愛回家
愛回家

愛回家|Ivan、無知May分手後搞到勁尷尬!預告條線未完仲有機會再復合?

影視娛樂

廣告

無綫處境劇《愛·回家之開心速遞》近日講到拍拖近3年的Ivan(鄧永健飾)和無知May(趙希洛飾)最終分手收場,引來不少網民話要罷睇抗議,更有網民猜測兩人之中,係咪有人要離開《愛回家》。但估唔到兩人分手後仲有得一齊做《愛回家》主角,最新一集《愛回家》劇情就講到兩人和平分手後,關係竟然變得水火不容,搞到成班同事和朋友都勁尷尬!

愛回家 Ivan和無知May突然分手,引發網民熱議。
Ivan和無知May突然分手,引發網民熱議。(圖片來源:[email protected]

《愛回家》第1993集「分手分朋友」(6月23日)劇情:

May與Ivan分手已有一段時間,本來雙方已放下此事,怎料兩人突然鬧翻,鬧得水火不容。龔燁、若水等人欲調停卻不果,唯有盡量避免讓May與Ivan碰面;龔燁等更要於May與Ivan之間作出抉擇,只能選其中一人做朋友,更因此壁壘分明,引發更多紛爭…另一方面,May與Ivan突然鬧翻的背後原來另有文章,二人唯有設法平息龔燁、若水等人之間的爭鬥…

愛回家 和平分手後,May忽然同Ivan面阻阻,更拒絕同枱食飯。
和平分手後,May忽然同Ivan面阻阻,更拒絕同枱食飯。(圖片來源:YouTube@TVB (official))
愛回家 Ivan一臉無奈。
Ivan一臉無奈。(圖片來源:YouTube@TVB (official))
愛回家 一班朋友要在May與Ivan中間二選一。
一班朋友要在May與Ivan中間二選一。(圖片來源:YouTube@TVB (official))

Ivan無知May突分手 網民鬧爆《愛回家》編劇

Ivan(鄧永健飾)和無知May(趙希洛飾)由2020年9月開始拍拖,至今已近3年,《愛回家》近日突然一連兩集交代兩人分手,令不少網民都大感意外,紛紛鬧爆《愛回家》編劇:「應該分嘅就唔分(蔥bon),唔應該分嘅就突然分,編劇係咪玩嘢」、「Ivan和May係愛回家清泉CP,自然簡單唔做作,唔好分手,唔係我會打編劇一身」、「講明係喜劇,點可以有分手戲份…編劇組係唔係癡咗線??如果係癡線,就進入青山」、「希望編劇手下留情,快啲整走阿拾」等等。

愛回家 Ivan扮白天鵝想挽回阿May,但最終都係失敗。
Ivan扮白天鵝想挽回阿May,但最終都係失敗。(圖片來源:[email protected]
愛回家 無知May曾經扮過黑天鵝。
無知May曾經扮過黑天鵝。(圖片來源:[email protected]

趙希洛否認離開《愛回家》

有不少網民更猜測「IM戀」分手,係因為鄧永健或者趙希洛中有人要離開《愛回家》,紛紛追問:「你哋係咪外面有劇拍?」、「係咪有人要離開劇組?」、「掟入雪櫃?」、「May唔係要離開愛回家吖嘛?唔好啦!我好鐘意你同Ivan一齊!演得很好呀!」等,對此兩人都相繼開Live否認會離開《愛回家》,趙希洛接受傳媒訪問時,更笑指要多謝編劇寫得無知May比較委屈,令大家都將分手的茅頭指向Ivan,鄧永健就大方表示有人鬧點都好過鬧都唔鬧。

楊明 愛回家 近日一連兩集突然交代無知May同Ivan分手,令網民都懷疑兩人是否被踢入雪櫃。
近日一連兩集突然交代無知May同Ivan分手,令網民都懷疑兩人是否被踢入雪櫃。(圖片來源:《愛·回家之開心速遞》截圖)
楊明 愛回家 不過兩人就開Live回應傳聞,表示兩人係劇中只係分手,但會繼續留係劇組。
不過兩人就開Live回應傳聞,表示兩人係劇中只係分手,但會繼續留係劇組。(圖片來源:IG@jimjimtang)

預告分手後感情線仲未完

鄧永健和趙希洛私底下亦是好友,不時一齊開Live,鄧永健更大爆趙希洛因為中文講得唔好,有時更會不小心講成粗口,令引發經全廠大爆笑,趙希洛就自言在創作上經常諗到天花龍鳳,這時鄧永健就會提醒她要冷靜下來。鄧永健和趙希洛又預告兩人分手後條線仲未完,不但會繼續做朋友,而且會比普通朋友有更多趣事發生,趙希洛更透露兩人私底下亦有合作拍片,但拍攝內容她就大賣關子,只表示有機會就會再捉住鄧永健開Live。

愛回家 不少網民都希望Ivan可以拋棄堂弟阿拾,同無知May復合!
不少網民都希望Ivan可以拋棄堂弟阿拾,同無知May復合!(圖片來源:[email protected]
愛回家 鄧永健近日有份拍攝無綫新劇《非常檢控觀》,但他直言其角色只屬客串,不影響他演出《愛回家》。
鄧永健近日有份拍攝無綫新劇《非常檢控觀》,但他直言其角色只屬客串,不影響他演出《愛回家》。(圖片來源: IG@jimjimtan)
愛回家 早前趙希洛在《隱形戰隊》演為愛成魔的奸角阿Yan,大受網民讚賞,有網民搞笑問她係咪要離開《愛回家》去搵天哥陳展鵬)!
早前趙希洛在《隱形戰隊》演為愛成魔的奸角阿Yan,大受網民讚賞,有網民搞笑問她係咪要離開《愛回家》去搵天哥(陳展鵬)!(圖片來源:[email protected]

愛回家之開心速遞 |第1993集預告|分手分朋友:

May同Ivan和平分手後,突然又變到水火不容,背後原來另有文章…

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:[email protected]、IG@jimjimtan、YouTube@TVB (official)資料或影片來源:YouTube@TVB (official)