曾志偉
曾志偉

曾志偉改革搵林敏驄幫拖 癲佬再合體 並肩再戰做搞笑節目

影視娛樂

廣告

曾志偉回巢無綫後積極改革,同唱片公司破完冰,再突擊檢查《後生仔》,頻頻以身體力話畀大家知新官上任事在必行,要令綜藝節目翻生,曾志偉亦開始搵外援。林敏驄在社交網公開與曾志偉會面的合照,留言話同副總經理食飯好緊張,二人曾拍住主持亞視搞笑節目《開心主流派》,合作無間,據知曾志偉力邀林敏驄幫腦諗諗有乜好搞,甚至再合體主持搞笑節目,林敏驄周身刀,又係無厘頭始祖,號召力強勁,曾志偉絕對搵啱人!

撰文:東方新地 圖片:新傳媒資料庫、林敏驄fb圖片

曾志偉
林敏驄在社交網公開與曾志偉見面的合照。
曾志偉
最近愛上瘋狂P圖的林敏聰,又P到曾志偉變成後生仔。

曾志偉邀多年戰友並肩再戰

曾志偉被委任做無綫副總經理,掌管綜藝、音樂製作及節目,憑一人之力難以進行全面改革,除了要充份善用旗下藝員外,曾志偉亦要尋求外界支援,好友林敏驄就是其中一位。林敏驄自爆與曾志偉食飯見面,仲拍短片問副總經理曾志偉有乜吩咐?曾志偉即回答:「我點敢吩咐你吖?」

曾志偉
林敏驄拍片問曾志偉有咩吩咐?暗示曾志偉有事相求,這次見面主要傾公事。
曾志偉
林敏驄在社交網留言表示同曾志偉見面好緊張。
曾志偉
曾志偉搵林敏驄食飯,網民都揣測是傾合作大計。

商討合作大計

有傳曾志偉今次搵林敏驄,是想搵多個腦研究一下無綫的綜藝節目仲有咩可以做,此外,林敏驄亦是資深音樂人,在音樂節目及音樂創作方面,都可以幫到曾志偉。之前已有指曾志偉有意再製作獎門人節目,而當年林敏驄與曾志偉亦曾獲前亞視總監周梁淑怡重金禮聘過檔亞視,一起主持搞笑節目《開人主流派》,他們創造出來的環節《開心字典》亦深受觀眾歡迎,早年更孖住出版多輯《冇有線電台》系列大碟。

曾志偉
當年曾志偉與林敏驄曾為亞視效力倒戈無綫,一齊主持《開心主流派》。
曾志偉
曾志偉與林敏驄合作多年非常有火花。
曾志偉
曾志偉與林敏驄曾合作出唱片,仲上埋《勁歌金曲》。

搞笑節目最佳人選

08年曾志偉與林敏驄舉行了6場口碑極佳的《棟溝笑》,憑著轉數奇快和急才,林敏驄成為香港最受歡迎的創作與搞笑能手。過去多年的獎門人節目,有林敏驄的出現就特別有氣氛,令觀眾笑破肚皮,曾志偉要打仗,好自然地第一時間就諗起這位昔日戰友。

曾志偉
林敏驄是獎門人節目常客,以無厘頭九唔搭八搶鏡。
曾志偉
18年林敏驄與梁漢文為ViuTV主持《Good Night Show 全民星戰》,不過完騷後未見與ViuTV有其他合作。

林敏驄離婚後與前妻的關係是?

林敏驄與前妻2人婚姻只是維持到2008年便宣佈離婚,林敏驄更曾經公開表示…詳情請看

林敏驄的小朋友對於父母離婚有什麼行動?

在父母離異後,跟隨母親陳伶俐生活的他,曾經主動鼓勵母親主動去…詳情請看

資料或影片來源:原文刊於東方新地