戀愛Staycation
戀愛Staycation

戀愛Staycation|「幼稚園教師」芝芝自認毒女生活超宅:接觸男士嘅機會係零

影視娛樂

廣告

《戀愛Staycation》第二季23歲參賽者「芝芝」Sophia Chiu同時下港女基本上可以畫一個等號,鍾意去迪士尼自拍,又鍾意食好西打卡。平時着到密密實實的芝芝,Instagram而家係得大約4,800個followers,比起節目播出街之前的大約2000個急增超過一倍,而且睇真少少,身形好似唔錯喎!日前她接受《東方新地》獨家訪問,任職幼稚園老師的她,最刻骨銘心的原來是初戀!

戀愛Staycation 23歲參賽者「港女芝芝」Sophia Chiu同時下港女基本上可以畫一個等號,鍾意去迪士尼自拍。
23歲參賽者「芝芝」同時下港女基本上可以畫一個等號,鍾意去迪士尼自拍。(圖片來源:IG@sophiachiuu)

芝芝哭送Sunny 轉頭就有Cyrus約

在第14集經過一輪「競猜誰是玩家」之後,Sunny不幸在投票獲最高票數而離開大宅,由一開始就與他糖黐豆的芝芝非常傷心。不過幸好到男約女環節,芝芝仍然有Cyrus送唇膏約會,可能因為任職幼稚園教師嘅佢太有親和力嘅關係吧!

戀愛Staycation 芝芝一開始就與Sunny糖黐豆。
芝芝一開始就與Sunny糖黐豆。(圖片來源:IG@lovestaycation)
戀愛Staycation 當時節目組要求芝芝投票選出誰是玩家,芝芝當場淚崩。
當時節目組要求芝芝投票選出誰是玩家,芝芝當場淚崩。(圖片來源:IG@lovestaycation)

Sophia參賽訓練膽量

《戀愛Staycation》第二季只得短短六集,自認毒女的23歲參賽者芝芝原來是幼稚園教師:「我唔係話咗畀好多人聽我參加呢個節目,只係圍內同事及朋友知道,因為我係同佢哋一齊報名嘅。屋企人好驚訝我咁細膽都參加,我覺得呢個係好好嘅機會畀我去體驗呢個世界,因為我平時係個好宅嘅人,生活圈子好細,生活好沉悶。」

戀愛Staycation 芝芝 宅女Sophia罕有打羽毛球,她搞笑留言:「好感恩地發現原來我都有運動細胞!」
宅女芝芝罕有打羽毛球,她搞笑留言:「好感恩地發現原來我都有運動細胞!」(圖片來源:IG@sophiachiuu)

芝芝進修特殊教育

芝芝稱畢業後便教幼稚園:「一直做到而家,進修緊特殊教育課程,增進呢方面嘅知識。我係好平凡嘅素人,要向上司請大假,先可以同班朋友仔嚟《戀愛Staycation》共度呢個奇妙旅程。我都係第一次面對咁多鏡頭,真係有啲緊張,好彩7位朋友仔(參賽者)非常之好,佢哋day 1已經叫我放心啦,佢哋lead住我應該點,令我好舒服咁融入佢哋。」

戀愛Staycation 芝芝 Sophia自爆初戀最刻骨銘心,情節如電影《那些年》般,男方成績和操行都差。
Sophia自爆初戀最刻骨銘心,情節如電影《那些年》般,男方成績和操行都差。(圖片來源:IG@sophiachiuu)

Sophia初戀刻骨銘心

談到最難忘的戀愛經歷,Sophia表示:「我最難忘嘅戀愛經歷發生喺初戀,初戀最刻骨銘心,前度同我好似電影《那些年》嘅故事咁,佢係讀書成績同操行都唔係咁好嘅男生,我哋發生咗啲唔開心嘅嘢,內容唔方便透露,因為會喺節目度有提及。」終於,芝芝都在節目中憶述與初戀拍拖三年,突然有一日初戀男友誤會芝芝要Check他電話而大發雷霆,最後更在考完DSE後無預警地向芝芝提出分手,令芝芝一度要致電「撒瑪利亞」熱線找人傾訴心事。對於參加《戀愛Staycation》,Sophia坦言:「我係一個好毒毒嘅女仔,生活只係返工放工,放假去迪士尼,喺屋企只係睇吓YouTube、動漫、Netflix呀咁!」

戀愛Staycation 芝芝 23歲的Sophia社交網大部份照片都在迪士尼拍攝,童心未泯。
23歲的Sophia社交網大部份照片都在迪士尼拍攝,童心未泯。(圖片來源:IG@sophiachiuu)

Sophia盼搵到另一半

Sophia希望參加節目搵到另一半:「我覺得自己有少少初老症,好似我嘅人生比較沉悶,我嘅生活圈子以女性為主,加上我嘅職業係幼稚園老師,以女性佔大多數,接觸男士嘅機會係零,所以身邊朋友好多都好想推我去拍拖,我亦覺得係突破自己嘅方法,擴活自己嘅圈子,如果真係遇到心儀嘅另一半,做埋終身伴侶嘅話,就真係樂事啦!」

戀愛Staycation 芝芝 Sophia開餐都要留影,她笑言希望透過節目認識到另一半。
Sophia開餐都要留影,她笑言希望透過節目認識到另一半。(圖片來源:IG@sophiachiuu)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@sophiachiuu、《戀愛Staycation》截圖資料或影片來源:原文刊於東方新地