晚吹怨女俱樂部｜萌妹為挽前度打針練大隻 變聲似梁思浩網民嘆可惜

Claudia變大隻全因前度

Claudia在節目中坦言，初戀男友當年熱愛健身，但自己年輕氣盛、佔有慾又強，竟然曾限制對方去健身房嘅次數，結果令關係出現裂痕，最終男方另覓新歡，戀情以分手收場。

失戀後，Claudia一心想挽回對方，曾經向內地「情感挽回熱線」求助，前後花費超過2萬元。對方建議佢以健身方式重拾吸引力，但Claudia喺過程中卻意外發現「變大隻」令自己更有自信，從此愛上健身，慢慢將失戀痛苦化為動力。

為變大隻打荷爾蒙針 聲音低沉連私部都有變化

Claudia透露，為咗令自己身形更壯更快見效，佢一度選擇打荷爾蒙針增肌。不過副作用相當誇張，除咗身上爆毒瘡、皮膚變粗糙外，連陰蒂都有明顯腫大，就連聲音都變得低沉似男人。面對身體轉變，Claudia反而一派輕鬆，直言自己冇拍拖、又唔約炮，所以唔會覺得困擾。

經常被問是否「變性人」

由於Claudia聲線明顯變得低沉，不少網民質疑佢是否「變性人」，更有人直言佢把聲幾乎同梁思浩一樣！網民紛紛留言感嘆Claudia原本聲音嬌俏可愛，如今因打針練肌變聲實在太大犧牲：「佢未操大隻之前把聲好女仔、好嬌俏，好可惜」、「操肌唔一定要用藥，用藥練肌雖然快，但副作用一定有」、「健身係好事，但靠打針食藥就太過火，搞到把聲咁低沉，真係走火入魔」、「體內積咁多藥好傷身，年紀大咗就知大鑊」等，留言一面倒替佢感到可惜。