李元玲公開男友合照發出「渣男警告」細數偷吃閨蜜背叛行為:唔敢再信男人!

影視娛樂

廣告

「大馬鋼琴女神」李元玲(Cathryn)一向毫不吝嗇自己的好身形,亦不時會在IG發福利,不過呢日佢發嘅唔再係令人熱血沸騰嘅性感相,反而係令人嬲爆嘅消息⋯⋯

李元玲前度聲稱單身 同時偷食多人

李元玲(Cathryn)除咗琴技了得,由於經常做運動,弗爆身材亦係佢嘅標記。而今日佢喺Instagram上載咗三張同前男友嘅合照,點解係「前」男友,事關李元玲呢個帖嘅第一句就係「渣男Alert !」(渣男警告),根據佢所講呢位男友曾經唔止出軌,對象仲係李元玲嘅朋友。李元玲仲警告所有女性唔好再上當,指前男友聲稱自己單身,而家仲同好多女性有曖昧。

 李元玲 李元玲於IG發出渣男警告
李元玲於IG發出渣男警告(圖片來源:cathrynli@IG)
 李元玲 李元玲公開了三張同前度嘅合照
李元玲公開了三張同前度嘅合照(圖片來源:cathrynli@IG)

李元玲前男友同閨密因唱K而「結緣」

除咗喺Instagram出帖「警世」,李元玲前一晚已經喺限時動態訴心聲,話被男友呃感情之餘,仲被閨密背叛,又話要自己一個人面對真係好可怕,今次上咗好寶貴嘅一課。到咗今日佢再「加碼 」,貼出背叛佢嗰位閨密嘅合照,並留言:「帶我男友出來唱K,介紹我朋友們給他認識,她就背著我私底下跟他約會,真的不敢再相信閨蜜。」睇嚟佢真係傷得好重。

 李元玲 李元玲上載與背佢嘅閨密合照
李元玲上載與背佢嘅閨密合照(圖片來源:cathrynli@IG)
 李元玲 由IG限時動態嘅字裏行間睇得李元玲被背叛後幾咁難過
由IG限時動態嘅字裏行間睇得李元玲被背叛後幾咁難過(圖片來源:cathrynli@IG)

李元玲憶述相戀過程到被背叛 呻唔敢再信男人

李元玲去到4月10日黃昏以長文講番同前度當初由相識到熱戀,再到情變嘅過程。

佢話起初覺得呢個男人係無害又正直嘅暖男,所以一齊。拍拖嗰陣,考慮到對方嘅經濟同面子,所以都唔敢去高級餐廳消費,只係敢食經濟餐。又謂為咗俾對方安全感同信任,李元玲從來唔會同異性有任何灰色地帶嘅關係,有個咁好嘅女友都未滿足。李元玲指控前度自從認識咗佢嘅朋友,就偷約會佢嘅女性朋友,甚至連男性朋友睇中嘅心儀對象都唔放過。咁都未算最 「渣」嘅行為,前度仲「渣」到同Cathryn嘅朋友講,係被Cathryn單方面纏住佢唔放。

 李元玲
李元玲表示,拍拖嗰陣,考慮到對方嘅經濟同面子,去餐廳都係女方埋單比較多。(圖片來源:cathrynli@IG)

食飯唔埋單 李元玲仲有大把證據在手

雖然李元玲有大把證據證明男友偷食,不過因為愛得太深驚失去,每次都選擇忍受,結果到最後無限量嘅付出,只係換嚟絕情,背叛,欺騙,劈腿,謊言以及推卸責任。經歷呢次情傷,Cathryn透露用咗好長時間沉浸喺極大痛苦中,又話唔敢再相信男人,希望自己能夠放下過去,從新開始,仲話有好男人等緊佢,有唔少網民留言為佢打氣加油。

 李元玲 李元玲力數前度渣男行為
李元玲力數前度渣男行為。(圖片來源:cathrynli@IG)

李元玲身材弗爆 自爆曾被要求「潛規則」

現年32歲嘅李元玲係鋼琴王子李雲迪愛徒,近年經常喺社交網大晒弗爆泳衣同健身相,身高168CM嘅佢曾經公開三圍數字「32C、23、36」,一度被杜汶澤封為「馬來西亞籮柚王」,以天使面孔加上魔鬼身材,喺Instagram臣服咗逾223萬追隨者。另外,Cathryn言論作風都好大膽,舊年曾經點名大爆自己曾被導演監製要求飲酒陪睡,嚟換取角色的潛規則。

 李元玲 李元玲經常喺社交網派福利
李元玲經常喺社交網派福利(圖片來源:cathrynli@IG)
 李元玲
(圖片來源:cathrynli@IG)
 李元玲 李元玲喺社交網晒身材多過晒琴技
李元玲喺社交網晒身材多過晒琴技(圖片來源:cathrynli@IG)
 李元玲 連彈琴都咁性感,難怪有咁多追隨者
連彈琴都咁性感,難怪有咁多追隨者(圖片來源:cathrynli@IG)
 李元玲 被封「馬來西亞籮柚王」,唔係冇原因
被封「馬來西亞籮柚王」,唔係冇原因(圖片來源:cathrynli@IG)

李元玲男友有什麼渣男行為?

李元玲指男友不但與閨蜜出軌,更同時與多女搭上⋯⋯詳情請看

李元玲男友與閨蜜如何搭上?

李元玲於限時動態亦放上與閨蜜的合照並寫上二人如何背叛她,再發長文分享被背叛的心情⋯⋯詳情請看

撰文:東方新地圖片來源:cathrynli@IG資料或影片來源:原文刊於東方新地