朱智賢
朱智賢

36歲朱智賢2.0靚樣被指再進化!精緻五官獲讚靚過晒今屆港姐

影視娛樂

廣告

36歲朱智賢(Ashley)參選《2013年度香港小姐競選》後晉身娛樂圈,該屆港姐的質素相當不俗,三甲是陳凱琳、蔡思貝及劉佩玥,而落選的朱智賢亦有出席今屆於紅館舉行的《2022年香港小姐競選》,當日她盛裝出席,並在其個人社交網分享靚相,卻被網民質疑「同以前差好遠」,再惹變樣疑雲!

朱智賢 朱智賢以Cool樣現身《2022年香港小姐競選》,嘩! 驟眼睇以為是葉翠翠。
朱智賢以Cool樣現身《2022年香港小姐競選》,嘩! 驟眼睇以為是葉翠翠。(圖片來源:IG@ashley_ellabel)

朱智賢慶幸能踏上紅館

《2022年香港小姐競選》於25號晚圓滿結束,最後由星二代林鈺洧摘下冠軍,當晚朱智賢接受傳媒時表示,想當年自己參選時又蠢又純,完全唔識表現自己,又怕醜,錯過了很多表現自己的機會,現在見到班師妹好犀利,朱智賢笑言當年參選時已經腳震,又要著高踭鞋,好驚會仆低,今次有機會能夠踏上紅館這個舞台相當榮幸。

朱智賢 身穿超高叉設計大晒白滑美腿晚裝,仍轉移不到視線,被網民發現朱智賢又變樣。
身穿超高叉設計大晒白滑美腿晚裝,仍轉移不到視線,被網民發現朱智賢又變樣。(圖片來源:IG@ashley_ellabel)
朱智賢 參加港姐入行前的朱智賢是名空姐,她解釋因為當時貪靚去箍牙,所以個樣同今日比真係差好遠。
參加港姐入行前的朱智賢是名空姐,她解釋因為當時貪靚去箍牙,所以個樣同今日比真係差好遠。(圖片來源:IG@ashley_ellabel)

IG分享靚相

當晚打扮靚靚出席的朱智賢,以一身仙氣十足的白色晚裝示人,裙子設計特別,超高叉設計大晒白滑美腿,外面再披上一層雪紡,相當性感吸睛!其後朱智賢更在IG哂出一系列的靚相,並寫上:「人生能夠有機會踏上紅館舞台係一種榮幸」,不少粉絲都留言大讚朱智賢的打扮十分性感迷人,寫下:「朱朱好靚好高貴」、「長腿女神朱朱靚爆鏡有仙氣」、「晚裝太適合你」等,更有網民留言指「靚過冠軍」、「靚過哂參選D港姐」。

朱智賢 朱智賢入行前的空姐look,外貌被指與現時差別甚大。
朱智賢入行前的空姐look,外貌被指與現時差別甚大。(圖片來源:新傳媒資料庫)
朱智賢 雖然再被指個樣唔同,但朱智賢仍十分正能量,仲留言多謝化妝師。
雖然再被指個樣唔同,但朱智賢仍十分正能量,仲留言多謝化妝師。(圖片來源:IG@ashley_ellabel)
朱智賢 朱智賢2.0一出,即被網民大讚:「靚過冠軍」。
朱智賢2.0一出,即被網民大讚:「靚過冠軍」。(圖片來源:IG@ashley_ellabel)

網民認不出是同一個人

不過也有網民認為朱智賢的靚樣比起以前愈來愈精緻,五官輪廓愈來愈立體,幾乎認不出是同一個人,真係有幾分似葉翠翠,網民留言「真係同一個人?」、「同以前差好遠」、「又進化了?」 朱智賢自入行以來,已不只一次被傳愈來愈靚,曾經流出一張她的陳年舊照,樣子及身材亦和現在有很大分別,當時她的臉比較闊、鼻比較扁而且是單眼皮,身形更是平平無奇,反而現在鼻樑又高又挺,眼睛明顯是雙眼皮。

朱智賢 睇真啲,朱智賢2.0進化咗樣貌十分精緻!
睇真啲,朱智賢2.0進化咗樣貌十分精緻!(圖片來源:IG@ashley_ellabel)
朱智賢 和狗狗一起在影樓影靚相相,朱智賢扮Q都好可愛。如果不是由朱智賢自己貼相在IG分享,真係估不到相中人是她。
和狗狗一起在影樓影靚相相,朱智賢扮Q都好可愛。如果不是由朱智賢自己貼相在IG分享,真係估不到相中人是她。(圖片來源:IG@ashley_ellabel)

從不考慮微調外貌

朱智賢曾接受傳媒訪問解釋那時的她只有十幾歲,唔係好識化妝,她深信很多人十幾二十年前後個樣都會有分別,加上她25歲時有箍過牙,當時總共剝了8隻牙,所以前後個樣都會唔同。朱智賢坦言自己從不考慮去執樣,即使打針微調亦不會,她覺得會好唔自然,自己亦崇尚自然美。對被指現時樣貌變靚不少,朱智賢笑言其實大家無見過她無化妝個樣,只係化妝後真係靚好多,她自己都好驚別人見到自己素顏,因為見過的人反應都好驚訝,就連其父見到都話『嘩,阿妹,你化妝前後完全係兩個人嚟』,其母還叫她『你無化妝唔好出街嚇人』,所以朱智賢甚少素顏示人。

朱智賢 朱智賢曾被父母戲言不化妝出街會嚇親人,所以她甚少素顏示人。
朱智賢曾被父母戲言不化妝出街會嚇親人,所以她甚少素顏示人。(圖片來源:IG@ashley_ellabel)
朱智賢 朱智賢話自己成日唔同樣全因化妝,化妝品真係世上最偉大發明之一。
朱智賢話自己成日唔同樣全因化妝,化妝品真係世上最偉大發明之一。(圖片來源:IG@ashley_ellabel)

朱智賢師奶變女神

朱智賢於12年曾參選香港小姐,雖然身高有優勢,但被指樣似師奶,最後未能入圍初賽,翌年(2013年)再接再勵,當時已27歲嘅佢為最大年紀參賽者,被指拉高平均年齡,最後未能晉身十強,只獲「最具健康美態獎」。

當年選港姐,朱智賢被指樣貌過於成熟。
當年選港姐,朱智賢被指樣貌過於成熟。(圖片來源:新傳媒資料庫)
連選兩次港姐都唔掂,朱智賢有身高同身材但冇樣。
連選兩次港姐都唔掂,朱智賢被指有身高同身材但冇樣。(圖片來源:新傳媒資料庫)

本來平平無奇的朱智賢,近年愈執愈索,14年開始在J2旅遊節目《3日2夜》大騷性感身材,令她成為女神.

簽無綫後愈變愈靚,朱智賢搖身變女神。
簽無綫後愈變愈靚,朱智賢搖身變女神。(圖片來源:新傳媒資料庫)
朱智賢火辣身材成最大賣點,更是歷年來主持最多次《3日2夜》的女藝人,總共有七次。
朱智賢火辣身材成最大賣點,更是歷年來主持最多次《3日2夜》的女藝人,總共有七次。(圖片來源:新傳媒資料庫)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
朱智賢
撰文:東方新地圖片來源:IG@ashley_ellabel、新傳媒資料庫資料或影片來源:原文刊於東方新地