李麗珍22歲長腿囡囡愈大愈索名花有主無意做藝人

新假期 - 影視

Mar 13 2020

廣告

一代性感女神李麗珍與音樂人許愿離婚後，一直同囡囡許倚榕 (Annise) 相依為命。轉眼間 Annise 已經22歲，仲遺傳咗媽媽嘅優良基因愈大愈索㖭！

撰文、圖片：東方新地

李麗珍22歲囡囡女大十八變

仲記得細細個已跟住爸爸出席公開活動，Annise 當年仲戴住眼鏡怕怕醜醜，不過女大十八變，22歲嘅 Annise 已長得亭亭玉立，眼大大、鼻高高五官標緻，白滑纖幼長腿同樣吸睛，同媽咪有得揮！

成功遺傳媽咪嘅優良基因，Annise愈大愈索。

54歲李麗珍拍埋去22歲囡囡許倚榕身邊，十足兩姊妹！

早前李麗珍孖Annise齊齊慶祝生日。

Annise 不時喺 IG 開心 share 生活相，早前同媽媽一齊慶祝生日，拍埋去天生 baby face 嘅李麗珍身邊，十足兩姊妹一樣！爸爸許愿亦不甘示弱，大晒同個女嘅今昔對比圖，證明童年、現在都咁可愛！

當年同許愿結婚，被傳媒冠以「美女與野獸」組合，最終離婚，囡囡倚榕一直跟隨媽媽生活。

許愿同囡囡關係亦唔錯，時有見面食飯，許愿亦大嘆女兒大得快。

小時候嘅Annise戴上眼鏡一臉稚氣，估唔到女大十八變家陣變得咁靚。

名花有主常出po放閃唔做藝人做設計

Annise 咁靚女當然大把人追，可惜佢早已名花有主，仲經常 po 出同男友嘅甜蜜合照放閃，又攬又錫鬼咁煙韌。雖然以 Annise 嘅條件要喺娛樂圈闖一番事業絕對唔難，不過李麗珍曾經講過囡囡冇意入行，只想向設計方面發展。李麗珍仲話從來唔會嚴管囡囡嘅工作以及感情事，只要囡囡開心就好，難怪同囡囡感情咁好啦！

Annise經常出po晒同男友合照放閃，型男索女襯到絕！

22歲女青春無敵，加埋對白滑長腿夠晒殺食！

偶爾嚟個健康小性感。

側面睇仲好有仙氣添！

關鍵詞

許倚榕李麗珍星二代