指差不多半個街市都有勸過何伯,叫何伯遠離新何太,唔好飲對方的湯水:「我同佢(何伯)講,叫佢(何伯)唔好再跟住佢(何太),點會嚟咗幾日就話做你老婆啊。你幾個仔女又唔係對你唔好,何必要搞到咁,醒吓啦!」

東張西望 何伯 街坊都大讚其實何伯本身心地善良、人品好。(圖片來源:TVB)
街坊都大讚其實何伯本身心地善良、人品好。(圖片來源:TVB)
東張西望 何伯 新何太入駐街市第一日開始,一班街坊已經覺得新何太唔係好人,不停勸何伯遠離新何太。(圖片來源:TVB)
新何太入駐街市第一日開始,一班街坊已經覺得新何太唔係好人,不停勸何伯遠離新何太。(圖片來源:TVB)

女主持連環辛辣追問 何伯激動搶答

女主持梁敏巧就網民的批評和街坊的爆料,連環辛辣追問何伯和新何太。一開始就問到何太到處叫街坊介紹男人自己認識一事,何伯就激動搶答:「佢第一句同我講,佢問我有冇一個好男人介紹畀自己,佢叫我同佢搵啊嘛,我第一句就同佢講你做我老婆啦,我留返自己嚟用。」

當被問到新何太同其他男人交換微信一事,何太就指知道對方有老婆,交換微信亦只是想問對方開髮廊一事,何伯都有出聲維護太太。

東張西望 何伯 女主持連環追問新何太到處「釣魚」一事,何伯就話何太都有叫自己介紹男人認識,但何伯當時就反而主動要對方做自己老婆。(圖片來源:TVB)
女主持連環追問新何太到處「釣魚」一事,何伯就話何太都有叫自己介紹男人認識,但何伯當時就反而主動要對方做自己老婆。(圖片來源:TVB)
東張西望 何伯 何伯指係自己要對方做自己老婆。(圖片來源:TVB)
何伯指係自己要對方做自己老婆。(圖片來源:TVB)

何伯嬲爆否認自己「戀愛腦」

當女主持提到有網民指何伯「戀愛腦」一事,何伯一開始聽唔明「戀愛腦」,以為網民笑自己年紀大,到女主持和新何太解釋清楚後,何伯即刻嬲爆否認:「我前妻走咗9年喇,我9年冇識過任何女人,9年後感情到喇,緣分到喇,我先鐘意咗佢(新何太)。我唔係戀愛腦,我愛佢愛得正確,有佢照顧埋我下半生,我就好開心。」

東張西望 何伯 何伯否認自己戀愛腦,並表示戀上對方是正確的事。(圖片來源:TVB)
何伯否認自己戀愛腦,並表示戀上對方是正確的事。(圖片來源:TVB)

何伯否認食壯陽藥:後生仔都唔夠我嚟

何伯跟新何太的個案播出後,更引發網民「洗板式」討論。對於網友評論何太貪財、何伯被迷魂湯毒害」、「灌迷魂湯」、「飲死你呀!有毒呀!」,何伯即反對,還認為新何太煲的湯反而令他很精神:「我冇飲壯陽藥,唔洗啊,啲後生仔都唔夠我嚟」。

東張西望 何伯 網上大批網民都笑指新何太是否在湯水放壯陽藥。(圖片來源:TVB)
網上大批網民都笑指新何太是否在湯水放壯陽藥。(圖片來源:TVB)
東張西望 何伯 何伯就表示不需要壯陽藥!(圖片來源:TVB)
何伯就表示不需要壯陽藥!(圖片來源:TVB)

網民大讚女主持訪問有料到:何伯果然招架唔住

最新一集播出後,網民繼續洗版式留言,不少網民大讚女主持訪問技巧有料到:「做足功課!」、「又靚又醒目」、「何伯果然招架唔住」。

亦有網民都替何伯執迷不悟感到好心累:「何伯真係幾時先醒」、「越飲越精神咪能量飲品囉,過一排咪XX」;又有網民認為何伯態度都麻麻:「何伯平時係街市做咩?遊蕩?」、「朝早買報紙已經飲緊啤酒」、「由得條廢老比人呃哂d錢算啦,咪哂時間」、「佢地根本一合即合 有咩好講」等。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:TVB資料或影片來源:原文刊於東方新地