新聞女王︱7大你不知道的事！「Man姐」成功有原因 佘詩曼返屋企唔落妝？
盤點《新聞女王》7大你不知道的事！
1︱佘詩曼返屋企唔落妝？
佘詩曼早前接受新城電台訪問，坦言《新聞女王》劇集有大量的資訊性對白，所以每次一回家都不會去落妝，反而坐在書桌前先背好台詞：
「我唔會去落妝亦都唔會去沖涼，我都係睇曬聽日嘅嘢先，起碼要go through一次有冇咩重要場口，有咩好難講，如果有就背咗先，等我可以利用沖涼呢嗰時間繼續背。因為真係冇時間，寧願瞓多三個字，用埋沖涼嗰三個字去背稿。」
2︱佘詩曼自爆獨特背稿方法
佘詩曼續指在拍攝期間一到休息時間，都會繼續翻讀劇本，並且自爆一個由《宮心計》時期已經開始採用的獨特背稿方法：
「我有一個習慣，因為廠有好多紙，我就會背默下一場戲，所以作成間錄影廠都係我啲紙。我覺得背默會容易記到對白。其實我《宮心計》開始已經係咁樣，會容易入腦好多。」
3︱原本係拍電影？
至於《新聞女王》 總監製鍾澍佳在接受JCR樹仁新傳電台 (新聞女王主題IG LIVE)訪問時，就指當時想將《新聞女王》劇本拍成一部電影，並憶述當時為何想開拍《新聞女王》的原因，鍾澍佳表示：
「其實我第一個諗到《新聞女王》第一場戲就係第8集講「Man姐」當年為什麼會成為『新聞女王』嗰場戲，嗰場戲係《新聞女王》成套劇諗嘅起點。就係當你遇到一個犯，你會選擇拍定係唔拍呢，你會唔會報警？我就諗到呢場咁嘅戲，同埋零零碎碎嘅場面、後面嘅一啲劇情，我就覺得可以變成一個故仔，之後就搵咗剛剛畢業嘅Sonia（盧詠詩）繼續寫。」
4︱「Man姐」真有其人？
《新聞女王》內容涉及新聞理論、新聞道德和社會問題等多個方面，監製鍾澍佳表示團隊在寫劇本之前都會做足功課，選擇去報道哪一條新聞。佘詩曼劇中角色「Man姐」被指似前新聞主播方健儀，莫非真有其人？故事原創人盧詠詩更表示為了故事的真實性，曾經試過去考主播：
「本身讀書已經有好多知識，但都係未出嚟做嘢。當時我自己都希望可以做主播，所以我就決定選擇去考做主播。我想去了解電視台是如何運作，我係感受到成個新聞台嘅氣氛係好緊張，所以其實呢套戲是呈現到當時嘅真實情況。」
「畢業嗰時我就係劉艷 ，工作一段時間之後我就好似張家妍 ，而家要邁向Man姐 。」
5︱電視台SNK命名有原因！
電台主持人問到為何《新聞女王》中的電視台被名為「SNK」，總監製鍾澍佳笑指：
「真正原因其實係因為我改唔到名，因為我哋用呢啲名之前，要查過嗰版權先。我哋團隊用咗一個禮拜時間發現，呢個地球上可以用三個字母拼埋一齊嘅電視台基本上係已經用曬，所以我哋只能夠用宜家呢個『SNK』。」
6︱ 男女主角原型係「佢哋」？
《新聞女王》原著故事為原著故事創作人盧詠詩就讀樹仁新傳系時所寫 ，盧詠詩指原來一開始男女主角原型並唔係馬國明和佘詩曼，盧詠詩坦言：「嗰時寫Man姐嘅角色係叫做文姐，我就諗住鄧萃雯去寫；George呢個角色係諗住林保怡去寫，本來叫Bowie。」其實早有不少網民指鄧萃雯飾演爭權戲得心應手，鄧萃雯給人印象比較強悍，比佘詩曼更加適合出演「Man姐」一角；而馬國明就一出場就被網民狠批唔夠奸，演技超班，又曾經在多套作品出演奸角的林保怡就更加適合「首席男主播」梁景仁一角。
7︱馬國明適合做「李奇」
監製鍾澍佳多年來作品無數，其中《難兄難弟》系列為其最經典的作品之一。當主持人問到假如《難兄難弟》開拍第三季，羅嘉良和吳鎮宇決定不出演的話，會選哪位男演員當任「李奇」和「謝源」兩角時，鍾澍佳表示：
「我有諗過如果要再拍嘅話，我會覺得馬國明適合做『李奇』，你唔好睇佢係《新聞女王》入面咁奸，其實佢本身就『天然呆』，好『李奇』啊！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
